Никој никогаш не го победил времето, а тоа всушност не е ни цел. Победата е над гревот, над смртта, над ѓаволот. Времето тече само во една насока кон која и сѐ исполнува - вечноста. А, просторот само го следи времето.
"Тогаш Петар Му одговори на Исуса и рече:
Господи, добро ни е да бидеме овде; ако сакаш да направиме тука три сеници: една за Тебе, една за Мојсеја и една за Илија. Додека уште говореше тој, ете, ги засени светол облак; и се чу глас од облакот, кој велеше: „Овој е Мојот Возљубен Син, во Кого е Мојата волја; Него послушајте Го!...Зошто, пак, книжниците велат дека најнапред треба да дојде Илија? Исус им одговори и рече: „Илија ќе дојде порано и ќе уреди сe; но ви велам дека Илија веќе дојде и не го познаа, туку му направија како што сакаа; така и Синот Човечки ќе пострада од нив.”
П.С. Апостолот од параболи и сведоштво минал на виденија, ама од виденија кога ќе се симнеме на параболи, на приказни тоа значи дека сведоштвото го трошиме во самооправдувања.
Горан Стојчевски
2ри август 2023 лето Господово
Светите апостоли Ераст, Кварт, Родион, Сосипатар и Терциј; Светиот маченик Орест; Свети Нон, епископ Илиополски; 
