логоFacebookTwitterYouTubeeMail



  За послушанието (02.02.2012)


Послушанието не им е потребно само на монасите, туку и на секој човек. И Господ бил послушен. Гордите и оние кои се раководат според сопствената волја не ѝ дозволуваат на благодатта да живее во нив и затоа никогаш немаат мир во душата. Во душата на послушниот лесно влегува благодатта на Светиот Дух и му дава радост и спокојство.

Сите бараат мир и радост, но малку од нив знаат каде да ги најдат и што е потребно за да се дојде до нив. Еве веќе 35 год. гледам еден монах кој секогаш е со весела душа и пријатен лик, иако веќе е стар човек. Тоа е така бидејќи тој го сака послушанието. Неговата душа се предала на Божјата волја и за ништо не се грижи. Таа Го засакала Господ и Го созерцува.

Кој во себе има и малку благодат, радосно се покорува на секоја власт. Тој знае дека Бог управува и со небото и со земјата, со него самиот и со она што се однесува на него  - и со сè во светот – затоа тој секогаш е спокоен.

Послушниот се предал на Божјата волја, не плашејќи се од смртта. Неговата душа се навикнала да живее со Господ и Го засакала. Тој ја отсекол сопствената волја и заради тоа ни во душата, ниту во телото ја нема онаа борба која ги мачи непокорните и своеглавите.

Вистинскиот послушник ја мрази својата волја и го сака својот духовен отец и затоа добива слобода со чист ум да Му се моли на Бога. Неговата душа слободно, без помисли, Го созерцува Бога и наоѓа мир во Него. Тој брзо ќе се здобие со Божјата љубов поради смирението и по молитвите на својот духовен отец.     

 

                              * * * * *

 

Зошто светите Отци го поставиле послушанието над постот и молитвата?

Затоа што од подвигот без послушание се раѓа суетата додека послушниот човек прави сè онака како што му е речено и нема повод за гордост. Освен тоа, послушниот ја отсекол сопствената волја и во сè го слуша својот духовен отец, па умот му е слободен од секакви грижи и може чисто да се моли. На послушниот на ум му се само Господ и зборовите на Старецот, а умот на непослушниот е зафатен со разни работи, вклучувајќи го и осудувањето на Старецот. Затоа тој не може да Го созерцува Бог.

Сум видел послушник кој стрпливо поднесуваше тешко послушание. Господ му ги даде умносрдечната молитва и  плачот за целиот свет. Игуменот Андреј му рече: „Тоа ти е дадено заради послушноста“.

Со послушанието човекот се чува од гордоста. Заради послушноста се добиваат молитвата и благодатта на Светиот Дух. Ете затоа послушанието е над постот и молитвата.

Да го сочувале послушанието паднатите ангели, и понатаму би биле на небото и би Му пееле славословија на Бога. Да го сочувал Адам послушанието, немало да биде прогонет од Рајот, а и неговото потомство би жевеело таму.

Но и сега можеме со покајание да се вселиме во Рајот. Господ многу нè љуби и не ги гледа нашите гревови, само уште кога би сакале да се смириме и да ги засакаме непријателите.

Оној кој не ги сака своите непријатели, нема да има мир, па дури и во Рајот да престојува.

 

Свети Силуан Атонски

Извор:МПЦ
 



Видео содржини

Поуки од Светите Отци

dobrotoljubie

Духовност

Септември 03, 2021
Default Image

Беседа за Успение на Пресвета Богородица oд Викарниот Епископ Јаков Стобиски

Беседа за Успение на Пресвета Богородица изречена од Викарниот Епископ Јаков Стобиски во манастирот Успение на Пресвета Богородица - Берово
Јуни 30, 2021
3.to.Naoganje.glava.sv.Jovan.Krstitel

СКОК ПРЕКУ ЈАЖЕТО НА НЕСОГЛАСУВАЊЕТО

Затоа, секогаш кога можеш прескокни го јажето на несогласувањето и фати се за оној дел од приказната кој ветува радост, насмевки и љубов. Горчината плисни ја со бран од морето, измиј го отровот на искажаните зборови и погледни кон залезот на сонцето. Тоа ќе…

Се упокои во Господ Митрополитот Црногорско-приморски Амфилохиј (30.10.2020)

Митрополитот Амфилохиј е роден на Божик, 7 јануари 1938 година, во Бари Радовиќ, во Долна…

Свети свештеномаченик Харалампиј

Фев 23, 2020 Житија 2673
ih3387
Секој човек со своето раѓање добива лично име по кое го препознаваат во текот на целиот…

Живот во служба на Бога и на луѓето

Јан 29, 2020 Беседи 1830
3.angeli.so.truba
Неговите слова зрачат со силна нагласеност на светиклиментовиот образец и претставуваат…