логоFacebookTwitterYouTubeeMail

Манастирот „Трескавец“ кој пред шест години се најде на списокот на стоте најзагрозени светски споменици, сега стана приоритет на Министерството за култура.

Најновата најава на Министерството за култура дека реставрацијата на манастирот „Трескавец“ е приоритет е уште еден обид за зачувување на овој извонредно значаен културно-историски комплекс од забот на времето.

Манастирот се наоѓа на десетина километри од Прилеп, меѓу грамадните карпи, под врвот Златоврв, опеан од Блаже Конески. До манастирот се стигнува со џип или пеш. Кога ќе стигнете, пред портите на манастирот, ве пречекува отецот Калист. Ќе ви посака добредојде, ќе ве остави да се одморите од патот (кој е напорен, сеедно дали доаѓате со џип или пеш), за потоа да ви ја раскаже историјата на манастирот. Нема да заборави да го искаже очекувањето државата да го исполни ветувањето и да оддели пари за изградба на патот до манастирот, за реконструкција на манастирската црква „Успение на света Богородица“ и за реставрација на нејзиниот фрескоживопис.

- „Трескавец“ е постојана дестинација за прилепчани, а последните години побудува интерес и кај странските гости. Доаѓаат од сите страни, дури и цели делегации. Се воодушевуваат, но забележуваат дека е потребно да се изгради пат до манастирот, да се реконструира црквата. Се надевам дека наскоро и тоа ќе се оствари. Владата вети дека конечно ќе почнат активности за реконструкција на црквата и за реставрација на фрескоживописот, кој е во многу лоша состојба заради влагата во црквата - објаснува отецот Калист.

Дека тоа не е само пуста надеж на отецот Калист потврди деновиве Елизабета Канчевска-Милевска, државна секретарка во Министерството за култура, која посочи дека приоритет за државата е заштита на манастирот „Трескавец“.

И досега постоеле неколку иницијативи за заштита на манастирот „Трескавец“, кој со посредство на организацијата за ревалоризација и педагогија на културното наследство „Македонида“ пред шест години се најде и на списокот на стоте најзагрозени споменици во светот, кој го подготвува Светскиот фонд за споменици со седиште во Њујорк.

Кај нас, пак, досега малку е истражувано во манастирскиот комплекс, велат археолозите и историчарите по уметност.
Отецот Калист вели дека првиот христијански храм кај „Трескавец“ датирал од 6 век. Во 14 век манастирот бил на удар на разурнувачи. За нецели сто години бил обновен и му била вратена автентичноста со нови религиски елементи, специфични за тој период. Но духовното светилиште „Трескавец“ било погодено и од огнена стихија во 19 век и во 90-тите години на минатиот век. Конаците потоа се обновени.

Живописот во црквата „Успение на пресвета Богородица“ датира од повеќе временски периоди и е во лоша состојба поради влагата во објектот. Меѓу знаменитостите на манастирот е и двокрилна врата кон трпезаријата, работена во плитка резба, крстот „Космитис“ од 16 век, работен во резба, и певница изработена во инкрустација.
Богатиот ентериер на црквата го дополнуваат празничните икони, иконите со претстави на апостолите и други икони што потекнуваат од 17, 18 и 19 век.

Просторот, на кој е изграден манастирот, како да е позајмен од некој месечински пејзаж. Комплексот е заштитен од сите страни. Локалните приказни раскажуваат дека Севишниот го чувал манастирот од невреме и трескавици. Затоа местото се вика Трескавец. Со години се пренесува преданието дека монасите од дамнина поставиле златно јаболко на највисоката точка од манастирот на над 1.300 метри за да го чува од чести грмежи.
Од манастирот има величествен поглед кон Пелагонија. Се е на дланка. Досега дури отаде границата.

Британската телевизија Би-би-си пред две години сними една од епизодите на документарната серија „Новата Европа на Палин“ на Трескавец. Нејзиното прикажување на програмата на неколку светски телевизиски куќи резултира со зголемен интерес за посета на манастирот кај странците, кои доаѓаат од различни земји. Деновиве поголема група израелски туристи го посетија „Трескавец“ и најавија дека повторно ќе се вратат.
Каролина Мицеска


Поуки од Светите Отци

dobrotoljubie

Наука и Култура

Јануари 27, 2022

Конгресот на САД ќе носи резолуција за славење на македонскиот јазик и наследство

Во Конгресот на САД е покрената резолуција за прогласување на септември 2022 за „Месец на македонското американско наследство“ и за славење на македонскиот јазик, историја и култура на македонските Американци и нивниот „неверојатен придонес“ за Соединетите…
Декември 28, 2021
3.to.Naoganje.glava.sv.Jovan.Krstitel

„Анатомија на бумбарот” на Стефан Марковски

Во романот, чие македонско издание е објавено од „Паблишер“, се дефинира енергична и психолошки силна приказна каде се претопуваат елементи на гротеска, хумор и егзистенцијалистичко преиспитување. Во наративот, како што во поговорот пишува Александар…

Поезија од Стефан Марковски застапена во меѓународна антологија на шпански јазик

Окт 23, 2021 Литература 832
3.to.Naoganje.glava.sv.Jovan.Krstitel
„Преминот на поетските гласови бара прекугранични и меѓугенерациски средби и точки на…

Познат научник тврди дека Бог постои

Сеп 28, 2021 Наука и Религија 4462
3.to.Naoganje.glava.sv.Jovan.Krstitel
Според него, оваа теорија би можела да го докаже постоењето на Бог. Изјавите ги разгориле…

Цитати од Ван Гог што ќе ве инспирираат

Сеп 24, 2021 Ставови 567
3.to.Naoganje.glava.sv.Jovan.Krstitel
„Рибарите знаат дека морето е опасно и бурата е страшна, но во овие опасности тие никогаш…

Беседи

Митрополит Струмички Наум: Велика сабота (22.04.2022)

Митрополит Струмички Наум: Велика сабота (22.04.2022)

Не можам, смрт, а да не те дочекам со добредојде. Кога и да е тоа. Кога и да ти дозволат. Зашто откако Богочовекот Христос дојде, сѐ од Него е добредојде....

 Митрополит Струмички Наум: Велик петок (21.04.2022)

Митрополит Струмички Наум: Велик петок (21.04.2022)

Да внимаваме, некои од Божјите дарови, обично, на самиот почеток не ги препознаваме веднаш како дар – во сите негови димензии, зашто ни се даваат прво како крст. Крстот, пак,...

 Митрополит Струмички Наум:  Велик четврток (20.04.2022)

Митрополит Струмички Наум: Велик четврток (20.04.2022)

Што да напише човек за светата Евхаристија (Литургија), а истовремено да не ја открие и содржината на својот живот? Нема разлика помеѓу Евхаристијата и нашиот живот, или ако има –...

Митрополит Струмички Наум: За миењето на нозете – вовед во Страсната седмица (17.04.2022)

Митрополит Струмички Наум: За миењето на нозете – вовед во Страсната седмица (17.04.2022)

Изразувањето на слободната волја, во градење на односот со Бог, е суштински поврзана со лојалноста, верноста. Преку слободно насочената волја кон исполнување на заповедите Божји и градење на личносна заедница...

Прот. Александар Шмеман: Цветници- НЕДЕЛНИ БЕСЕДИ (10)

Прот. Александар Шмеман: Цветници- НЕДЕЛНИ БЕСЕДИ (10)

Во што е смислата на овој настан, кого толку светло, толку радосно, толку победоносно го празнува Црквата во Лазаревата сабота? Како да се спојат тагата, солзите на Христа, и таа...

Митрополит Струмички Наум: Лазарова сабота (15.04.2022)

Митрополит Струмички Наум: Лазарова сабота (15.04.2022)

Одговорот на сите овие можни недоумици е дека, всушност, се случува нов квалитет на личносни односи меѓу нив, и тоа не толку поради Христовата љубов кон нив – Неговата љубов...

„Лазаре, излези надвор“

„Лазаре, излези надвор“

Тие Негови зборови, пред сè, значат дека нема смрт за оние кои веруваат во Христа, зашто Христос подоцна на Марта ѝ вели: „Јас сум воскресението и животот; кој верува во...

 Митрополит Струмички Наум: Благовест (06.04.2022)

Митрополит Струмички Наум: Благовест (06.04.2022)

Сакам да ве потсетам на уште нешто: човекот е создаден бог со самото тоа што на Бог може да му каже „не“. Но, едно е на Бог да Му кажеш...

Жарко Ѓоргиевски:Недела на свети Јован Лествичник (03.04.2022)

Жарко Ѓоргиевски:Недела на свети Јован Лествичник (03.04.2022)

Бог не ги тера со сила луѓето да го земат крстот, но ги повикува доброволно да Го следат Него. Не е лесно да се земе крстот на страдањето, но Он...

« »