Sidebar

логоFacebook  Twitter  YouTube  eMail

Кожувчанка

Азбучна песна

Тихомир Јанчовски

Се работи за една песна. Напишана на рака, на лист од тетратка со линии. Песната е од пред 20 години, од времето кога предавав литература во „Орце Николов“. Тогаш им дадов на децата задача, да напишат песна за азбуката, за кириличното писмо. Кој колку може, како што може... не наоѓав мана

Средина е на декември, последниот месец во годината. Убавите денови неодамна завршија, се стемнува рано... надвор времето е просто одвратно. Во скопската котлина се насобрале влага и магла, луѓето шетаат со марами на устите и се целите скиснати. Маглата и не е толку густа, колку што е смрдлива и отровна. Соочен со ретко гнасната атмосфера однадвор, и со исто таквите мисли однатре (зашто јас сум од оние на кои времето многу им влијае), најлесно ми е со гнев да пишувам за државата и властите и институциите и разните баксузи и безумија и за се'. Но, ќе се воздржам. Сепак, во ваков град и на вакво време, можеби потешко, но секако поблагородно е да се напише нешто што барем за миг ќе им ги оттргне мислите на луѓето од лошото и грдото околу нив. Значи, вака:

Не знам дали на светов има уште еден кој е толку смотан, изгубен и неуспешен кога треба да најде нешто затурено низ дома: ливче, стара сметка, документ, рецепт, книга, лична карта... Не знам дали има и втор толку расеан како мене. Мајстор во ненаоѓање. Стопати сум правел такви пребарувања и скоро никогаш не сум го нашол она што го барам. Обично викам помош, и помошниците завршуваат работа. Еве, пред некој ден, ми требаше старата здравствена книшка, за да најдам една дијагноза од времето кога имав диплопија. Некаде летото 2008, една недела гледав двојно. Со секое око посебно. За среќа, сето тоа помина како и да не било, ама ми треба дијагнозата... И барам така, и се заинаетив, ќе најдам, и превртев се' наопаку. Шифоњери, полици, фиоки, шкафчиња, кутии... секакви скришни места - и јасно - книшката никаде ја нема. Исчезнала. Јас, потиштен. И како што обично се случува во ваквите ситуации, тоа што ми требаше не го најдов, но најдов нешто друго што одамна го барам и не сум можел да го најдам, а сега се појави. Јас, утешен. Имено, се работи за една песна. Напишана на рака, на лист од тетратка со линии. Песната е од пред 20 години, од времето кога предавав литература во „Орце Николов“. Тогаш им дадов на децата задача, да напишат песна за азбуката, за кириличното писмо. Кој колку може, како што може... не наоѓав мана. И оваа детска песна тогаш толку ми се допадна што ја зачував, и знаев дека некаде сум ја ставил, само не знаев каде. И излезе од некаде. И си ја препишав на компјутерот, за секој случај, оти листот сигурно пак ќе ми го снема. Еве ја:



Азбучна песна



А е како скалата на Мајстор Никола

Б се очила скршени на пола

В е перек од пекарска фурна

Г се поклонило пред публика бурна

Д е бротче што плови по море

Ѓ е Г со шапката горе

Е е чешелчето што го купив вчера

Ж е жаба кај штркот на вечера

З е тројче пишано в дневник

Ѕ е змија што живее в тревник

И е математичка права искршена

Ј е јадица за риболов совршена

К е бумеранг потпрен на ѕид

Л е врв на планина и рид

Љ е Л, но стомак си пуштил

М е мост што на средина се спуштил

Н се шините од долга пруга

Њ е Н со ранец, тргнал за Струга

О е буква што личи на нула

П е во форма на висока кула

Р е меч глави што коси

С е потковица среќа што носи

Т е дигалка во нашиот град

Ќ е на К бушавиот брат

У е шестар за цртање круг

Ф ги ставило рацете на струк

Х е чкртка на ливче за лото

Ц е буре со чеп на дното

Ч е чатал што му фали пачка

Џ е виљушка со скратена рачка

Ш е шнолата на другарка ми Весна

и тука ќе ја привршиме нашата песна

Емилија Велева II5.


Не знам за вашиот вкус, ама за мене песнава е ремек-дело. Би ја ставил во лектира за прво одделение, кога децата се описменуваат. Напишана е од девојче на свои 16 години, искрено и спонтано, со непосредност и визуализација каква што човек на друга возраст не може да има. Емилија денес е мажена и има деца, последен пат ја видов пред некоја година, во дворот на црквата „Свети Ѓорѓи“ во Криводол. Не знам каде е сега и што прави, како живее, ни дали се сеќава на песнава. Не знам ни дали уште пишува, оти многумина се креативни кога одат на школо, а потоа животот им наметнува секакви грижи и обврски, па многу од некогашните таленти одат во заборав. Како и да е, се надевам дека ќе го прочита напишаново и дека ќе и' биде мило. Толку за денес. Инаку старата здравствена книшка уште не сум ја нашол, а ја викам „стара“ оти пред две години ја бев изгубил, па извадив нова. Потоа старата исплива од некаде, па некое време имав две. Сега „старата“ ја изгубив пак. Тоа значи дека вторпат исчезнува. Јас, навикнат.

Извор. Утрински весник

12.12.2015 год.



dobrotoljubie

Поуки од Светите Отци

Видео содржини

dobrotoljubie

Наука и Култура

Април 17, 2025
Festival.Simeon

ЈУБИЛЕЈ НА МУЗИКАТА - X ИНТЕРНАЦИОНАЛЕН ФЕСТИВАЛ ПОЛИХИМНИА 2025

Од 11.04 - 15.04. 2025 год. во Скопје по десетти пат се одржа Интернационалниот фестивал на класична музика Полихимниа 2025. Единствен од ваков вид во нашата земја и оригинален по својата содржина и оваа година фестивалот се обиде да ги обедини најдобрите…
Септември 25, 2024
Zivko.Grozdanoski3

Интервју со Живко Грозданоски: ДПМ може да дејствува гласно, сложно и независно

Ми се чини дека надворешните предизвици, како на пример отсуството на соработка со некои членови (на Управниот одбор) на ДПМ, некои обиди за саботажа итн. (сè се тоа нешта што веројатно секогаш ќе ги има); па сега слабиот рејтинг на ДПМ меѓу членството и во…

„РАДОСТА НЕ ДОАЃА САМА, ТАА МОЖЕ ДА ЈА ЗАСЕНИ ТАГАТА“ Академик Ќулавкова добитничка на наградата „Браќа Миладиновци“ на СВП

Авг 29, 2024 Литература 1069
TviTER231
Пред 35 години, август 1989-та, ми беше доделена првата награда за најдобра поетска книга…

По премиерата на новиот филм „The Walk“ во Њујорк на двојната кандидатка за Оскар - Тамара Котевска

Ное 14, 2023 Филм, Театар 2640
Tamara.Kotevska
Работејќи од нејзините разговори со Асил и другите деца бегалци, режисерката направи…

Беседи

Старец Георгиј Капсанис - ЗНАЧЕЊЕТО НА БОЛКАТА ВО НАШИОТ ЖИВОТ

Старец Георгиј Капсанис - ЗНАЧЕЊЕТО НА БОЛКАТА ВО НАШИОТ ЖИВОТ

Во оваа нова состојба се чини дека смртта и болката имаат позитивно значење, како другата кожна облека со која Бог ги облекол Адам и Ева кога го напуштиле рајот за...

Вознесение во Христос или идолопоклоничко превознесување

Вознесение во Христос или идолопоклоничко превознесување

  Луѓето тежнеат кон правење идоли. Идол е сѐ она што човекот го става на прво место во своето срце, наместо Бог и наместо духовното растење во Бог. Луѓето сакаат...

Св. Климент Охридски: Поука на вознесение на Господ наш Исус Христос

Св. Климент Охридски: Поука на вознесение на Господ наш Исус Христос

Поради тоа, браќа, бидејќи нè очекува бесконечна мака, да се потрудиме преку подвиг да ја избегнеме, со милостина да го пречекаме бедниот и да го угостиме, примајќи го туѓинецот, гладниот...

 Митрополит Струмички Наум: Недела на слепородениот

Митрополит Струмички Наум: Недела на слепородениот

Се случија две средби помеѓу слепородениот и Христос: првата додека уште беше слеп; и втората, откако прогледа и откако Го оправда Христос пред фарисеите. И фарисеите двапати се сретнаа со...

Митрополит Струмички Наум: „Литургијата и на почетокот била Тајна Вечера, а не јавен доручек.“

Митрополит Струмички Наум: „Литургијата и на почетокот била Тајна Вечера, а не јавен доручек.“

       Така, како што веќе напишав: ниту почетокот, ниту крајот на начинот на служењето на Светата Литургија се и ќе бидат исти со денешниот – ниту некој Собор ја прогласил за...

Отец Гаврил-Беседа за Св.Методиј и Св.Кирил

Отец Гаврил-Беседа за Св.Методиј и Св.Кирил

Тогаш сфатил дека не треба да се врзува за ништо световно, и дека треба да живее единствено за Царството Небесно, односно за Бога. И навистина се оддал на богоугоден живот,...

Жарко Ѓорѓиевски: Свети апостоли Јасон и Сосинатар (Недела на раслабениот)

Жарко Ѓорѓиевски: Свети апостоли Јасон и Сосинатар (Недела на раслабениот)

Eвангелската приказна за исцелувањето на болниот човек кој поголемиот дел од својот живот беспомошно лежел покрај бањата која ја опишал светиот апостол и евангелист Јован е пример на чисто милосрдие...

Митрополит Струмички Наум: Христијанин без срце кое гори во молитва...

Митрополит Струмички Наум: Христијанин без срце кое гори во молитва...

Ако Божјите информации што доаѓаат од словото на духовниот отец, од Светото Писмо, од делата на Светите отци ги прифаќаме само на ниво на разум, без да ги прифатиме во...

« »

Најново од култура

Православен календар

 

06/06/2025 - петок

Преподобен Симеон Столпник Дивногорец; Светиот маченик Мелетиј Стратилат и 1218 војници со жени и деца; Преподобен Никита Столпник;

Правила и одредби на Православната Црква за постот
Православен календар за овој месец - МПЦ

Кожувчанка

Молитви кон Пресвета Богородица за секој ден во седмицата

 Радувај се, Ти Која од ангелот ја прими радоста на добрата вест дека Бог Слово ќе прими тело од Тебе! Радувај се оти го носеше Создателот во Твојата утроба! Радувај се Ти Која го роди Бога во тело, Спасителот на светот! Повеќе...

Тропар

Тропар на преп. Христов столпник Симеон Дивногорец 6 јуни/24 мај 2025

Тропар на преп. Христов столпник Симеон Дивногорец 6 јуни/24 мај 2025

Помазаник на Божјата благодат, од утроба посветен на славословие Господово, Симеон стана огнен молитвеник од земјата до небото, цврста поткрепа во Бога имајќи,...

Тропар на ВОЗНЕСЕНИЕ ХРИСТОВО – СПАСОВДЕН

Тропар на ВОЗНЕСЕНИЕ ХРИСТОВО – СПАСОВДЕН

Си се вознел во слава, Христе Боже наш, и си ги зарадувал учениците со ветувањето на Светиот Дух, а со...

Тропар на светиот слуга Христов Епифаниј Кипарски  25 мај/ 12 мај 2025

Тропар на светиот слуга Христов Епифаниј Кипарски 25 мај/ 12 мај 2025

Ливан ја залеа со мириси, патеката на твојот живот,о голем столбу на православието, ревноста по Христа ја привлече благодатта,и со...

Духовната убавина на Богородица се пројавува и во моментот на Распнувањето на Нејзиниот Син

Тебе, Богородице поборнице – војвотко, ние слугите Твои, откако се избавивме од зло, Ти пееме победни и благодарствени песни. Ти имаш сила непобедна, од секакви опасности ослободи не за да Ти пееме : Радуј се, Невесто Неневесна! Повеќе...

Болестите според светоотечкото учење

Значи, не се надевај на лекарска вештина без благодат и не ја отфрлај своеволно, туку моли Го Бога да ја спознаеш причината за казната, а потоа моли за избавување од немоќта, трпејќи сечење, горење, горчливи лекови и сите лекарски казни Повеќе...

Свети Лука Симтерополски: Архиепископ и хирург

Едноставно е да се претпостави дека професорот – епископ, соединувајќи го во своите раце крстот и скалпелот, ги порази современиците токму со тоа необично соединување на двете разновидни сфери на активност.  Повеќе...

Духовни поуки: „Помоли се за мене“

Со Бога зборувај многу, а со луѓето малку; ако во Божјиот закон се подучуваш - ќе успееш и во едното и во другото. Повеќе...

Живот без стрес

Ако разбереме што се крие зад стресот, ако ја видиме лагата, која што се крие зад него, на крајот ќе увидиме дека не постои причина за да бидеме во стрес.. Повеќе...

Митрополит Струмички Наум - Да пораснеме барем до Стариот Завет

И не само што немаат туку се и очигледна пречка за влез во Царството Небесно, и пречка да се сфати и пренесе неговата идеја и порака. Повеќе...

Епископ Тихон Шевкунов: „НЕСВЕТИ, А СВЕТИ“

Несвети, а свети. Луѓе, кои навидум живееле во нашето секојдневие, се соочувале со проблемите со кои ние се судираме, боледувале од болести од кои ние боледуваме, често осудувани од околината, а сепак, не биле секојдневни. Луѓе, кои не се на иконите, но го предавале животот од иконите во сите нивни дела, зборови, мисли. Луѓе, за кои тишината прозборила дека се свети.  Повеќе...

ГОЛЕМАТА ТАЈНА НА ДИВЕЕВО - Кој ќе доживее, ќе види

Како дополнување на оваа тајна, еве што слушнав од устата на 84-годишната игуманија на манастирот Дивеево, Марија. Бев кај неа во почетокот на 1903 година веднаш по канонизирањето на преподобниот Серафим и заминувањето на царското семејство од Дивеево. Повеќе...

Арх. Калиник Мавролеон: Монологот БОЖЈИ

 

Те гледав кога се разбуди угрово. Чекав да ми кажеш два-три збора, да се заблагодариш за се што ти се случува, да побараш мое мислење за се што треба да правиш денес. Повеќе...

За Моето име

Поуки на грузискиот Старец Гаврил Ургебадзе за последните времиња

 

„Ѓаволот има 666 мрежи. Во времето на антихристот луѓето ќе очекуваат спасение од космосот. Тоа ќе биде и најголемата замка на ѓаволот: човештвот ќе бара помош од вонземјаните, не знаејќи дека тоа се, всушност. – демони.“ Повеќе...

Взбранной Воеводе победительная