логоFacebook  Twitter  YouTube  eMail



Ако може смирено, без занесување (05.09.2022 09:48)

„Потоа се искачи на гората и ги повика при Себе оние, кои Сам ги одбра, и тие дојдоа при Него. Избра дванаесетмина да бидат со Него, и да ги праќа да проповедаат; и да имаат власт да лекуваат болести и да изгонуваат бесови: првиот Симон, кого го нарече Петар; па Јаков Зеведеев и брат му Јован, на кои им даде име Воанергес, што значи: синови на громот; потоа Андреј, Филип, Вартоломеј, Матеј, Тома, Јаков Алфеев, Тадеј, Симон Кананит и Јуда Искариотски, кој и Го предаде“ (Марко 3, 13–19).

Гледате ли, деца, какви дарови Богочовекот Исус Христос им дал на Своите Апостоли и пред завршувањето на севкупниот Очев домострој на нашето спасение, т.е. и пред симнувањето на Светиот Дух Господ на Апостолите? Но, тоа се дарови кои се должат на вонредната благодат што Господ им ја дава на Своите ученици; исто каква што е и благодатта што Неговите ученици ја примаат на гората Тавор, за да можат да Го видат Христос, колку што можат, во Неговата начелна слава.

Секако, очигледно се тоа големи дарови; не само што го добиле дарот да проповедаат, туку истиот и да го потврдат со дела на исцелување болести и изгонување досадни бесови. Затоа што зборовите без дела се празни и никого не можат да привлечат; посебно – не оние што не ни знаат дека се под власт на демоните. Колку потребни дарови и денес...

Денешното евангелско четиво (види: Марко 3, 13–19) ми дава повод да ја разгледаме разликата помеѓу редовната и вонредната благодат во Црквата, како и колку ние треба да бидеме внимателни во разликувањето и во односот кон двата вида благодат. Зошто?

Затоа што, иако апостолите беа учесници во толку голема благодат, тие сите се откажаа од Христос, а еден од нив и Го предаде. Ваков пад, од таква духовна висина, е речиси невозможно да му се случи на носителот на редовната благодат. Тоа е главната разлика и последица помеѓу двата вида на благодат.

Основно светоотечко начело е: дај крв – прими Дух. Сите христијански подвижници што ја примиле, т.е. усвоиле, т.е. поличносниле редовната Божја благодат, претходно многу пострадале – и во внатрешната борба за преобразување на своите страсти и во надворешната борба за љубов и кон непријателите, па сѐ до целосната жртва за Црквата. Што би рекле, многупати го доживеале и преживеале страдањето што им се заканувало на Апостолите во часовите на Христовото страдање и затоа ја добиле таквата благодат; исто како Апостолите потоа, откако се покајале и откако била проверена нивната верност.

Вистината е дека Црквата денес многу повеќе опстојува врз основа на вонредната благодат за нејзина надградба отколку што има носители на редовна благодат. Но, сепак ги има. Проблемот е да не си помислиме дека даровите со кои сме обдарени сме ги добиле по редовен пат – преку голем подвиг; оти тогаш падот ќе биде многу блиску. А да не спомнувам дека има и демонски дарови.

Како препознаваме што е што? Секој оној што не поминал низ восогласување на начинот на својот живот со степенот на духовниот развој или душевната состојба во која се наоѓа, како и со местото и задачата што ги има во Црквата и општеството, нека знае дека не може да биде носител на редовната благодат. А за демонските дарови на тие што прават неред во Црквата, немам кому да објаснам.

Најсигурно е, смирено да Му благодариме на Бог за сѐ и секој да си ја гледа својата работа.

Пресвета Богородице, спаси нас!

Митрополит Струмички Наум

 Извор: МПЦ-ОА

 



Поуки од Светите Отци

dobrotoljubie

Духовност

Септември 03, 2021
Default Image

Беседа за Успение на Пресвета Богородица oд Викарниот Епископ Јаков Стобиски

Беседа за Успение на Пресвета Богородица изречена од Викарниот Епископ Јаков Стобиски во манастирот Успение на Пресвета Богородица - Берово
Февруари 23, 2020
ih3387

Свети свештеномаченик Харалампиј

Секој човек со своето раѓање добива лично име по кое го препознаваат во текот на целиот живот. Името е наша сопствена карактеристика, но малкумина го знаат вистинското потекло на своето име и неговото вистинско значење. Секое православно име има своја суштина…

Живот во служба на Бога и на луѓето

Јан 29, 2020 Беседи 3388
3.angeli.so.truba
Неговите слова зрачат со силна нагласеност на светиклиментовиот образец и претставуваат…

Почитување на Пресветата Мајка Божја

Дек 09, 2019 Полезно и Потребно 3214
7.Vselenski.sobor
Таа е заштитничка и покров на христијанскиот род. Како Мајка на Синот Божји, таа има…

Свети Антониј Велики: Кој е ѓаволот и кога напаѓа...?

А кога ќе се всели Божјиот Дух, Он ги успокојува, им дава да го вкусуваат спокојот во…