логоFacebookTwitterYouTubeeMail

 

Зошто се поздравуваме со „Христос се роди“

Свети Николај Охридски и Жички


Кога велиме: Христос се роди, исто е како да кажеме: Месијата се роди, или Царот се роди, или Спасителот се роди! Поздравувајќи се така ние тврдиме и еден на друг сведочиме, дека дојде во светот Оној Кој требаше да дојде заради спасение на родот човечки, и дека друг освен Него не треба да чекаме. Оној, кого Бог им го вети на нашите прародители изгонети од Рајот; кого што незнабожните народи и племиња темно го насетувале; кого што еврејските пророци јасно го прорекоа; по Кого беспомошното човештво илјадници години болно воздивнуваше - тој заблеска на земјата како сонце после долга ноќ. И така кога ќе кажеме: Христос се роди, ние сведочиме, и дека Севишниот си го одржал своето ветување, и дека навестувањата човечки се исполнија, и дека пророштвата на пророците се исполнија, и дека воздишките човечки се згаснати со радост. Месијата се роди, Најчудесниот, истовремено Човек и Бог - та уморните очи човечки да се одморат на Него и да не погледнат кон друг Месија.
Царот се роди, Најсилниот, истовремено со жезолот на моќта и кандилото на милоста - и најмалите да се исправат и воскликнат: ние сме царски деца!


Јунак се роди, Непобедлив, да ги одбрани праведните, да ги освои грешните, да ги сруши духовите на поднебесната злоба.
Патеводител се роди, Највидовитиот, да ги изведе залуганите и да ги поведе. Просветител се роди, Најпросветен, да го растера мракот и да ги просвети помрачените. Пастир се роди, Најгрижлив, за да го спаси стадото од волците и да го прибере во Своето трло. Хранител се роди, Најбогат, за да ги нахрани гладните, не со земја, туку со небо, со Своето небесно тело и пламена Своја крв.
Човекољубител се роди, најредок, да ги прегрне на Своите гради и да ги оживи со Својата љубов Своите безбројни сираци, кои долго чекореа од гробот на животот во гробот на смртта.
Откровител се роди, најголем, за да ја повлече завесата и да им го открие на смртните своето бесмртно Царство Небесно.


Сето тоа го означуваат овие прекрасни зборови, со кои христијаните се поздравуваат на Божиќ и со кои и јас - вас, браќа, ве поздравувам:

ХРИСТОС СЕ РОДИ!

 

Извор: Амвон

 

 



Поуки од Светите Отци

dobrotoljubie

Духовност

Септември 03, 2021
Default Image

Беседа за Успение на Пресвета Богородица oд Викарниот Епископ Јаков Стобиски

Беседа за Успение на Пресвета Богородица изречена од Викарниот Епископ Јаков Стобиски во манастирот Успение на Пресвета Богородица - Берово
Февруари 23, 2020
ih3387

Свети свештеномаченик Харалампиј

Секој човек со своето раѓање добива лично име по кое го препознаваат во текот на целиот живот. Името е наша сопствена карактеристика, но малкумина го знаат вистинското потекло на своето име и неговото вистинско значење. Секое православно име има своја суштина…

Живот во служба на Бога и на луѓето

Јан 29, 2020 Беседи 2964
3.angeli.so.truba
Неговите слова зрачат со силна нагласеност на светиклиментовиот образец и претставуваат…

Почитување на Пресветата Мајка Божја

Дек 09, 2019 Полезно и Потребно 2801
7.Vselenski.sobor
Таа е заштитничка и покров на христијанскиот род. Како Мајка на Синот Божји, таа има…

Свети Антониј Велики: Кој е ѓаволот и кога напаѓа...?

А кога ќе се всели Божјиот Дух, Он ги успокојува, им дава да го вкусуваат спокојот во…