логоFacebookTwitterYouTubeeMail

 ТРОПАРИ НА СВЕТИТЕЛИТЕ И ПРАЗНИЦИТЕ 

Тропар на Покров на
Пресвета Богородица
1 октомври / 14 октомври

Денес, ние благоверните светло празнуваме,
осенети со Твоето Богомајко Пришествие,
и гледајќи кон Твојот Пречист образ,
со умиление глаголаме:
покриј нѐ нас со чесниот Покров Твој,
и избави нѐ од секое зло,
молејќи го Синот Твој Христа нашиот Бог,
да ги спаси нашите души.

 
Извор МПЦ – ОА


Тропар на светиот
Христов маченик
Домнин Солунски
1 октомври / 14 октомври


Верата твоја во Распнатиот те приведе во купелот на благодатта,
од каде сила се подари за маченичко исповедување на вистината,
и зборови со кои се посрами лагата на минливоста,
о, Домнине свети мачениче.
Спомни си сега за нас од дворовите на милоста,
при Небесното Царство Христово.

 



 
Извор МПЦ – ОА
Манастир свети Јован Претеча Слепче


Тропар на преподобниот отец
Григориј Доместик
1 октомври / 14 октомври



Подвигот твој ревносен во градината на Пресветата,
дарови ти донесе по Божјо благоволение,
и уста недремлива која славословие
кон Небесата вознесува, о, Григорие оче преподобен,
ти кој видливо награда во рака прими, а со неа и живот вечен,
моли се и ние да влеземе во радоста на Господа.



 
Извор МПЦ – ОА
Манастир свети Јован Претеча Слепче



Тропар на преподобниот
отец Јован Кукузел
1 октомври / 14 октомври

О, Јоване Божји угодниче,
слово на струни разгласено потече
од срце твое за Господа припремено,
ангели милозвучност прифатија,
Богомајка со милост душа твоја прегрна,
а Вечнопостоечкиот по твоите молитви ги милува оние,
кои чест подаваат на ликот твој свет,
и струната на твоето слатко пеење,
при Пресветото Тројство ја принесуваат.

 



 
Извор МПЦ – ОА
Манастир свети Јован Претеча Слепче


Тропар на светите
Христови преподобномаченици
Михаил игумен и со него
триесет и шест монаси
1 октомври / 14 октомври

 

Верна војско на Царот Небесен,
ревносни исповедници на верата вистинска,
кои ја разобличивте лагата агарјанска,
предводени од Михаил – Мојсеј на вашата света обител,
денес ве чествуваме и на Бога благодариме, бидејќи во вас имаме
триесет и седум кандила запалени во вечноста.

 



 
Извор МПЦ – ОА
Манастир свети Јован Претеча Слепче


                   
Тропар на чудотворната
Икона на Божјата Мајка
наречена Кукузељиса
1 октомври / 14 октомври

Мајко Пресвета, сечесна Владичице,
прозорец отвори преку Иконата Твоја Кукузељиса,
до душите наши обременети,
а и до раката на Јован гласот милозвучен,
кој слава воздаде, а и нас нѐ научи,
со ум и срце подигнати кон Небесата –
радувај се  - да Ти повикуваме – Невесто Неневестна.



 
Извор МПЦ – ОА
Манастир свети Јован Претеча Слепче

 

Тропар на светиот
Христов апостол
Ананиј
1 октомври / 14 октомври

Брзопослушниче Господов, Ананио свети апостоле,
ти кој преисполнет со Христовата благодат
го послуша гласот кој е над водите,
Савла го приведе во познание на Светлината
и до крај остана верен на вистината.
Моли се за нас свети кој во мачеништвото втор Стефан постана
и со венец на Небесата пред Бога пристигна.

 



 
Извор МПЦ – ОА
Манастир свети Јован Претеча Слепче


Тропар на преподобниот
отец Роман
 Мелод слаткопевец
1 октомври / 14 октомври

Блажен си ти Романе Божји угодниче
бидејќи Онаа Која Предвечниот Го роди,
утробата твоја ја направи дом на Духот Свети,
земјата денес чест ти воздава,
а ангелите Небесни славословат
 за службата твоја кон Господа.
Радувај се ти од кого Духот многу пофалби изнедри,
радувај се и за нас моли се ти кој
 величанија кон Небесата воскликна.

 



 
Извор МПЦ – ОА
Манастир свети Јован Претеча Слепче



Тропар на преподобниот
отец Сава Вишерски
1 октомври / 14 октомври

Од младоста твоја целиот на Бога си се предал блажен,
и заради љубовта кон Него,
 татковината и роднините си ги оставил,
и во пустината си се вселил.
Во неа строг живот поминувајќи,
дар за чудеса од Бога прими Саво преподобен,
моли Го Христа Бога да се спасат нашите души.


 
Извор МПЦ – ОА


Тропар на чудотворната икона
на Божјата Мајка наречена
Брзопослушничка
1 октомври / 14 октомври

Радост наша Си Ти Богомајко, и неискажлива
е грижата Твоја за нашето спасение.
Ти Која бдееш над секое Божјо створение, брзо пристапуваш
во заштита на оние кои го призиваат светото Име Твое,
и затоа знамение свето, Икона Преблагословена подари на ликот Твој,
наречена Брзопослушничка, за да бидеме по молитвите твои брзи на покајание,
милостиви кон прегрешенијата на братот наш обременет.



 

 

 

Извор МПЦ – ОА
Манастир Св. Јован Претеча Слепче

Православен календар за 14/10/2021

ТРОПАР

Тропар (грч. τροπάριον, цсл. тропа́рь) е кратка црковна молитвена песна, настаната во доцниот стадиум на химнографијата. Тропарот ја содржи суштината на празникот за кој е напишан и во кој се прославува светителот; во Канонот, тропарот следи после ирмосот. Често се однесува и на аполитикион (грч. απολυτίκιον), или отпустителна химна преку која се опишува главната тема на богослужењето на денот, а со која се завршува Вечерната богослужба.

Богородичен (теотокион) е посебен вид на тропар, кој е посветен на Пресвета Богородица. Помали варијации во Богородичниот водат кон Крстобогородичен (ставротеотокион), посебен вид на тропар посветен на страдањето на Пресвета при распнувањето на Христос на Крстот, и како таков најчесто се користи во среда и петок, денови кога Црквата се сеќава на чесниот Крст Господов.

Понекогаш тропарот се користи како рефрен помеѓу читање на стихирите.од Псалмите, иако примарната функција во тој случај ја имаат стихирите.

Тропарник се нарекува една засебна целина во книга со тропари и кондаци, за секој ден на Црковната литургиска година.

ПреминПортал

2021 лето Господово

 Од Верскиот календар:

 1. Пoкрoв на Прeсвeта Бoгoрoдица. Oтсeкoгаш Црквата ја прoславувала Прeсвeта Бoгoрoдица какo пoкрoвитeлка и заштитничка на христијанскиoт рoд, кoја сo свoитe таинствeни мoлитви гo милoстиви Бoга кoн нас грeшницитe. Бeзбрoј пати сe пoкажала пoмoшта oд Прeсвeта Бoгoрoдица, какo на пoeдинци, така и на цeли нарoди; какo вo мир, така и вo вoјна, какo вo мoнашкитe пустини, така и вo градoвитe. Случајoт кoј црквата дeнeс гo спoмeнува и гo празнува, гo дoкажува тoа пoстoјанo пoкрoвитeлствo на Прeсвeта Бoгoрoдица над рoдoт христијански. На 1 oктoмври 911 гoдина, вo врeмeтo на царoт Лав Мудриoт (или Филoзoф) ималo сeнoќнo бдeниe вo Бoгoрoдичната црква вo Влахeрна, вo Цариград. Црквата била прeпoлна сo нарoд. Вo задниoт дeл на црквата стoeл св. Андрeј Јурoдив сo свoјoт учeник Eпифаниј. Вo чeтвртиoт час oд нoќта сe пoјавила Прeсвeта Бoгoрoдица над нарoдoт сo распрoстранeт oмoфoр вo рацeтe, какo сo таа oдeжда да гo пoкрива нарoдoт. Била oблeчeна вo пoрфира украсeна сo златo и цeлата блeскала вo нeискажана свeтлина, oкружeна сo апoстoлитe, свeтитeлитe, мачeницитe и дeвицитe. Св. Андрeј кoга гo видeл тoа јавувањe, сo раката му пoкажал на блажeниoт Eпифаниј и гo прашал: “Ја глeдаш ли, брату, Царицата и гoспoѓата над ситe, какo сe мoли за цeлиoт свeт?” Eпифаниј oдгoвoрил: “Ја глeдам, oчe, и мнoгу сум изнeнадeн!” Заради тoа сe вoстанoвилo тoа празнувањe за да нè пoтсeти, какo на тoј случај, така и на пoстoјанoтo пoкрoвитeлствo на Прeсвeта Бoгoрoдица, кoга и да гo барамe тoа пoкрoвитeлствo, тoј нeјзин пoкрoв, мoлитвeнo вo нашитe нeвoлји.

покровителство на Пресвета Богородица, кога тоа Нејзино покровителство, тој покров молитвено го бараме кога сме во неволја.

vozdvizenie.jpg

Преподобен Роман Слаткопоец    

Родум од сирискиот град Емес. Служеше како еклисијарх најпрво во Бејрут, а потоа во соборната црква во Цариград, во времето на патријархот Ефтимиј (490 г. – 504 г.). Беше неписмен и невешт во пеењето, заради што некои клирици му се потсмеваа. Свети Роман плачејќи Ѝ се молеше на Пресвета Богородица и Таа му се јави во сон, му пружи некој голем свиок хартија и му рече да го проголта. Утредента осамна Божик и Роман излезе на амвонот и со ангелски глас испеа „Дјева днес...“ Сите беа восхитени од содржината на песната и од гласот на певецот. Откако го прими од Пресвета Богородица поетскиот дар, Роман испеа над илјада кондаци. Како ѓакон на големата црква се упокои во 510 година во Цариград и се пресели меѓу ангелските хорови.

Преподобен Јован Кукузел    

Словенин од Драч. Како момче беше земен во музичката школа во Цариград, каде што стана омилен певец на царскиот дворец. Плашејќи се од човечките ласкања и пофалби побегна на Света Гора и се пријави во Лаврата како овчар. Како овчар и монах се подвизуваше извонредно. На двапати му се јави Пресвета Богородица. Се упокои во 12 век.

 

 

 

 

 



Поуки од Светите Отци

dobrotoljubie

Духовност

Септември 03, 2021
Default Image

Беседа за Успение на Пресвета Богородица oд Викарниот Епископ Јаков Стобиски

Беседа за Успение на Пресвета Богородица изречена од Викарниот Епископ Јаков Стобиски во манастирот Успение на Пресвета Богородица - Берово
Јуни 30, 2021
3.to.Naoganje.glava.sv.Jovan.Krstitel

СКОК ПРЕКУ ЈАЖЕТО НА НЕСОГЛАСУВАЊЕТО

Затоа, секогаш кога можеш прескокни го јажето на несогласувањето и фати се за оној дел од приказната кој ветува радост, насмевки и љубов. Горчината плисни ја со бран од морето, измиј го отровот на искажаните зборови и погледни кон залезот на сонцето. Тоа ќе…

Се упокои во Господ Митрополитот Црногорско-приморски Амфилохиј (30.10.2020)

Митрополитот Амфилохиј е роден на Божик, 7 јануари 1938 година, во Бари Радовиќ, во Долна…

Свети свештеномаченик Харалампиј

Фев 23, 2020 Житија 3179
ih3387
Секој човек со своето раѓање добива лично име по кое го препознаваат во текот на целиот…

Живот во служба на Бога и на луѓето

Јан 29, 2020 Беседи 2510
3.angeli.so.truba
Неговите слова зрачат со силна нагласеност на светиклиментовиот образец и претставуваат…

Беседи

Жарко Ѓоргиевски: ЕВАНГЕЛИЕ ЗА ЗЕМНИТЕ ГРИЖИ

Жарко Ѓоргиевски: ЕВАНГЕЛИЕ ЗА ЗЕМНИТЕ ГРИЖИ

  Господ Исус Христос донел со Себе и претставил пред луѓето безбројни и незамисливи богатства небесни и ги поканил сите да земаат без мерка, јавно и слободно, но само под...

Митрополит Струмички Наум: Кој се допре до Мене? (04.12.2021)

Митрополит Струмички Наум: Кој се допре до Мене? (04.12.2021)

  На првиот степен од духовниот раст вистинско допирање до Христос е очистувањето на срцето од страстите преку исполнувањето на Неговите заповеди, во рамките на целосрдечното послушание. На вториот степен...

Митрополит Струмички Наум: ВОВЕДЕНСКИ РАЗМИСЛУВАЊА

Митрополит Струмички Наум: ВОВЕДЕНСКИ РАЗМИСЛУВАЊА

Премногу размислуваме во категоријата Бог – човек, наместо во категоријата личносни односи. Религиозниот човек размислува во рамките на првата категорија, а црковниот човек размислува и дејствува во откровението на втората...

Митрополит Струмички Наум: Свињарски идентитет (27.11.2021)

Митрополит Струмички Наум: Свињарски идентитет (27.11.2021)

Зошто не Го примаме Богочовекот Христос? Поради задоволувањето на нашите страсти, кои ни станале поважни од Него. Примерот со луѓето од земјата Гадаринска ни покажува дека ним им беа многу...

 БEСEДА  за тoа какo ангeлитe вoјуваат за правeдницитe

БEСEДА за тoа какo ангeлитe вoјуваат за правeдницитe

Ангeл Гoспoдoв ќe вoјува за oниe кoи сe бoјат oд Бoга. Тoа сe пoкажалo јаснo мнoгупати, штo e запишанo, и бeзбрoј пати штo нe e запишанo. Архангeлoт Михаил гo oдбранил...

Митрополит Струмички Наум:   Жената Хананејка (16.10.2021)

Митрополит Струмички Наум: Жената Хананејка (16.10.2021)

 Послушанието не е лесен подвиг и не е без искушенија. Затоа, до добивањето на дарот на умно-срдечната молитва тоа е аскетски подвиг, подвиг на кој се принудуваме. Духовниот отец може...

Митрополит Пимен: ЗА Воскресението, гневот и пандемијата - „ЗБОРНИК НА КАРАНТИНСКИ БЕСЕДИ“

Митрополит Пимен: ЗА Воскресението, гневот и пандемијата - „ЗБОРНИК НА КАРАНТИНСКИ БЕСЕДИ“

Та Христос не воскресна само во Ерусалим, та Христос не воскресна само во храмовите. Христос воскресна за сите, за секој и секаде. Христос воскреснува во срцето на секој еден од...

Митрополит Струмички Наум: Сега... сакаш да имаш или да немаш?

Митрополит Струмички Наум: Сега... сакаш да имаш или да немаш?

Значи, наместо судење и осудување и самооправдување, Христос ни го покажува патот на самоукорување и самоосудување, патот напуштен од речиси сите денес; патот на смирението.Прашање е дали воопшто и можеме...

Митрополит Струмички Наум: Потсетник (06.10.2021)

Митрополит Струмички Наум: Потсетник (06.10.2021)

Денешното апостолско четиво (Гал. 6, 3) ме потсети на малиот број „христијани“, кои поради својата внатрешна душевна расцепеност и меѓусебната поврзаност по таа основа, се однесуваат како отцепени, не само...

« »