логоFacebookTwitterYouTubeeMail

 


Македонскиот фолклор живееше во воздухот кој го дишев


Музичкиот Александар Македонски, како што неодамна го нарекоа странски медиуми... Едно од најпознатите светски пијанистички имиња... Симон Трпчески, за првиот инструмент, песна, концерт...


Првиот инструмент...
Првиот инструмент, кој го добив како играчка, е едно мало пластично клавирче кое се уште ми стои дома. Моите сигурно предвиделе дека ќе биде нешто од мене. Првата љубов сепак ми беше хармониката. И, како подарок од татко ми, на околу 4-годишна возраст, ја добив малата хармоника од руско производство "Малиш". Подоцна, на 8-годишна возраст, моите ми го купија и првото пијанино "Петроф".

Првото вљубување во инструментот...
Идејата беше спонтан одговор од страна на моите родители, на моите предиспозиции и евидентната љубов кон музиката, иако бев толку мал. Јас во семејството, покрај родителите и брат ми и сестра ми, растев и со баба ми Божана. Бев опкружен со добриот стар македонски фолклор кој живееше во воздухот кој го дишев. Кога ја зедов хармониката во раце за првпат, веднаш почнав да произведувам мелодија со десната рака. Заемната магија меѓу нас беше повеќе од очигледна.

Развивање на патешествието, први концерти...
Патешествието беше многу внимателно градено од моите родители, од сите страни, се со цел јас да имам добро, нормално и безгрижно детство. Полека и сигурно, како што бев учен. Првиот јавен настап ми беше на квалификации за "Прва хармоника на Југославија", во тогашниот Дом на Младите "25 Мај" (денешен Младински културен центар), 1984 година, а следеше настапот на истиот фестивал, во Соко Бања, Србија, истата година, пред 10.000 гледачи, се разбира, вон конкуренција. Освен на настапите во основното училиште "Едвард Кардељ" (денес "Ѓорѓија Пулески"), како и во Пионерскиот Дом "Карпош" (денес Детски Културен Центар Карпош), почнав да одам во МБУЦ "Илија Николовски-Луј" каде започнав да учам пијано. Таму ми беа и првите настапи на пијано.

Првата научена песна...
"Билјана платно белеше"

Сегашните омилени инструменти...
Се разбира, пијаното си има посебно место. Но хармониката секогаш ќе си остане мојата прва љубов. Инаку, како боја на звук, ги сакам хорната и харфата.

Анегдоти...
1. Пред настапот во Соко Бања, почнав да икам. А бидејќи требаше освен да свирам, и да пеам, буквално пред самиот почеток на настапот, татко ми ми даде кока кола". Икањето ми престана и се беше во ред.

2. Во Перт, во Шкотска, не ми стигна куферот. Излегов да свирам во фармерки, обични чевли и кошула. Сите беа среќни.

3. Во Франција, на фестивалот во Roque D'Antheron, на отворена сцена во шума, пред 2000 гледачи, почна да врне дожд. Концертот беше прекинат за публиката да добие дождовни мантили. Сите останаа. По 10 минути концертот продолжи. Истиот е снимен од Радио Франција.

4. На еден концерт во Македонија пред неколку години, на сцена се појави скакулец. Имаше интересна светлозелена боја. Добро е што успеав да го оддалечам од клавирот за да не ми одзема концентрација.

5. На концертот со легендата Владимир Ашкенази во Сан Франциско, пред почетокот на една од варијациите, заѕвони мобилен телефон. Маестрото, пред да го отсвирам акордот ја прекина изведбата. Штама во преполната сала. Јас не знаев дали да се смеам или да плачам. Тој со сериозна интонација побара да се исклучи мобилниот телефон. Штама уште неколку секунди. Се сврте кон оркестарот и продолжи со варијацијата. Внатрешно, се чувствував многу необично заради уникатната ситуација, но се созедов и продолжив со изведбата која наиде на прекрасен одѕив кај публиката.

6. На концертот во Елса, во близината на Сент Луис, сега во април, на пауза имаше проблем со денферот на клавирот (кој инаку беше во одлична состојба). Ситуацијата се искомплицира. Првпат во животот сменив сала. Цела публика се префрли во другата сала на "Принсипиа" колеџот каде свирев. На еден концерт, свирев во 2 сали и на 2 клавира. Чудо невидено.

7. На последниот концерт во Скопје, една голема мува ми правеше друштво. Важен е психолошкиот момент на концентрација во ситуација кога таа се движи на капакот на клавирот, а во даден момент ти поминува до увото и ти мораш да најдеш дел од секунда за да ја избркаш а тоа да не се одрази на интерпретацијата. За среќа, бев многу снаодлив.

Дејан ТРАЈКОСКИ



Поуки од Светите Отци

dobrotoljubie

Наука и Култура

Октомври 23, 2021
3.to.Naoganje.glava.sv.Jovan.Krstitel

Поезија од Стефан Марковски застапена во меѓународна антологија на шпански јазик

„Преминот на поетските гласови бара прекугранични и меѓугенерациски средби и точки на дијалог. Тематските определби на песните почиваат врз различните емоционални, општествени, политички и интерперсонални набои на авторите; човечкото дистанцирање и поезијата…
Септември 28, 2021
3.to.Naoganje.glava.sv.Jovan.Krstitel

Познат научник тврди дека Бог постои

Според него, оваа теорија би можела да го докаже постоењето на Бог. Изјавите ги разгориле дебатите околу оваа тематика меѓу научниците токму затоа што Каку се смета за еден од најважните научници на 21 век. Тој е еден од креаторите на револуционерната Теорија…

Беседи

Митрополит Струмички Наум:   Жената Хананејка (16.10.2021)

Митрополит Струмички Наум: Жената Хананејка (16.10.2021)

 Послушанието не е лесен подвиг и не е без искушенија. Затоа, до добивањето на дарот на умно-срдечната молитва тоа е аскетски подвиг, подвиг на кој се принудуваме. Духовниот отец може...

Митрополит Пимен: ЗА Воскресението, гневот и пандемијата - „ЗБОРНИК НА КАРАНТИНСКИ БЕСЕДИ“

Митрополит Пимен: ЗА Воскресението, гневот и пандемијата - „ЗБОРНИК НА КАРАНТИНСКИ БЕСЕДИ“

Та Христос не воскресна само во Ерусалим, та Христос не воскресна само во храмовите. Христос воскресна за сите, за секој и секаде. Христос воскреснува во срцето на секој еден од...

Митрополит Струмички Наум: Сега... сакаш да имаш или да немаш?

Митрополит Струмички Наум: Сега... сакаш да имаш или да немаш?

Значи, наместо судење и осудување и самооправдување, Христос ни го покажува патот на самоукорување и самоосудување, патот напуштен од речиси сите денес; патот на смирението.Прашање е дали воопшто и можеме...

Митрополит Струмички Наум: Потсетник (06.10.2021)

Митрополит Струмички Наум: Потсетник (06.10.2021)

Денешното апостолско четиво (Гал. 6, 3) ме потсети на малиот број „христијани“, кои поради својата внатрешна душевна расцепеност и меѓусебната поврзаност по таа основа, се однесуваат како отцепени, не само...

Митрополит Струмички Наум: Двоедна заповед (03.10.2021 08:43)

Митрополит Струмички Наум: Двоедна заповед (03.10.2021 08:43)

Да не се лажеме себеси... Оној што ја има љубовта како дар на благодатта на Светиот Дух не може истовремено и да мрази. Нема тука место за обичните човечки чувства,...

Митрополит Струмички Наум: Љубовта ќе олади (01.10.2021)

Митрополит Струмички Наум: Љубовта ќе олади (01.10.2021)

Љубовта ќе олади кај тие што ја добиваат како дар Божји во Црквата, а не ја негуваат и не ја развиваат. Љубовта ќе олади кај христијаните, кај православните. Божествена љубов...

 Митрополит Стумички Наум: Тајната на личниот крст (29.09.2021)

Митрополит Стумички Наум: Тајната на личниот крст (29.09.2021)

Често луѓето имаат желба да се на местото на некој друг. Сакаат да ја имаат видливата власт и славата на другиот, сакаат да ги имаат видливите пари и имот на...

 архим. Георги Капсанис: ВО ЗНАК НА НАШАТА ЉУБОВ

архим. Георги Капсанис: ВО ЗНАК НА НАШАТА ЉУБОВ

Незамисливо е да се биде христијанин без подвиг и крст. Оној што води лесен живот не може да се нарече христијанин. Некои луѓе отсекогаш верувале дека христијанин е оној кој...

 Митрополит Струмички Наум: Свадбена облека (25.09.2021)

Митрополит Струмички Наум: Свадбена облека (25.09.2021)

Свадбена облека е подвигот на очистување на срцето од страстите во послушание. Без овој подвиг никој не може да се нарече христијанин. За монасите и свештенството свадбена облека е нешто...

« »