логоFacebookTwitterYouTubeeMail

15/05/2021

 

 

Ноќ повторно наидува
во утро рано на мои очи,
ученик наместо да се надѕидува
дозволил нешто да го кочи.

Прослава чесна Небесна,
за учител се одвива
ликува Небеса, торжествува,
Црквата воскликнува.

А ученик немо поглед упатува
преку планини, горски езера,
до место на прослава,
до цела вселена.

Радувај се,
Атанасие свети,
кој во свои прегратки нѐ прими !

Радувај се,
Бесмртно Име прослави
и за Него душа обручи !

Радувај се,
небесна вечна пофалбо
и земна конечна победо !

Радувај се,
Евангелска вистино
на Духот Свети саду осветен,
во служба Негова височино,
за крштението учител благодатен !

Во прегратки твои примени
од временски мени заштитени,
нахранети со скромност, издржливост,
напоени со нектар на благодарност.

Одгледани со солзи растворени
испратени во борба отворена,
ти како штит се постави
помеѓу светот и душата положена.

Прости,
прости на оние
кои немаат свечена одора,
се исполнивме со самоволие
од кое срцата ни се затруја.

Затоа ничкум паѓајќи
пред твоја врата коленичиме,
поглед не подигнуваме
а само глаголаме :

Радувај се,
прегратко која нѐ удоми,
на немилост не нѐ остави !

Радувај се,
очи ни избистри
столбови ни постави
оградувајќи нѐ со Христови вистини !

Радувај се
во самоволие залутавме,
а ти родител заштитник
отфрлање не даде,
прибра секој патник намерник !

Радувај се,
еве патека се отвора
маглата се расчистува,
домот да си го видиме
корени диви повеќе да не јадеме.

Радувај се, Атанасие Велики
кој за нас спасоносна молитва сотвори !



 

Од поезијата Манастирски води на сестринството
на Манастирот Свети Јован Претеча Слепче

 

https://www.manastirslepche.mk/novost/ovoj-den-na-sveti-atanasij-veliki/

 

Друго:

3ти мај  2021 лето Господово

ПП

 

 

 

 

 



Видео содржини

Поуки од Светите Отци

dobrotoljubie

Духовност

Септември 03, 2021
Default Image

Беседа за Успение на Пресвета Богородица oд Викарниот Епископ Јаков Стобиски

Беседа за Успение на Пресвета Богородица изречена од Викарниот Епископ Јаков Стобиски во манастирот Успение на Пресвета Богородица - Берово
Јуни 30, 2021
3.to.Naoganje.glava.sv.Jovan.Krstitel

СКОК ПРЕКУ ЈАЖЕТО НА НЕСОГЛАСУВАЊЕТО

Затоа, секогаш кога можеш прескокни го јажето на несогласувањето и фати се за оној дел од приказната кој ветува радост, насмевки и љубов. Горчината плисни ја со бран од морето, измиј го отровот на искажаните зборови и погледни кон залезот на сонцето. Тоа ќе…

Се упокои во Господ Митрополитот Црногорско-приморски Амфилохиј (30.10.2020)

Митрополитот Амфилохиј е роден на Божик, 7 јануари 1938 година, во Бари Радовиќ, во Долна…

Свети свештеномаченик Харалампиј

Фев 23, 2020 Житија 2674
ih3387
Секој човек со своето раѓање добива лично име по кое го препознаваат во текот на целиот…

Живот во служба на Бога и на луѓето

Јан 29, 2020 Беседи 1832
3.angeli.so.truba
Неговите слова зрачат со силна нагласеност на светиклиментовиот образец и претставуваат…