логоFacebookTwitterYouTubeeMail

 IvicaTodorov

Одговара: Презвитер Ивица Тодоров

ПРАШАЊЕ: (од Александар ) - Има или нема судбина? 


 Прашањето за тоа дали нашиот живот во овој свет е однапред определен е старо колку и човештвото. Древните елини верувале во трите Мојри кои ја пределе, мереле и сечеле животната нишка на секој човек, а древните индуси говорат за карма, која всушност преставува еден интересен етички систем кој преку изборот на личноста ја определува и неговата состојба во идната инкарнација.
Кај нас современите македонците, особено кај оние кои не се воведени во откровението Божјо и во спасителниот живот на Црквата Христова, се говори за судбина, за нешто што однапред, како некакво сценарио, му е подготвено на секој човек. И навистина, без некој да е вистински запознат со откровението Божјо запишано во светите книги на Стариот и Новиот Завет (Светото Писмо), ќе му биде многу тешко да објасни разни случувања, како во рамките на својот, така и во рамките на туѓите животи. Во таа неможност и неумешност да се објаснат многу нешта луѓето посегнуваат по судбината како накакво решение, но и еден вид на задоволување на умот од многу отворени, но неодговорени прашања.
Членовите на Христовата Црква не го прифаќаат концептот на судбина, иаку прифаќаат дека голем процент од нештата во нашиот живот се однапред зададени, но не и животот во полнота, а во таа смисла и нашиот слободен избор во него. Христијаните прифаќаат дека семејството во кое се раѓаме е еден вид на зададеност, или поточно кажано, промислување Божјо, но не и наш избор. Исто така и народот на кој ќе припаднеме преку нашето биолошко раѓање не е наш избор, а и често "крстот" на народот станува и наш сопствен. Исто важи и за генетското наследсто, а и за многу други нешта.
Затоа христијаните се повикани преку личниот избор да ги изберат вистинските, од Бога откриени и заповедани вредности, што го осмислуваат животот на личен и на општествен план и создаваат услови за Богоподобен начин на живеење во овој свет, а и духовно усовршување на личноста и нејзина подготовка за вечно постоење.
Доколку преку слободата на нашиот личен избор избереме за нас животоосмислувачки "вредности" кои се во спротивност со Божјите, односно, избереме пат кој е спротивен од оној кој ни е благословен од нашиот Творец, но и небесен Татко, на ова духовно ниво на личносна изграденост, зрелост и свесност, ние ризикуваме како непослушни деца да се соочиме со последиците од нашите недораснати палавштини кои многу често знаат да бидат и многу трагични и болни, како за нас, така и за оние околу нас, па и за сето создание Божјо во овој свет.
По денот на Педесетница, кога апостолите во себе ја примија силата на Светиот Дух (види Дела. 2, 1 - 47), апостолот Патар, исполнет со истиот тој Дух, на сите присутни во Ерусалим, но и на сите луѓе до историскиот крај на овој наш свет, им ги кажа овие ослободувачки зборови исполнети со силата на вистината и надешта:
"А Петар им рече: Покајте се и секој од вас да се крсти (да се потопи трикратно в вода) во името на Исуса Христа за простување на гревовите (на последиците од погрешните избори) и ќе примите дар од Светиот Дух. Зашто за вас е ветувањето (за можноста секој човек да го оствари своето ослободување/спасение во Христа од злото, гревот и смртта), за вашите деца и за сите што се далеку, што ќе ги повика Господ, нашиот Бог. (Дела. 2, 38 - 39)  " 
Ова е христијанскиот излез од ропството на судбината, од само- себе- непознавањето и воопшто, од непознавањето на постоењето.   
 

 



Видео содржини

Поуки од Светите Отци

dobrotoljubie

Наука и Култура

Декември 28, 2021
3.to.Naoganje.glava.sv.Jovan.Krstitel

„Анатомија на бумбарот” на Стефан Марковски

Во романот, чие македонско издание е објавено од „Паблишер“, се дефинира енергична и психолошки силна приказна каде се претопуваат елементи на гротеска, хумор и егзистенцијалистичко преиспитување. Во наративот, како што во поговорот пишува Александар…
Октомври 23, 2021
3.to.Naoganje.glava.sv.Jovan.Krstitel

Поезија од Стефан Марковски застапена во меѓународна антологија на шпански јазик

„Преминот на поетските гласови бара прекугранични и меѓугенерациски средби и точки на дијалог. Тематските определби на песните почиваат врз различните емоционални, општествени, политички и интерперсонални набои на авторите; човечкото дистанцирање и поезијата…

Беседи

Митрополит Струмички Наум: Обрезание во срцето, по Дух (13.01.2022 17:42)

Митрополит Струмички Наум: Обрезание во срцето, по Дух (13.01.2022 17:42)

Ако внимателно ја погледнеме оваа молитва, во неа ќе ги препознаеме историските периоди на Стариот и Новиот Завет, како и бесконечниот период на Царството Небесно, кој веќе е и уште...

ВИСТИНСКИ БОЖИК - СТАРЕЦ ГЕОРГИЈ КАПСАНИС (06/01/2022)

ВИСТИНСКИ БОЖИК - СТАРЕЦ ГЕОРГИЈ КАПСАНИС (06/01/2022)

Смирената наша молитва од Света Гора е да се подвизуваме сите против нашето самољубие, со цел да дојди во нашите срца, во нашите семејства, во татковината ни и во светот...

БEСEДА  за Рут

БEСEДА за Рут

И Бoг нарeдил сo Свoјата прoмисла, Рута да излeзe на нивата на бoгатиoт Вoз за да сoбира класјe. А Вoз ја видeл Рута и ја пoбарал за сoпруга кај Нoeмина....

Митрополит Струмички Наум: Различни блаженства (18.12.2021)

Митрополит Струмички Наум: Различни блаженства (18.12.2021)

Гледаме дека Господ се поистоветува (дури и најмногу) со секој еден страдалник. Затоа, секогаш кога со своето богатство ќе му помогнеме на еден од овие најмали Христови браќа што страдаат,...

Митрополит Струмички Наум: За мачеништвото (10.12.2021)

Митрополит Струмички Наум: За мачеништвото (10.12.2021)

Активирањето на благодатта со чинот на самото Свето Крштение редовно се случувало во првата Црква: кога луѓето се крштевале возрасни и кога пред тоа Крштение имало тригодишна подготовка. За време...

БEСEДА  за цeлта на раздeлувањe на дарoвитe, службата и звањeтo

БEСEДА за цeлта на раздeлувањe на дарoвитe, службата и звањeтo

Затoа Свeтиoт Дух ги раздeлил дарoвитe и направил eдни апoстoли, други прoрoци, трeти благoвeсници, пастири и учитeли, та свeтиитe, oднoснo христијанитe, да сe усoвршат. Какo штo сe пoдeлeни чeста и...

Жарко Ѓоргиевски: ЕВАНГЕЛИЕ ЗА ЗЕМНИТЕ ГРИЖИ

Жарко Ѓоргиевски: ЕВАНГЕЛИЕ ЗА ЗЕМНИТЕ ГРИЖИ

  Господ Исус Христос донел со Себе и претставил пред луѓето безбројни и незамисливи богатства небесни и ги поканил сите да земаат без мерка, јавно и слободно, но само под...

Митрополит Струмички Наум: Кој се допре до Мене? (04.12.2021)

Митрополит Струмички Наум: Кој се допре до Мене? (04.12.2021)

  На првиот степен од духовниот раст вистинско допирање до Христос е очистувањето на срцето од страстите преку исполнувањето на Неговите заповеди, во рамките на целосрдечното послушание. На вториот степен...

« »