логоFacebookTwitterYouTubeeMail

TVITER466

Митрополит Струмички Наум:
Двоедна заповед (02.10.2021 08:43)


„И еден од нив, законик, искушувајќи Го, запраша и рече: ’Учителе, која заповед е најголема во Законот?‘ А Исус му одговори: ’Возљуби Го Господ, својот Бог, со сето свое срце, и со сета своја душа, и со сиот свој разум‘; тоа е прва и најголема заповед; а втората е слична на неа: ’Возљуби го својот ближен како себеси! На тие две заповеди се крепат целиот Закон и Пророците‘“ (Матеј 22, 35–40).


Овие две заповеди ја даваат аскетско-исихастичката основа на која се крепи целокупниот православен духовен живот во Христос, во Црквата. Еве и зошто:
Најбитно е енергијата на нашиот ум, молитвено – преку примарната функција на умот, да ја насочиме кон Едниот Вистински Бог – Отецот и Синот и Светиот Дух. Ако не ја насочиме кон Бог, тогаш – речиси сигурно, без оглед на намерата, ја насочуваме кон демоните или кон останатата словесна и бесловесна твар. Така, секој нека се преиспита и нека си одлучи со кого ќе влезе во комуникација преку насочувањето на енергијата на својот ум – со енергијата на создадената словесна и бесловесна твар, или со несоздадената енергија Божја која нѐ преобразува. Последиците се апсолутно различни. Со претходно опишаното дејство може да се исполни првата Божја заповед: „Возљуби Го Господ, својот Бог, со сето свое срце, со сета своја душа, и со сиот свој разум“.
Ништо помалку битно е истата енергија и при секундарната функција на умот – како разум, да биде правилно насочена. Сите сме поставени пред следниот избор: дали ќе ја насочиме кон исполнување на Божјите заповеди на дело или ќе ја насочиме кон задоволување на нашите страсти на дело. Навидум едноставен е и вториов избор, но во суштина зависен е од првиот – од нашата љубов кон Бог. Преку првоспомнатото насочување може да се исполни втората Божја заповед: „Возљуби го својот ближен како себеси“, на дело.
Битно е да запомниме дека: колку повеќе преку исполнување на заповедите Го познаваме Бог, толку попрецизно и посилно ќе можеме да ја насочиме енергијата на нашиот ум кон Него. И обратно. Едната без другата заповед е невозможно да се исполнат.
А што се однесува до вториот дел од евангелското четиво, во него Христос ги запрашува фарисеите како може ако Христос e Син Давидов, како што и тие самите тврдат, Давид да Го нарекува Господ? Со ова Самиот Христос им укажува дека Синот Божји е и Син Човечки, односно дека се воплотил и станал Богочовек; и дека како Таков ги исполнил и двете заповеди, па од тој момент тие две најголеми заповеди веќе не се слични, туку се еден и ист подвиг.
Освен тоа што ги исполнил овие заповеди, Господ Христос уште и рекол: „Доколку сте го направиле тоа на еден од овие Мои најмали браќа, Мене сте Ми го направиле“ (Матеј 25, 40), со што уште еднаш покажува и потврдува дека – да се љуби ближниот како себеси заради Христос, е исто што и да се љуби Бог со сето срце, душа и разум.
Заповедта за љубов кон ближните не ги исклучува ни непријателите; напротив, љубовта кон непријателите е единствената прецизна мерка и критериум за љубовта кон Бог и кон секој човек. Со други зборови, колку го љубиме оној што ни прави зло, толку ги љубиме и Бог и својот ближен – ни помалку, ни повеќе.
Да не се лажеме себеси... Оној што ја има љубовта како дар на благодатта на Светиот Дух не може истовремено и да мрази. Нема тука место за обичните човечки чувства, каде што некого сакаме, а некого мразиме. Затоа и ви велам, целта на демонот е во ближниот да гледаме непријател, да вратиме на злото со зло и да останеме без благодатта на Светиот Дух; а притоа, уште да мислиме и дека сме побожни и дека на Бог Му принесуваме жртва.   


Пресвета Богородице, спаси нас!


Митрополит Струмички Наум

Извор:

MПЦ-OA

 

 

 



Поуки од Светите Отци

dobrotoljubie

Духовност

Септември 03, 2021
Default Image

Беседа за Успение на Пресвета Богородица oд Викарниот Епископ Јаков Стобиски

Беседа за Успение на Пресвета Богородица изречена од Викарниот Епископ Јаков Стобиски во манастирот Успение на Пресвета Богородица - Берово
Јуни 30, 2021
3.to.Naoganje.glava.sv.Jovan.Krstitel

СКОК ПРЕКУ ЈАЖЕТО НА НЕСОГЛАСУВАЊЕТО

Затоа, секогаш кога можеш прескокни го јажето на несогласувањето и фати се за оној дел од приказната кој ветува радост, насмевки и љубов. Горчината плисни ја со бран од морето, измиј го отровот на искажаните зборови и погледни кон залезот на сонцето. Тоа ќе…

Се упокои во Господ Митрополитот Црногорско-приморски Амфилохиј (30.10.2020)

Митрополитот Амфилохиј е роден на Божик, 7 јануари 1938 година, во Бари Радовиќ, во Долна…

Свети свештеномаченик Харалампиј

Фев 23, 2020 Житија 3118
ih3387
Секој човек со своето раѓање добива лично име по кое го препознаваат во текот на целиот…

Живот во служба на Бога и на луѓето

Јан 29, 2020 Беседи 2449
3.angeli.so.truba
Неговите слова зрачат со силна нагласеност на светиклиментовиот образец и претставуваат…