логоFacebook  Twitter  YouTube  eMail

Кожувчанка

   Media-Lies

 21/10/2015   Актуелности, Поуки - совети

 

Поттикнат од изјавите на „добронамерните“ наши новинари и црковни „аналитичари“, не можев, а да не ја искоментирам реалната состојба, за која тие пишуваат.

Во ставовите на нашите „демохристијански“ медиуми и црковни „експерти“ постојано прелетуваат некакви анализи, обработка на донирани информации од непознати извори, кокетирање со потсвесните чувства за национален и религиозен идентитет, и нивна целосна примитивизација преку фрлањето на вината за сопствениот неуспех на некоја виша сила, политика, Црква. А Бог, верата, татковината, се користат како заштитни знаци, кои се толкуваат по желба, се разбира, со цел да се угоди на оние кои го претставуваат Народот.

Така, црковните експерти спомнуваат некакви си скандали, прецрквувања, нечии си мантии, „бришење на Македонскиот народ“, борба за дрес-кодот на невестите, па дури и без никаков срам си дозволуваат да ги откопуваат старите рани на луѓето, правејќи зомби претстави, и сето тоа го препишуваат на Црквата. И подигрувајќи се со најпримитивните чувства на луѓето, сакаат да пренесат нечија порака. И како после секоја претстава – следува аплауз.

Меѓутоа, ваквите крвави претстави повеќе ме потсетуваат на арени, отколку на театри. Не смееме да дозволиме, жедта за крв, гневот од својот неуспех и желбите за промени, агресивно и хаотично да ги нафрламе на општеството, државата, Црквата – ближните. Да, драги мои, вината и заслугите ги носиме сите.

Црквата е едно Тело, кое го сочинуваме сите христијани – подеднакво. И за нејзиниот успех/неуспех, сите имаме одговорност. Која е нашата одговорност, кога не сме попови? Одговорноста е да станеме достојни садови на Светиот Дух, да покажеме дека сме носители на царското свештентво (1 Пет. 2, 9), спомнувајќи си за целиот свет на олтарот на нашето срце. Свештениците се избраници од народот, кои се повикани да претстојуваат за нас пред Бога, и да Му ги принесуваат: „Твоя от Твоих“… Христос ги избрал апостолите, тие ги избирале нивните ученици и кажале неколку карактеристики за свештенството:

    Верно е словото: сака ли некој епископство, тој сака добра работа,
    2. Но епископот треба да е непорочен, маж на една жена, трезвен, целомудрен, чесен, почитуван, госпољубив, поучлив;
    3. не пијаница, не силеџија, не лаком, туку кроток, мирољубив и не среброљубив;
    4. својата куќа добро да ја управува и да има деца послушни со полно достоинство;
    5. зашто, кој не умее да ја управува својата куќа, како тогаш ќе се грижи за Црквата Божја?
    6. Да не е новопокрстен, за да не се возгордее и падне во суд со ѓаволот.
    7. Тој треба уште да има и добро сведоштво од надворешните, за да не биде укоруван и да не падне во примката на ѓаволот…

(1 Тим. 3 глава)

Расчинетите свештеници, кои толку вешто се тргаат од приказната, а кои се една од главните причини на споменатиот проблем, имаат сериозни канонски пречки. Нивното непокајание и упорствување во гревот ги довело до состојбата да го изгубат чинот, а икономијата кон верниците, која сеуште трае, толку време им овозможуваше да манипулираат со луѓето.

Соблазна е црковниот имот да припаѓа на Црквата, а не се соблазна да се одржуваат игранки во светите храмови? Соблазна е да се даде епитимија за гревот, а не е соблазна свештеници кои ја разрушиле својата домашна црква, кои упропастиле нечии души, да се претставуваат како пастири? Доколку Црквата постапеше според „несоблазнителните“ критериуми, истите тие новинари први ќе ги линчуваа свештениците за нивните гревови.

А Црквата не ги линчува и не ги казнува. Со нашите гревови, ние самите се оддалечуваме од Црквата. Задача на сите нас, како Црква, како заедница, е да се поучуваме, да ги носиме слабостите еден на друг, додека човек се труди во покајание. Но, моментот кога ние ќе почнеме да упорствуваме во гревот, кога ќе го земеме гревот како норма, ние самите се откажуваме од вероучението на Црквата и се одделуваме од Неа. Одлуката на Црквата, ќе биде само констатација на нашата состојба. Нема магиски пристап на давање/одземање на благодатта. Тоа е разликата меѓу канонски православен свештеник, и расчинет православен свештеник. А официјалното признавање или непризнавање, ќе си дојде само по себе – доколку живееме православно.

Свештениците кои го погазиле учењето на Црквата, и упорно го газат, очигледно е дека немаат многу заеднички делови со православното учење на Црквата, па и луѓето кои се црквуваат со нив, излегуваат следбеници на нивното учење. За жал, така се формирале и се формираат многу секти. Прифаќањето на канонски свештеници, и повторното примање на Таинствата, ќе значи истовремено и откажување послушност на расчинетите свештеници. А доколку човек смета дека во ред е да се има такво свештенство, тој веќе го одбрал својот пат, и самиот се одлачува од Светите Тајни на Црквата.

Додека е жив, човекот има можност за покајание. Официјалната припадност, и магиското учество во Таинствата нема да ни донесе спасение, доколку ние не почнеме да личносно да се преобразуваме во Црквата, дозволувајќи во нас да се појави Ликот Христов, откако ќе го видеме во лицето на ближниот. И само тогаш ќе можеме да ги решиме проблемите во Црквата. Доколку се сметаме дека сме христијани, православни христијани, ДОЛЖНИ СМЕ да си го искористиме правото да бидеме нејзини активни членови (на Црквата). Тоа подразбира, учевство на Светата Литургија, читање на Светите Отци.. Тогаш, сè ќе ни биде јасно. А надворешното непрофесионално коментирање, и емоционални говори придонесуваат само штета, пред сè наша лична, а потоа и на заедницата, општеството, државата, Црквата.

Православните верници во Австралија мораат да се запознаат со Православното учење на Црквата, да живеат според него и истото да го бараат од своите свештеници, и тоа ќе навистина ќе им помогне да го решат и црковниот проблем, и вистински да се обединат, па и самите на крај да израснат свештеници.

Познајте ја вистината, и таа ќе ве ослободи… (Јн. 7, 32)

 
Златко Дивјаковски

(личен став на авторот)

Поврзано:Соопштение од Светиот Архиерејски Синод



dobrotoljubie

Поуки од Светите Отци

Видео содржини

dobrotoljubie

Наука и Култура

Април 17, 2025
Festival.Simeon

ЈУБИЛЕЈ НА МУЗИКАТА - X ИНТЕРНАЦИОНАЛЕН ФЕСТИВАЛ ПОЛИХИМНИА 2025

Од 11.04 - 15.04. 2025 год. во Скопје по десетти пат се одржа Интернационалниот фестивал на класична музика Полихимниа 2025. Единствен од ваков вид во нашата земја и оригинален по својата содржина и оваа година фестивалот се обиде да ги обедини најдобрите…
Септември 25, 2024
Zivko.Grozdanoski3

Интервју со Живко Грозданоски: ДПМ може да дејствува гласно, сложно и независно

Ми се чини дека надворешните предизвици, како на пример отсуството на соработка со некои членови (на Управниот одбор) на ДПМ, некои обиди за саботажа итн. (сè се тоа нешта што веројатно секогаш ќе ги има); па сега слабиот рејтинг на ДПМ меѓу членството и во…

„РАДОСТА НЕ ДОАЃА САМА, ТАА МОЖЕ ДА ЈА ЗАСЕНИ ТАГАТА“ Академик Ќулавкова добитничка на наградата „Браќа Миладиновци“ на СВП

Авг 29, 2024 Литература 1039
TviTER231
Пред 35 години, август 1989-та, ми беше доделена првата награда за најдобра поетска книга…

По премиерата на новиот филм „The Walk“ во Њујорк на двојната кандидатка за Оскар - Тамара Котевска

Ное 14, 2023 Филм, Театар 2606
Tamara.Kotevska
Работејќи од нејзините разговори со Асил и другите деца бегалци, режисерката направи…

Беседи

Св. Климент Охридски: Поука на вознесение на Господ наш Исус Христос

Св. Климент Охридски: Поука на вознесение на Господ наш Исус Христос

Поради тоа, браќа, бидејќи нè очекува бесконечна мака, да се потрудиме преку подвиг да ја избегнеме, со милостина да го пречекаме бедниот и да го угостиме, примајќи го туѓинецот, гладниот...

 Митрополит Струмички Наум: Недела на слепородениот

Митрополит Струмички Наум: Недела на слепородениот

Се случија две средби помеѓу слепородениот и Христос: првата додека уште беше слеп; и втората, откако прогледа и откако Го оправда Христос пред фарисеите. И фарисеите двапати се сретнаа со...

Митрополит Струмички Наум: „Литургијата и на почетокот била Тајна Вечера, а не јавен доручек.“

Митрополит Струмички Наум: „Литургијата и на почетокот била Тајна Вечера, а не јавен доручек.“

       Така, како што веќе напишав: ниту почетокот, ниту крајот на начинот на служењето на Светата Литургија се и ќе бидат исти со денешниот – ниту некој Собор ја прогласил за...

Отец Гаврил-Беседа за Св.Методиј и Св.Кирил

Отец Гаврил-Беседа за Св.Методиј и Св.Кирил

Тогаш сфатил дека не треба да се врзува за ништо световно, и дека треба да живее единствено за Царството Небесно, односно за Бога. И навистина се оддал на богоугоден живот,...

Жарко Ѓорѓиевски: Свети апостоли Јасон и Сосинатар (Недела на раслабениот)

Жарко Ѓорѓиевски: Свети апостоли Јасон и Сосинатар (Недела на раслабениот)

Eвангелската приказна за исцелувањето на болниот човек кој поголемиот дел од својот живот беспомошно лежел покрај бањата која ја опишал светиот апостол и евангелист Јован е пример на чисто милосрдие...

Митрополит Струмички Наум: Христијанин без срце кое гори во молитва...

Митрополит Струмички Наум: Христијанин без срце кое гори во молитва...

Ако Божјите информации што доаѓаат од словото на духовниот отец, од Светото Писмо, од делата на Светите отци ги прифаќаме само на ниво на разум, без да ги прифатиме во...

Митрополит Струмички Наум: Сѐ е информација, на почетокот од сè е информацијата – Ипостасното Слово Божјо

Митрополит Струмички Наум: Сѐ е информација, на почетокот од сè е информацијата – Ипостасното Слово Божјо

Ние самите себе се осудуваме, ако со своите дела отпаднеме од Оној преку кого сме создадени и Кој е смисла на нашето постоење, од Богочовекот Христос. Сѐ е информација, нашиот...

Божествена Литургија со монашење во манастирот „Пресвета Богородица Елеуса“ во Велјуса.

Божествена Литургија со монашење во манастирот „Пресвета Богородица Елеуса“ во Велјуса.

Во деновиве во кои, согласно светите Канони, се причестуваме секој ден, сакам да ве потсетам на една димензија од оваа Света Тајна која како да е малку подзаборавена. Сите знаеме...

« »

Најново од култура

Православен календар

 

29/05/2025 - четврток

Вознесение Христово – Спасовден; Преподобен Теодор Осветен; Блажената девица Муза; Свети Никола Мистик, патријарх Цариградски; Светиот новомаченик Николај; Преподобните маченици Саваити;

Правила и одредби на Православната Црква за постот
Православен календар за овој месец - МПЦ

Кожувчанка

Молитви кон Пресвета Богородица за секој ден во седмицата

 Радувај се, Ти Која од ангелот ја прими радоста на добрата вест дека Бог Слово ќе прими тело од Тебе! Радувај се оти го носеше Создателот во Твојата утроба! Радувај се Ти Која го роди Бога во тело, Спасителот на светот! Повеќе...

Тропар

Тропар на светиот слуга Христов Епифаниј Кипарски  25 мај/ 12 мај 2025

Тропар на светиот слуга Христов Епифаниј Кипарски 25 мај/ 12 мај 2025

Ливан ја залеа со мириси, патеката на твојот живот,о голем столбу на православието, ревноста по Христа ја привлече благодатта,и со...

Тропар на светите рамноапостолни Методиј и Кирил словенски  учители 24/11 мај 2025

Тропар на светите рамноапостолни Методиј и Кирил словенски учители 24/11 мај 2025

Рамноапостолни  учители на словенските земји,богомудри Кириле и Методие,Владиката на сите молете Го,да ги утврди сите словенски народи

 Тропар на преносот на моштите на светиот Христов чудотворец Николај Мирликијски 22/05/2025

Тропар на преносот на моштите на светиот Христов чудотворец Николај Мирликијски 22/05/2025

 Велики угодниче Божји, Николае свети,чии молитви нѐ закрилуваат нас коипловиме по морето на овој живот.

Духовната убавина на Богородица се пројавува и во моментот на Распнувањето на Нејзиниот Син

Тебе, Богородице поборнице – војвотко, ние слугите Твои, откако се избавивме од зло, Ти пееме победни и благодарствени песни. Ти имаш сила непобедна, од секакви опасности ослободи не за да Ти пееме : Радуј се, Невесто Неневесна! Повеќе...

Болестите според светоотечкото учење

Значи, не се надевај на лекарска вештина без благодат и не ја отфрлај своеволно, туку моли Го Бога да ја спознаеш причината за казната, а потоа моли за избавување од немоќта, трпејќи сечење, горење, горчливи лекови и сите лекарски казни Повеќе...

Свети Лука Симтерополски: Архиепископ и хирург

Едноставно е да се претпостави дека професорот – епископ, соединувајќи го во своите раце крстот и скалпелот, ги порази современиците токму со тоа необично соединување на двете разновидни сфери на активност.  Повеќе...

Духовни поуки: „Помоли се за мене“

Со Бога зборувај многу, а со луѓето малку; ако во Божјиот закон се подучуваш - ќе успееш и во едното и во другото. Повеќе...

Живот без стрес

Ако разбереме што се крие зад стресот, ако ја видиме лагата, која што се крие зад него, на крајот ќе увидиме дека не постои причина за да бидеме во стрес.. Повеќе...

Митрополит Струмички Наум - Да пораснеме барем до Стариот Завет

И не само што немаат туку се и очигледна пречка за влез во Царството Небесно, и пречка да се сфати и пренесе неговата идеја и порака. Повеќе...

Епископ Тихон Шевкунов: „НЕСВЕТИ, А СВЕТИ“

Несвети, а свети. Луѓе, кои навидум живееле во нашето секојдневие, се соочувале со проблемите со кои ние се судираме, боледувале од болести од кои ние боледуваме, често осудувани од околината, а сепак, не биле секојдневни. Луѓе, кои не се на иконите, но го предавале животот од иконите во сите нивни дела, зборови, мисли. Луѓе, за кои тишината прозборила дека се свети.  Повеќе...

ГОЛЕМАТА ТАЈНА НА ДИВЕЕВО - Кој ќе доживее, ќе види

Како дополнување на оваа тајна, еве што слушнав од устата на 84-годишната игуманија на манастирот Дивеево, Марија. Бев кај неа во почетокот на 1903 година веднаш по канонизирањето на преподобниот Серафим и заминувањето на царското семејство од Дивеево. Повеќе...

Арх. Калиник Мавролеон: Монологот БОЖЈИ

 

Те гледав кога се разбуди угрово. Чекав да ми кажеш два-три збора, да се заблагодариш за се што ти се случува, да побараш мое мислење за се што треба да правиш денес. Повеќе...

За Моето име

Поуки на грузискиот Старец Гаврил Ургебадзе за последните времиња

 

„Ѓаволот има 666 мрежи. Во времето на антихристот луѓето ќе очекуваат спасение од космосот. Тоа ќе биде и најголемата замка на ѓаволот: човештвот ќе бара помош од вонземјаните, не знаејќи дека тоа се, всушност. – демони.“ Повеќе...

Взбранной Воеводе победительная