логоFacebook  Twitter  YouTube  eMail

Кожувчанка

Монах Мојсеј Светогорец († 2014)

 

Свети Јован Лествичник ги собрал еднаш пустинските старци, за да му кажат што значи смирението. Тогаш секој зел збор и со скромност и длабочина го изложил својот животен опит. Еден рекол дека смирение е да ги заборавиш своите добри дела, да не ги паметиш и да не бидеш горд. Друг рекол дека смирение е  човек да се смета себеси за последен и најгрешен од сите. Трет рекол дека смирение е да се има постојано умиление и скрушена душа и секогаш да се одрекува од својата волја. Други, исто така, кажале важни и драгоцени работи. Богоносниот преподобен Јован, исто кажал непроценливи зборови за смирението што можеме да ги добиеме од неговата уникатна книга „Лествица“. Авва Исаак Сирин постојано го спомнува смирението во своите слова: „Смирението е облека на Божеството, на Синот и Словото Божјо, Кое кога стана човек, се облече во него и комуницираше со нас. И секој што ќе се облече во смирението навистина личи на Него, Кој слезе од Неговата височина и ги покри Сопствените слава и величие со смирение“.

Свети Василиј Велики вели: „Смиреномудрие е човек да ги смета сите луѓе над него“. Свети Никодим Светогорец вели: „Смиреното себепознание треба да се почитува повеќе од височината на сите науки и стои погоре од тоа да правиме чудеса“.

Дозволете ми да ви прочитам извадок од писмо од еден млад човек, што е показател за состојбата на умот на неспокојниот и немирен млад човек од нашата епоха, кој, сепак, бара избавување:

„По втор пат полагам приемни испити на универзитетот и не влегувам. Родителите се караат, браќата ме исмеваат, пријателите не ме тешат. Не можам да најдам мир никаде, гужвата ме вознемирува. Не можам да читам весник, списанијата ми се толку профани и брзо ја напуштам телевизијата. Размислувам да се вратам во селото, но ми е тешко. Моето детство, колку и да беше тешко, во секој случај беше убаво. Многу ми е тешко, лесно се изморувам, станувам нервозен, негодувам, досада, монотонија, осаменост ме обзема. Се сеќавам на Света Гора со солзи. Пред сè, на едноставноста, благодатта и смирението на монасите“.

Колку млади би го повториле со мала разлика овој, ако ништо друго, симпатичен глас?! За сите нив, Црквата има резервирани места. Чека, поканувајќи на нејзината пасхална трпеза, за да ги развесели сите. Да се смириме искрено пред Господа, што е нашиот прв чекор, и оттаму сè е лесно. Се разбира, Свети Дијадох, Епископ  Фотијски, го нарекува смирението „тешко достижна добродетел“, затоа што, можеби, неподготвеноста и склоноста кон лесен живот ни отежнуваат да започнеме една духовна борба која бара храброст за постојани битки со нашето горделиво „его“.

Погазувањето на Божјата волја од страна на првиот човек на Земјата е дело на несмирен дух, на непослушание кон Татковата заповед, на голема гордост. Тој посакал да стане Бог и го изгубил она што бил. Последиците од неговиот пад беа болни и трагични, како за себе, така и за човечкиот род. Првосоздадениот човек одеднаш се понизил себеси, станал туѓ на Божјото човекољубие, затоа што се предал на тиранијата на гордоста. Тука е почетокот на злото во светот, болеста што ѓаволот ја пренесе на човекот. Тој го направил човекот послушен непослушник, од смирен – дрзок, нагол, бесрамен. Затоа што, според Свети Јован Лествичник, гордоста е одрекување на Бога, причина за пад, источник на гнев, врата за лицемерието, доказ за неплодност, корен на богохулење. Факт е дека првосоздадените луѓе не го изгубиле Рајот затоа што згрешиле, туку затоа што се оправдувале себеси. А оправдувањето за извор ја има гордоста. Ако човекот се смиреше пред Бога, несомнено неговиот пат ќе беше поинаков.

Пред неочекуваната жестокост на Своето творение Преблагиот Бог се принудил да стане строг. Изгонувањето од Рајот, трудот, напорите, болката, тагата и смртта што влегуваат во животот на првите луѓе, не се наменети за одмазда и казна, туку за да омекне скаменетото срце и да се смири  пред Бога бунтовниот, востанатиот, грешниот човек. И додека ни се чини дека тешкотиите можат да ни наштетат, преку нив човекот, сепак, се поправа, извлекува духовна полза и повеќе се смирува, нешто што е најблаготворно, најкорисно за душата. Тука Божјата мудрост и љубезност стануваат очигледни. Треба да поминеме низ искушенија, за да си помогнеме. Сепак, постои и можност – и за жал ова не е невообичаено – да не ја исползуваме тагата и да станеме дури уште пожестоки. Тогаш, вели Авва Исаак, тагите ќе станат силни и многубројни, и од една тага ќе се предаваме на друга, сè додека не се смириме, не се спознаеме себеси, не ги почувствуваме своите грешки и не се исповедаме.

Вистина е, браќа мои, дека сè што ни се случува во животот не е случајно, не е далеку од погледот на Бога. Така, ако видите како некој ве навредува, обвинува, клевети, понижува или хули, не се гневете веднаш на него. Погледнете во вас и ќе видите како никнува копривата на гордоста. Бог ни ги испраќа хулителите, за да се погледнеме внимателно себеси и да го предвариме злото што никнува и се зголемува во нас. Така велат отците на Света Гора. Нивниот опит не може лесно да погреши.

Пламеното потчинување на човекот кон Божјата волја е содржината на смирението. Преуспевањето на душата, според Свети Василиј Велики, е преуспевање во смирението. Познанието на богочестието значи познание на смирението. Смирението е подражавање на Христос.

    Треба да имаме правилна проценка за себе. Односно, да имаме благоразумие, за да не стигнеме до безумие. Да ги знаеме нашите можности, мерка, слабости и беспомошност. Славољубивиот, прогонувачот на пофалби, оној кој ги сака ласкањата, рекламите, првите места и почестите, постојано страда и се мачи. Сака да биде центар на разговорите, да му бараат мислење, да го има првиот и последниот збор. Видливо е неговото ментално растројство, високоумието го заблудува, го тера да живее во нереален свет и понекогаш го изгонува надвор од себеси. Факт е дека гордоста е почеток на сите страшни душевни заболувања.

Тука мора да нагласиме дека смирението е постојана и трајна состојба на душата, која дури расте со текот на времето и се усовршува, се испитува и определува според околностите и таму се гледа нејзината чистота и вистина. Да не си мисли човек и никогаш да не се лаже, дека затоа што направил една смирена постапка или прави некои смирени дела или има смирени помисли, тогаш тој се здобил со смирение во своето срце.

Во светотаинствената благодат на Црквата, верникот е повикан да ја согледа благодатта, не просто како некаков украс и некаква сила, туку со цел да стигне до смирението што ќе го направи приемчив за Божјата благодат.

За Божественото смирение (втор дел)

 

https://bigorski.org.mk/slova/pouchni/za-bozhestvenoto-smirenie-prv-del/

 

 



Поуки од Светите Отци

dobrotoljubie

Духовност

Јуни 10, 2023
TVIT602

Проскомидија

·Што е Проскомидија? Еретиците немаат Проскомидија. Проскомидијата е уводниот дел на Литургијата, нејзин пролог. Таа е нашиот допир со Небесното Царство и Небесното жителство.
Септември 13, 2021

Јован Дебарски Архиепископ Охридски (30 август/12 септември)

Овој свет и богоносен отец наш Јован Дебранин, Архиепископ Охридски и прв ктитор на Бигорската Обител, засветлил како светлозарна ѕвезда на богопрославениот светителски небосклон на Црквата Христова, во првата половина на ΧΙ век. За неговото родословие,…

Беседа за Успение на Пресвета Богородица oд Викарниот Епископ Јаков Стобиски

Сеп 03, 2021 Беседи 3899
Default Image
Беседа за Успение на Пресвета Богородица изречена од Викарниот Епископ Јаков Стобиски во…

Свети свештеномаченик Харалампиј

Фев 23, 2020 Житија 4768
ih3387
Секој човек со своето раѓање добива лично име по кое го препознаваат во текот на целиот…

Живот во служба на Бога и на луѓето

Јан 29, 2020 Беседи 4538
3.angeli.so.truba
Неговите слова зрачат со силна нагласеност на светиклиментовиот образец и претставуваат…

Почитување на Пресветата Мајка Божја

Дек 09, 2019 Полезно и Потребно 3954
7.Vselenski.sobor
Таа е заштитничка и покров на христијанскиот род. Како Мајка на Синот Божји, таа има…

Најново од духовност

Православен календар

 

29/09/2023 - петок

Светата великомаченичка Ефимија; Преподобен Доротеј; Свети Кипријан, митрополит Киевски; Светата маченичка Људмила;

Правила и одредби на Православната Црква за постот
Православен календар за овој месец - МПЦ

Кожувчанка

Молитви кон Пресвета Богородица за секој ден во седмицата

 Радувај се, Ти Која од ангелот ја прими радоста на добрата вест дека Бог Слово ќе прими тело од Тебе! Радувај се оти го носеше Создателот во Твојата утроба! Радувај се Ти Која го роди Бога во тело, Спасителот на светот! Повеќе...

Тропар

Тропар на св.Христови мч-чки Вера Надеж и Љубов и нивната мајка Софија 17 септември / 30 септември 2023

Тропар на св.Христови мч-чки Вера Надеж и Љубов и нивната мајка Софија 17 септември / 30 септември 2023

Блажени сте вие о маченици Христови, Вера, Надеж, и Љубов,ќерќи на Софија која е напоена од Мудроста,ве приведе не само...

Тропар на воздвижение на Чесниот Крст 14 септември / 27 септември 2023

Тропар на воздвижение на Чесниот Крст 14 септември / 27 септември 2023

Спаси ги, Господи, луѓето Твоии благослови го Твоето наследство,победа на Православниот благоверен народ нашнад непријателите давајќи му,и со Крстот Твој...

Тропар на Рождество на Пресвета Богородица 8 септември / 21 септември 2023

Тропар на Рождество на Пресвета Богородица 8 септември / 21 септември 2023

Раѓањето твое, Богородице Дево,радост ѝ јави на целата вселена,зашто од тебе засветли Сонцето на правдата

Духовната убавина на Богородица се пројавува и во моментот на Распнувањето на Нејзиниот Син

Тебе, Богородице поборнице – војвотко, ние слугите Твои, откако се избавивме од зло, Ти пееме победни и благодарствени песни. Ти имаш сила непобедна, од секакви опасности ослободи не за да Ти пееме : Радуј се, Невесто Неневесна! Повеќе...

Болестите според светоотечкото учење

Значи, не се надевај на лекарска вештина без благодат и не ја отфрлај своеволно, туку моли Го Бога да ја спознаеш причината за казната, а потоа моли за избавување од немоќта, трпејќи сечење, горење, горчливи лекови и сите лекарски казни Повеќе...

Свети Лука Симтерополски: Архиепископ и хирург

Едноставно е да се претпостави дека професорот – епископ, соединувајќи го во своите раце крстот и скалпелот, ги порази современиците токму со тоа необично соединување на двете разновидни сфери на активност.  Повеќе...

Духовни поуки: „Помоли се за мене“

Со Бога зборувај многу, а со луѓето малку; ако во Божјиот закон се подучуваш - ќе успееш и во едното и во другото. Повеќе...

Живот без стрес

Ако разбереме што се крие зад стресот, ако ја видиме лагата, која што се крие зад него, на крајот ќе увидиме дека не постои причина за да бидеме во стрес.. Повеќе...

Митрополит Струмички Наум - Да пораснеме барем до Стариот Завет

И не само што немаат туку се и очигледна пречка за влез во Царството Небесно, и пречка да се сфати и пренесе неговата идеја и порака. Повеќе...

Епископ Тихон Шевкунов: „НЕСВЕТИ, А СВЕТИ“

Несвети, а свети. Луѓе, кои навидум живееле во нашето секојдневие, се соочувале со проблемите со кои ние се судираме, боледувале од болести од кои ние боледуваме, често осудувани од околината, а сепак, не биле секојдневни. Луѓе, кои не се на иконите, но го предавале животот од иконите во сите нивни дела, зборови, мисли. Луѓе, за кои тишината прозборила дека се свети.  Повеќе...

ГОЛЕМАТА ТАЈНА НА ДИВЕЕВО - Кој ќе доживее, ќе види

Како дополнување на оваа тајна, еве што слушнав од устата на 84-годишната игуманија на манастирот Дивеево, Марија. Бев кај неа во почетокот на 1903 година веднаш по канонизирањето на преподобниот Серафим и заминувањето на царското семејство од Дивеево. Повеќе...

Арх. Калиник Мавролеон: Монологот БОЖЈИ

 

Те гледав кога се разбуди угрово. Чекав да ми кажеш два-три збора, да се заблагодариш за се што ти се случува, да побараш мое мислење за се што треба да правиш денес. Повеќе...

За Моето име

Поуки на грузискиот Старец Гаврил Ургебадзе за последните времиња

 

„Ѓаволот има 666 мрежи. Во времето на антихристот луѓето ќе очекуваат спасение од космосот. Тоа ќе биде и најголемата замка на ѓаволот: човештвот ќе бара помош од вонземјаните, не знаејќи дека тоа се, всушност. – демони.“ Повеќе...

Взбранной Воеводе победительная