логоFacebookTwitterYouTubeeMail



 

61. Монахот е обврзан да ги произнесува (само оние) зборови, кои (му приличат) на добриот (маж), и на устата негови (секогаш) треба да бидат зборовите на Севишниот.

62. Нека монахот го прими на себе доброволното гладување за да го смири своето земно тело и да ја вознесе во висиниta својата душа – жителка на Градот Небесен.

63. Монахот треба секогаш да произнесува (само) вистинити зборови, а лагата мора да биде изгонета од неговите усти.

64. Кога монахот ќе чуе жесток збор, нека не возвраќа дрско, туку нека се потчини за да го стиши изливот на (својот) гнев. За награда ќе прими мир и ќе се нарече син на Севишниот, оти (веќе) станал син на Мирот.

65. Монахот кој зборува смиреномудрено, со јасен и пријатен глас, може и од скаменетото срце да измами солзи.

66. Како што лавот предизвикува страв кај дивите магариња, така и монахот, кој е непоколеблив (во својот призив) ги одгонува (од себе) похотните помисли.

67. Монахот кој неправовремено го прекинува својот пост личи на човек кој ги руши темелите на (својот) дом.

68. Виорот на ветрот подига облак на прав во рамницата, а горделивиот монах подига (виор) на гнев во манастирот.

69. Манастирот е за монахот она што е тивкото пристаниште за бродот.

70. Бестрасниот монах, кого не го победуваат стрелите на насладата, (уште) на земјата пројавува подобие на Ангелите (Небесни).

71. Не истрајувај, монаху, во гордоста, за да не потпаднеш во (уште некое) страшно прегрешение.

72. Биди, монаху, подражавател на смиреномудроста (на Апостолот) Павле за да станеш сонаследник (на Царството Небесно) во хорот на Светите.

73. Подражавај го, монаху, цариникот, за да не бидеш осуден заедно со фарисејот.

74. Избери ја, монаху, кроткоста Мојсеева за да го раствориш своето окаменето срце во тивка езерска вода. И потоа, стекнувајќи опит (за тоа) дека кроткоста е (големо) добро, да собереш сила да кажеш: На тивка вода води ме (Пс. 23:2).

75. Не пројавувај се себеси, монаху, како гневливец, и запомни дека ниту еден гневливец на пребива во трпение (и кроткост).

76. Не напуштај го (кроткиот) Авел, придружувајќи му се на горделивиот Каин, за да не те снајде судбината на овој вториот.

77. Познај дека смиреномудрието е благо, и избери го, оти тоа го вознесува (човека) на Небото.

78. Добра награда те очекува тебе, монаху, за смиреномудрието твое (а тоа е) – Царството Небесно. Внимавај да не бидеш лишен од таа награда.

79. Младиот монах треба да се зацврстува во целомудреноста, презирајќи го славољубието. Монахот, оросуван со целомудредност, е виноград возљубен (Иса. 5:7) во Бога.

80. Постот е уздата монахова. Оној кој ќе ја испушти станува како товен коњ кој `ржи по жената на ближниот свој (Јерем. 5:8). Младиот (монах), кој не ги држи (цврсто) тие узди, (може да) греши до исцрпеност.

(Продолжува)

Подготви: Б.Ѓ.

 Посети: {moshits}

 



Поуки од Светите Отци

dobrotoljubie

Духовност

Септември 03, 2021
Default Image

Беседа за Успение на Пресвета Богородица oд Викарниот Епископ Јаков Стобиски

Беседа за Успение на Пресвета Богородица изречена од Викарниот Епископ Јаков Стобиски во манастирот Успение на Пресвета Богородица - Берово
Февруари 23, 2020
ih3387

Свети свештеномаченик Харалампиј

Секој човек со своето раѓање добива лично име по кое го препознаваат во текот на целиот живот. Името е наша сопствена карактеристика, но малкумина го знаат вистинското потекло на своето име и неговото вистинско значење. Секое православно име има своја суштина…

Живот во служба на Бога и на луѓето

Јан 29, 2020 Беседи 2877
3.angeli.so.truba
Неговите слова зрачат со силна нагласеност на светиклиментовиот образец и претставуваат…

Почитување на Пресветата Мајка Божја

Дек 09, 2019 Полезно и Потребно 2688
7.Vselenski.sobor
Таа е заштитничка и покров на христијанскиот род. Како Мајка на Синот Божји, таа има…

Свети Антониј Велики: Кој е ѓаволот и кога напаѓа...?

А кога ќе се всели Божјиот Дух, Он ги успокојува, им дава да го вкусуваат спокојот во…