логоFacebookTwitterYouTubeeMail

Во понеделник во италијанскиот град Равена започна заседанието на мешаната комисија за православно-католички дијалог, на коешто ќе се разгледа проблемот за приматот во Црквата. Половина од членовите на комисијата се одредени од Ватикан, а останатите се одредени од помесните Православни Цркви. Учесниците треба да ја завршат работата околу документот „Еклисиолошки и канонски последици од сакраменталната природа на Црквата“. Тој документ беше подготвен во Москва во 1990 година, но не беше разгледан на пленарно заседание на комисијата заради тоа што се појавија меѓуконфесионални проблеми во низа источноевропски земји, што наложи вниманието да биде сосредоточено на проблемот на унијатството.

На заседанието на комисијата во септември 2006 година во Белград меѓу учесниците се појавија сериозни несогласувања околу една од петте точки во документот, во која се тврдеше дека после расколот меѓу Црквите во 1054 година свикување на Вселенски собор во вистинска смисла на зборот не е возможно. „Но двете Цркви продолжија да свикуваат „општи собори“, на кои учествуваа епископи од помесните Цркви кои се во заедница со Римскиот престол и на помесните Цркви кои се во евхаристиска заедница со Цариградскиот престол.“

Тогаш претставникот на Руската Црква, Виенскиот и Австриски епископ Иларион Алфеев рече дека во православното предание „општењето со Константионопослиот престол никогаш не се сметало како задолжителен услов за соборност, како што за западните цркви е „општењето со Римскиот престол“. Начинот на устројство на Православната Црква се разликува од оној на Римокатоличката и во неа Цариградскиот патријарх никогаш не играл улога аналогна на онаа на Римскиот папа.

Комисијата во Белгард не успеа да постигне консензус по тоа прашање, главно заради несогласувањето меѓу православните учесници. Спорните прашања ѝ беа префрлени за решение на редакциона комисија, која заседаваше во март 2007 година во Рим. Во нејзиниот состав влегоа: епископот Иларион Алфеев од Московската Патријаршија, митрополитот Калистос Вер од Цариградската патријаршија и проф. декан Јоан Ика од Романската патријаршија.

На почетокот на средбата во Равена епископот Иларион изјави дека ако на средбата биде прифатена варијантата подготвена од православната комисија во Рим, тогаш тој не предвидува сериозни несогласувања на работната средба.

„Прашањето за приматот е едно од најдискутабилните и сериозни несогласувања при неговото разгледување се неизбежни. Сите Православни Цркви го прифаќаме првенство по чест на Цариградскиот патријарх, но не можеме да се согласиме со распространетото толкување на тоа првенство, кон кое се стреми Константинополската патријаршија.“

Од страна на Московската патријаршија во мешаната православно-католичка комисија учествуваат епископот Иларион Алфеев и свештеникот Игор Вижанов.

 

Извор: Dveribg.net

Преземено од МПЦ

(09.10.2007)


11. 10.2007 г.
  Московската делегација ја напушти комисијата за православно-католички дијалог (10.10.2007)


Делегацијата на Московската патријаршија го напушти заседавањето на мешаната комисија за православно-католички дијалог, која заседава во Равена.

„По пристигнувањето во Равена православните делегати дознаа дека во нивниот состав се вклучени и претставници на Естонската Апостолска Црква, создадена во 1996 година од страна на Цариградската Патријаршија на канонска територија на Московската патријаршија“, рече претседателот на руската делегација епископот Иларион Алфеев.

Епископот Иларион Алфеев, Московска патријаршија, изјави дека претставниците на Естонската Црква биле поканети од ко-претседателот на комисијата Митрополитот пергамски Јован Зизиулас од Цариградската патријаришија „со еднострана одлука, без согласност од останатите помесни Православни Цркви“.

„Искрено жалам заради настанатата ситуација. Цариград се претставува себеси како гаранција на меѓуправославното единство, но со чекорите кои ги презема, за жал, му наштетува на ова единство“, подвлече епископот Иларион.

Руската делегација ја оспорувала оваа одлука во вторникот наутро на заседанието на православните членови на комисијата, изјавувајќи дека Московската патријаршија не ја признава Естонската Црква во својство на автономна канонска структура, па затоа доколку нејзините претставници не го напуштат заседанието, истото ќе бидат принудени да го направат делегатите на Руската Црква. Зашто, спротивното би значело дека Руската Црква ја признава каноничноста на оваа црковна структура. Преговорите со Пергамскиот митрополит Јован Зизиулас завршија без резултат. „Ниту во Балтимор во 2007 година, ниту во Белград во 2006 година не присуствуваа делегати на оваа црковна структура. За мене останува несфатливо што ја предизвика одлуката на Цариградската патријаршија да ги вклучи во составот на православните членови на комисијата за оваа средба“, забележа епископот Иларион. Тој исто така рече дека Московската патријаршија е подготвена одново да учествува во работата на мешаната комисија кога Цариградскиот патријарх ќе ја промени својата позиција.

 

извор: Интерфакс

 

Коментар од редакцијата на сајтот на МПЦ:

Православните меѓу себе не можат да се договорат, па со католиците ќе се договореле. Бог да чува!

 



Поуки од Светите Отци

dobrotoljubie

Духовност

Септември 03, 2021
Default Image

Беседа за Успение на Пресвета Богородица oд Викарниот Епископ Јаков Стобиски

Беседа за Успение на Пресвета Богородица изречена од Викарниот Епископ Јаков Стобиски во манастирот Успение на Пресвета Богородица - Берово
Јуни 30, 2021
3.to.Naoganje.glava.sv.Jovan.Krstitel

СКОК ПРЕКУ ЈАЖЕТО НА НЕСОГЛАСУВАЊЕТО

Затоа, секогаш кога можеш прескокни го јажето на несогласувањето и фати се за оној дел од приказната кој ветува радост, насмевки и љубов. Горчината плисни ја со бран од морето, измиј го отровот на искажаните зборови и погледни кон залезот на сонцето. Тоа ќе…

Се упокои во Господ Митрополитот Црногорско-приморски Амфилохиј (30.10.2020)

Митрополитот Амфилохиј е роден на Божик, 7 јануари 1938 година, во Бари Радовиќ, во Долна…

Свети свештеномаченик Харалампиј

Фев 23, 2020 Житија 2739
ih3387
Секој човек со своето раѓање добива лично име по кое го препознаваат во текот на целиот…

Живот во служба на Бога и на луѓето

Јан 29, 2020 Беседи 1921
3.angeli.so.truba
Неговите слова зрачат со силна нагласеност на светиклиментовиот образец и претставуваат…