фб Katica Kulavkova
·
Храбрите луѓе, кога ги бранат идеалите со збор, придонесуваат за општо добро, за сите.
Кога се нападнати поради тоа што ги бранат своите идеали, најчесто споделени од мнозинството, тие се мошне осамени.
За жал, мнозинството или се плаши, или е конформистично, или имаат потреба некој да ги предводи. Голем дел од слободоумните и желни за правна држава, ред и поредок, ја напуштија Македонија.
                 Кога слободното изразување на почит спрема националниот, културниот и јазичниот идентитет е предмет на прогон од домашните институции, тоа е знак дека е загрозен секој слободоумен човек. Тоа значи дека некој без суштински легитимитет го ревидира националниот интерес. Во Македонија очигледно македонскиот национален интерес е доведен во прашање. Државата како да е организирана систематски да ги штити штетните политики, вклучително и антимакедонизмот. Државата како да го подрива уставниот поредок оценет од ЕУ експерти 90тите години како демократски Устав според европските стандарди.
             Во цел демократски свет Уставот е свет, кај нас е профанизиран и злопупотребен.
Радикалното отфрлање на сите усвоени и традиционални вредности и идеали не дозволува слободна размена на мислење. Ги трауматизира Македонците.
             Не се почитуваат меѓународните конвенции и искуства. Се прогонуваат оние кои не се политички коррктни и кои се залагаат за слободна Македонија и против нејзино претворање во протекторат, сива зона, зона на самракот, зона на криминалот.
            Апелирам да не се прогонуваат личности како #СашоТасевски. Неговата искреност во јавниот простор е гранична, но чесна и неопходна. Ако сме слободна држава создадете услови за слободен израз на политички и национални ставови.
Не може да толерирате експлицитен и вулгарен говор на омраза на европратеници и конвертирани Македонци, а да прогонувате говор на љубов спрема медонскиот идентитет.
                Апелирам за добро на Македонија, за наше општо добро, оти неспорно е дека се случува нешто апсурдно, речиси безумно, ама со голема политичка моќ. Фуко зборуваше за државно насилство, карактеристично за колонијалниот систем, за авторитарните и нацистичките режими. До таму ли стигнавме? Се надевам дека не. Се надевам дека никој повеќе нема да биде повикан на суд затоа што се бори против дискриминација на Македонци. Почитувајте ги храбрите, не сервилните!

 16.09.2023