логоFacebook  Twitter  YouTube  eMail


 

     - Старче, не е ли подобро, да се одложи некоја работа да би се сочувал мирот во душата?

   o.Pajsij.Svetogorec.jpg 

- Секако. Бидејќи кога човек врши некоја работа полека, без брзање, тој го чува мирот и го осветува целиот ден. За жал, сеуште не сфаќаме дека кога работата ја извршуваме со забрзаност, стануваме напнати. Таквата работа не е осветена. Нашата цел не е многу да работиме, а да бидеме нервозни. Тоа е една демонска состојба.

      Ракоделието кое се извршува тивко и со молитва, се осветува, па така се осветуваат и луѓето кои тие ракоделија ги користат. Затоа и има смисла кога мирјаните барат од монасите ракоделие за благослов. Тоа што се извршува набрзина и со напнатост, ја пренесува таа демонска состојба и на другите. Брзината при работаат и напнатоста, е особина на луѓе со изразено светско настроение. Вознемирен човек, со своето ракоделие им пренесува на другите – немир, а не благослов. Колку човековата состојба влијае на ракоделието кое тој го врши! Дури и на даските. Страшно! Исходот од некоја работа зависи од состојбата во која бил човекот додека работел. Ако некој е нервозен, лут и ропта, тоа што ќе го направи нема со себе да носи благослов. Но ако пее и се моли, неговото ракоделие се осветува. Првата состојба е демонска, а оваа другава – боженствена.

    Ако се што работиме, го работиме со страв Божји и трудејќи се во молитвата, се осветуваме и ние и нашето ракоделие. На пример: правам една кутија и ја кажувам Исусовата молитва; се молам и истовремено работам во слава Божја. Мојата цел не е да ја направам таа кутија, ниту да работам брзо како би направил што повеќе. Така само ќе бидам напнат и нервозен. Тоа е демонска состојба. Не сме дошле затоа во манастир; сме дошле за да се осветиме,  и да би го осветиле тоа што го работиме. Тоа е причината што понекогаш се чувствуваш како добра службеничка на должност; бидејќи кога си во брзање за да ги извршиш работите, забораваш да го понесеш и Христос со себе. Но ако сè почнуваш со молитва, ќе се почувствуваш како Христова послушничка. Затоа вткај ја молитвата во работата како би се осветила и ти самата, но и работата која ја вршиш. Знаеш ли како Бог тоа го благословува? Знаеш ли колку добра, и какви благослови за тоа праќа?

Старче, кога работата е од интелектуална природа, на пример – преведување, како е возможно да се молам како и тоа што го работам да понесе благослов Божји?

Кога работата е од интелектуална природа, ако целото твое битие се наоѓа крај Бога, тогаш се осветува и работата која ја извршуваш; тогаш пребиваш во Божја средина, иако не можеш да се молиш. Во тој случај многу може да помогне ако е човек во добра духовна состојба. Тој, всушност, и не се обидува смислата на текстот да ја разбере со својот ум, туку со боженствено просветлување доаѓа до неа. А што ако јас не сум во таква духовна состојба, а треба да извршам една  таква работа?

Тогаш врши ја таа работа, но при тоа моли се, барај од Бога Он да те просветли. Погрижи се боженствената смисла на преведените книги да ти послужи за духовна корист. Работи со страв Божји. Секој саат – до два направи мала пауза од некоја минута, и кажувај ја Исусовата молитва.

Старче, посебно во преведувачката работа има многу нешта кои бараат внимание. Треба да бараш по речениците, да ги читаш толкувањата...

За тоа веќе зборував; тоа што посебно помага при преведувањето е да се има добри помисли, бидејќи тие човекот го прават сад на благодатта. Тогаш излагањето на боженствената смисла е верно, бидејќи извира од  боженственото просветление, а не од умот, речникот и мастилото. Сакам да кажам дека надежта треба да ја положиме на тоа главното – боженственото, а не на тоа споредното – човечкото.

             извадок од „Многугрижноста оддалечува од Бог“

Продолжува......  

Подготви: Сузана Стефановска 



Поуки од Светите Отци

dobrotoljubie

Духовност

Септември 13, 2021

Јован Дебарски Архиепископ Охридски (30 август/12 септември)

Овој свет и богоносен отец наш Јован Дебранин, Архиепископ Охридски и прв ктитор на Бигорската Обител, засветлил како светлозарна ѕвезда на богопрославениот светителски небосклон на Црквата Христова, во првата половина на ΧΙ век. За неговото родословие,…
Септември 03, 2021
Default Image

Беседа за Успение на Пресвета Богородица oд Викарниот Епископ Јаков Стобиски

Беседа за Успение на Пресвета Богородица изречена од Викарниот Епископ Јаков Стобиски во манастирот Успение на Пресвета Богородица - Берово

Свети свештеномаченик Харалампиј

Фев 23, 2020 Житија 4033
ih3387
Секој човек со своето раѓање добива лично име по кое го препознаваат во текот на целиот…

Живот во служба на Бога и на луѓето

Јан 29, 2020 Беседи 3416
3.angeli.so.truba
Неговите слова зрачат со силна нагласеност на светиклиментовиот образец и претставуваат…

Почитување на Пресветата Мајка Божја

Дек 09, 2019 Полезно и Потребно 3249
7.Vselenski.sobor
Таа е заштитничка и покров на христијанскиот род. Како Мајка на Синот Божји, таа има…