логоFacebookTwitterYouTubeeMail

 


Серускиот Центар за истражување на јавното мислење (СЦИЈМ) на почетокот од јули ги објави резултатите од едно скорешно истражување, според кое 43% од анкетираните руски граѓани изјавиле дека би ги поддржале своите најблиски во нивната одлука да се замонашат.

Запрашани што мислат дека е мотивацијата за човек да замине во манастир, еден од пет Руси (19%) смета дека луѓето се замонашуваат за да избегаат од проблемите и метежот на современиот живот. Според 8% од испитаниците, пак, луѓето одлучуваат да се замонашат поради нивните убедувања и вера, 6% одговориле дека другите тоа го прават за да се приближат кон Бога, други 6% причината ја гледаат во покајанието за сопствените гревови, а само 5% сметаат дека се работи за повик од Бога. Од останатите, 4% тврдат дека луѓето заминуваат во манастир за да ја пронајдат смислата на животот, покажуваат резултатите од испитувањето.

Речиси две третини од Русите (63%) сметаат дека монасите, благодарение на нивната желба за спасение – се способни да им помогнат и на другите. Ова мислење е пораспространето меѓу Православните Христијани (79%), отколку меѓу припадниците на другите религии (49%), или нерелигиозните испитаници (31%). За разлика од нив, 27% од испитаниците сметаат дека монасите не се способни да им помогнат на другите поради нивниот повлечен живот.

Одлуката на некој свој ближен да се замонаши би наишла на одобрување и поддршка во 43% од случаите, доколку резултатите од истражувањето се пренесат во реалноста, но во други 40% од случаите ваквата одлука би наишла на отпор и негативни коментари. Демографски гледано, одлуката за замонашување би предизвикала негодување кај помладите генерации од 18 до 24 години (45% од нив се изјасниле негативно по ова прашање) и кај жителите на Москва и Санкт Петербург (46%), додека би била поддржана од повозрасните жители, на возраст од над 45 години (47%).

Истражувањето било спроведено на 10 и 11 мај годинава, и во него биле вклучени 1600 жители на 130 села и градови од 42 руски области. Статистичката грешка не надминува 3,4%.

Извор: Правмир

Преземено од: Кумановско- осоговска епархија

 



Поуки од Светите Отци

dobrotoljubie

Духовност

Септември 03, 2021
Default Image

Беседа за Успение на Пресвета Богородица oд Викарниот Епископ Јаков Стобиски

Беседа за Успение на Пресвета Богородица изречена од Викарниот Епископ Јаков Стобиски во манастирот Успение на Пресвета Богородица - Берово
Февруари 23, 2020
ih3387

Свети свештеномаченик Харалампиј

Секој човек со своето раѓање добива лично име по кое го препознаваат во текот на целиот живот. Името е наша сопствена карактеристика, но малкумина го знаат вистинското потекло на своето име и неговото вистинско значење. Секое православно име има своја суштина…

Живот во служба на Бога и на луѓето

Јан 29, 2020 Беседи 2875
3.angeli.so.truba
Неговите слова зрачат со силна нагласеност на светиклиментовиот образец и претставуваат…

Почитување на Пресветата Мајка Божја

Дек 09, 2019 Полезно и Потребно 2684
7.Vselenski.sobor
Таа е заштитничка и покров на христијанскиот род. Како Мајка на Синот Божји, таа има…

Свети Антониј Велики: Кој е ѓаволот и кога напаѓа...?

А кога ќе се всели Божјиот Дух, Он ги успокојува, им дава да го вкусуваат спокојот во…