Писма на валаамскиот старец (24)

Korica.Pisma.Valaam.jpg

72.
11 октомври 1953 г.
Писмо до истата
Ти сакаш навечер времето да го поминуваш сама и духовно да се средуваш. Да, ноќта помага при усредсредувањето, јас исто така го сакам тоа време. Наоколу потполна тишина и тогаш некако особено ја чувствуваш близината на својот Господ.
При молитвата, како што пишуваш, ти се појавува топлина во душата. Тоа Господ на нам грешните ни дава да вкусиме некоја утеха за да не паднеме со духот во нашите молитви и трудот. Кога ќе дојде топлината, треба да се задржиме на тие чувства додека не поминат. Само ти самата не треба да им тежнееш. Ако се трудиш поусрдно, по Божја милост, топлината во срцето ќе ти се јавува почес¬то. Само не замислувај дека нешто големо си придобила и од другите тоа чувство скриј го. Ако уште нешто ти се јави при молитвата, пиши ми!

73.
14 јануари 1954 г.
Писмо до истата
Го добив твоето писмо. Ете, повторно си болна, во жалостите паѓаш со духот! Немој многу да тагуваш, твоите болести и жалости не се случајна појава, туку се испратени од Бога, а нам недостапна ни е Неговата света грижа за нас грешните. Ако Господ толку се грижи за птиците (Лк. 12, 6), можно ли е тебе да те заборави?!
Твојата голема и сложена операција се одрази на твојот организам, „земните лекари не ти помогнаа", како што пишуваш. Јас ти советувам сега да се обрнеш кон Небесниот Лекар на нашите души и тела, кон Господа. Кој е твојот духовник таму? Замоли го да те помаже со свет елеј (масло) и да те причести со светите Христови тајни. За жал, свештениците кои живеат во светот, некако не со задоволство тоа го прават, но ти замоли ги, можеби ќе се согласат.
Не би било добро сега да дојдеш кај нас: сега е ладно, а ти си болна; тоа се трошоци и губење на време.
Господ нека биде застапник на твојата душа и тело. Амин.

Писма на валаамскиот старец (23)

Извор:

Korica.Pisma.Valaam.jpg