логоFacebookTwitterYouTubeeMail


Православието во Кенија (01.05.2010)


Во Кенија денес се наоѓа најбројната православна заедница на африканскиот континент, која има околу милион парохијани од вкупно 35 милиони жители.

Православната епархија во Кенија ја основаше во средината на 20 век Кипарскиот Архиепископ Макариј III. Моментално во Кениската епархија на Александриската Патријаршија има околу 200 храмови, десетина црковно-парохиски училишта, дури и Богословија во Рирута, предградие на кенискиот главен град.

Поглавар на Епархијата е Митрополитот Кениски и Иринополски Макариј (Тилиридес). Во Богословијата која е основана 2004 година тој заедно со студентите преведе многу богослужбени текстови на 11 локални јазици. Заедно со богословите тој често ги посетува своите многубројни парохии, каде што лично им помага на свештениците при изградбата на храмови.

Храмовите во Кенија се главно глинени, но веќе во многу села се подигаат големи камени цркви. Многу од нив Митрополитот Макариј ги освети во чест на руски Светители, преподобните Сергеј Радонешки, Серафим Саровски, светиот Лука Војно-Јасенецки, кого Владиката Макариј особено го почитува.

Некои од селските општини се толку сиромашни што свештениците служат во скинати одежди и боси. Но сиромаштвото воопшто не се одразува на духовниот живот на парохиите. Селските цркви во Кенија во неделите и во празничните денови се полни со парохијани. После секоја богослужба луѓето не си заминуваат, туку пеат христијански песни со африкански мотиви, танцуваат и удираат во там-там и бонг тапани, кои се неразделен дел од богослужењето во секој кениски храм.

Богослужбите се совршуваат на грчки и англиски јазик, како и на многуте кениски дијалекти, во зависност од регионот. Секоја година се појавува сѐ повеќе и повеќе духовна литература на јазиците кикују, свахили, масајски, долуо и други.

Рирутската Богословија годишно обучува десетина свештенослужители. Сите тие стажираат во училиштето, а потоа се праќаат на пастирско служење по регионите каде што живеат нивните племиња.

преземено од: МПЦ



Видео содржини

Поуки од Светите Отци

dobrotoljubie

Духовност

Февруари 23, 2020
ih3387

Свети свештеномаченик Харалампиј

Секој човек со своето раѓање добива лично име по кое го препознаваат во текот на целиот живот. Името е наша сопствена карактеристика, но малкумина го знаат вистинското потекло на своето име и неговото вистинско значење. Секое православно име има своја суштина…
Јануари 29, 2020
3.angeli.so.truba

Живот во служба на Бога и на луѓето

Неговите слова зрачат со силна нагласеност на светиклиментовиот образец и претставуваат целосно легитимирање на македонското црковно и духовно наследство. Дедо Стефан е ревносен борец за македонскиот јазик што неизмерно го сака и постојано го збогатува. Еве…

Почитување на Пресветата Мајка Божја

Дек 09, 2019 Полезно и Потребно 1125
7.Vselenski.sobor
Таа е заштитничка и покров на христијанскиот род. Како Мајка на Синот Божји, таа има…

Митрополит Струмички Наум: ВОВЕДЕНСКИ РАЗМИСЛУВАЊА

Дек 05, 2019 Беседи 1067
7.Vselenski.sobor
Премногу размислуваме во категоријата Бог – човек, наместо во категоријата личносни…

Свети Антониј Велики: Кој е ѓаволот и кога напаѓа...?

А кога ќе се всели Божјиот Дух, Он ги успокојува, им дава да го вкусуваат спокојот во…