логоFacebookTwitterYouTubeeMail

IvicaTodorov

 

 

 

 

 

 

 


Одговара: Презвитер Ивица Тодоров

ПРАШАЊЕ: (од Ненад ) - Што да се избере? Егоцентричниот светоглед, безморалното богатење, вештата демагогија или Евангелието Христово 
одговор:
 
 Како одговор на прашањето, а поточно е да се нарече размислување, на братот Ненад, јас приложувам еден мој текст во кој длабоко се надевам дека успевам да навлезам во проблематиката, но и во одговорот на од братот Ненад начнатите теми.


Библиски народ за библиска земја

      
Преку ноќта имаше Павле видение: стоеше пред него еден човек, Македонец, кој го молеше и му велеше - Премини во Македонија и помогни ни!  (Дела.16,9)

 Во една од своите параболи за Царството Божјо нашиот единствен Учител, Спасител и Господ, совечниот Син на вечниот наш Отец небесен, Исус Христос, ни открива една толку суштинска вистина што ако истата не ја разбереме може целиот наш личен, семеен и општествен живот да пропадне во слепата улица на самозалажувањето и себеуништувањето. Параболата гласи вака:
Царството небесно прилега на трговец, кој бара убави бисери, па, штом најде едно зрно скапоцен бисер, оди и продава се што има и го купува. (Мат.13,45)
Што ни открива нашиот возљубен Учител во оваа парабола? Ни открива дека секој човек во овој свет е налик на трговец кој ги бара вистинските вредности, односно го бара она најскапоценото, ја бара смислата на постоењето и вистината, љубовта и блаженството во тоа постоење. Во својот живот секој човек се среќава со разни нешта кои му се наметнуваат како вредности и вистини кои му нудат успешно, брзо и особено без промена и очистување на личноста, напредување во личниот и општествениот живот. Но за многу кратко време, прво во однос на вечноста, а потоа и во однос на краткиот човечки  живот во овој свет, човекот или човештвото се соочува со ВИСТИНАТА дека многу од таканаречените вредности и вистини се нечија лага, измама, патолошки болен интерес, манипулација или едноставно кажано слепа улица која секогаш завршува со сознанието дека сме измамени и дека изминатиот период од нашиот живот бил чисто промашување.
А дека тоа е така најдобро ни сведочи РЕАЛНОСТА на секојдневното живеење. Во таа реалност на лагата и се кратки нозете, но додека трае нанесува страшни несреќи и страдања во многу животи. И затоа нашиот Господ ни препорачува да бидеме како трговци, да внимаваме што купуваме и што продаваме. А кога ќе го пронајдеме скапоцениот бисер, односно,  ВИСТИНАТА таква каква што е, тогаш треба да се ослободиме, да ги продадеме, да ги отстраниме од себе сите лажни вредности и вистини и да ја купиме, односно, да ја примиме во себе вистинската ВИСТИНА за совршениот начин на постоење во Царствотот Божјо. Вистина, која во овој свет и век во нас се остварува преку процесот на нашето ОВИСТИНУВАЊЕ И ОЉУБОВУВАЊЕ во подвигот на нашето духовно (личносно) зреење, очистување и растење преку:
1. исполнувањето на заповедите Христови
2. во Неговото спасително Тело (Црквата)
3. во животворната благодат (сила) на Светиот Дух,
4. а во слава и благодарност на нашиот Небесен Отец.   
  Овој духовен закон важи како во личниот, така и во семејниот и општествениот живот. Ова пред се е многу важно и за нашето заедничко живеење и како Македонци и како народ Божји (Црква) на овие наши македонски простори. На голем број свесни, совесни и одговорни личности од нашиот род им е јасно дека кризата во која се наоѓаме е плод од нашата заедничка лоша трговија или духовна слепост со лажните вредности и вистини. Затоа и многумина се прашуваат каде е излезот, вистината, скапоцениот бисер. И излезот и вистината, односно скапоцениот бисер, се тука кај нас и во нас. Ние често за да се самопофалиме велиме дека сме Библиски народ кој живее на оваа македонска Библиска земја. Наместо само декларативно да ги кажуваме овие зборови треба суштински да се нурнеме во нивната смисла. А во таа смисла, во таа од Бога откриена ВИСТИНА ќе го пронајдеме следното. Ќе пронајдеме дека ако сакаме да се нарекуваме Библиски народ (Црква на живиот Бог, новозаветен народ Божји) треба да бидеме:
чесни и со мирна совест, а не криминализирани и поткупливи  
љубовноискрени, а не полни со завист, подлост, ситнодушие и лична егоистична сметка;
единствени и обединети со иста визија и вредности на живеење, а не разединети и омеѓени со високите ѕидини на исплашеното болно суетливо его;  
 чисти од злото и утврдени во вистинската од Бога откриена вера, а не извалкани со празноверие (бајачки, гатачки, окултизам), идолопоклонство, суетлива мрзеливост, егоистична простотија и садо - мазохистичка злоба;
вистинољубиви, а не свесно да се  спротиставуваме на Божјите заповеди и вистини во името на својата страст, лична корист и интерес;
 човекољубиви патриоти и ДОМОЉУПЦИ, а не алчнокрадливо настроени егоистични лицемери кои секоја позиција во општеството ја користат за да приграбат нешто што не им припаѓа и сето тоа на штете на својот народ кој секојдневно станува се посиромашен и побезнадежен.
 послушни на Отецот Небесен преку Неговиот Син во Светиот Дух и во Светата Црква, а не на разни болни умозамрачени личности, алчни лицемери, секташки лидери и гуру заведувачи, идеолишко - религиозни трговци, мативоди и белосветски манипулатори кои продаваат отров како да е  лек.
  Оваа македонска земја ја нарекуваме света и библиска не само затоа што е спомната во Светото Писмо, туку затоа што над двеилјади години таа е осветувана преку молитвите на Црквата и натопувана со солзите и крвта на вистинските Христови ученици. Во своите недра таа ги чува телата на неброени знаени и незнаени светии, наши духовни и телесни предци, кои го очекуваат повторното Христово доаѓање и нашето заедничко воскресение од мртвите и вселување во полнотата на совршеното постоењето во вечните перспективи на Царството Божјо.  
 Во овој историски момент, иаку во сериозна криза, Македонија и Македонецот имаат голема шанса. Македонецот е веќе заситен, а и длабоко понижен и повреден од лажните вредности и вистини на отпаднатиот од Бога начин на постоење во овој свет. Но пред да започне да менува нешто, во себе и со себе, а и надвор од себе, современиот Македонец треба длабоко во себе да се осведочи и да ја разбере вистинската вечна вредност и сила на скапоцениот бисер што му се наоѓа при рака, за потоа со достоинство и духовна сила да може да каже дека е член на Библиски народ кој живее на својата света Библиска земја во слава на Бога и за доброто на сите луѓе и народи.

 



Видео содржини

Поуки од Светите Отци

dobrotoljubie

Наука и Култура

Декември 28, 2021
3.to.Naoganje.glava.sv.Jovan.Krstitel

„Анатомија на бумбарот” на Стефан Марковски

Во романот, чие македонско издание е објавено од „Паблишер“, се дефинира енергична и психолошки силна приказна каде се претопуваат елементи на гротеска, хумор и егзистенцијалистичко преиспитување. Во наративот, како што во поговорот пишува Александар…
Октомври 23, 2021
3.to.Naoganje.glava.sv.Jovan.Krstitel

Поезија од Стефан Марковски застапена во меѓународна антологија на шпански јазик

„Преминот на поетските гласови бара прекугранични и меѓугенерациски средби и точки на дијалог. Тематските определби на песните почиваат врз различните емоционални, општествени, политички и интерперсонални набои на авторите; човечкото дистанцирање и поезијата…

Беседи

Митрополит Струмички Наум: Обрезание во срцето, по Дух (13.01.2022 17:42)

Митрополит Струмички Наум: Обрезание во срцето, по Дух (13.01.2022 17:42)

Ако внимателно ја погледнеме оваа молитва, во неа ќе ги препознаеме историските периоди на Стариот и Новиот Завет, како и бесконечниот период на Царството Небесно, кој веќе е и уште...

ВИСТИНСКИ БОЖИК - СТАРЕЦ ГЕОРГИЈ КАПСАНИС (06/01/2022)

ВИСТИНСКИ БОЖИК - СТАРЕЦ ГЕОРГИЈ КАПСАНИС (06/01/2022)

Смирената наша молитва од Света Гора е да се подвизуваме сите против нашето самољубие, со цел да дојди во нашите срца, во нашите семејства, во татковината ни и во светот...

БEСEДА  за Рут

БEСEДА за Рут

И Бoг нарeдил сo Свoјата прoмисла, Рута да излeзe на нивата на бoгатиoт Вoз за да сoбира класјe. А Вoз ја видeл Рута и ја пoбарал за сoпруга кај Нoeмина....

Митрополит Струмички Наум: Различни блаженства (18.12.2021)

Митрополит Струмички Наум: Различни блаженства (18.12.2021)

Гледаме дека Господ се поистоветува (дури и најмногу) со секој еден страдалник. Затоа, секогаш кога со своето богатство ќе му помогнеме на еден од овие најмали Христови браќа што страдаат,...

Митрополит Струмички Наум: За мачеништвото (10.12.2021)

Митрополит Струмички Наум: За мачеништвото (10.12.2021)

Активирањето на благодатта со чинот на самото Свето Крштение редовно се случувало во првата Црква: кога луѓето се крштевале возрасни и кога пред тоа Крштение имало тригодишна подготовка. За време...

БEСEДА  за цeлта на раздeлувањe на дарoвитe, службата и звањeтo

БEСEДА за цeлта на раздeлувањe на дарoвитe, службата и звањeтo

Затoа Свeтиoт Дух ги раздeлил дарoвитe и направил eдни апoстoли, други прoрoци, трeти благoвeсници, пастири и учитeли, та свeтиитe, oднoснo христијанитe, да сe усoвршат. Какo штo сe пoдeлeни чeста и...

Жарко Ѓоргиевски: ЕВАНГЕЛИЕ ЗА ЗЕМНИТЕ ГРИЖИ

Жарко Ѓоргиевски: ЕВАНГЕЛИЕ ЗА ЗЕМНИТЕ ГРИЖИ

  Господ Исус Христос донел со Себе и претставил пред луѓето безбројни и незамисливи богатства небесни и ги поканил сите да земаат без мерка, јавно и слободно, но само под...

Митрополит Струмички Наум: Кој се допре до Мене? (04.12.2021)

Митрополит Струмички Наум: Кој се допре до Мене? (04.12.2021)

  На првиот степен од духовниот раст вистинско допирање до Христос е очистувањето на срцето од страстите преку исполнувањето на Неговите заповеди, во рамките на целосрдечното послушание. На вториот степен...

« »