логоFacebook  Twitter  YouTube  eMail

3.to.Naoganje.glava.sv.Jovan.Krstitel

ЛУЃЕТО СЕКОГАШ ЌЕ ЗБОРУВААТ

Остави ги луѓето да зборуваат  - тие секогаш ќе зборуваат и коментираат. Не живееме за да  стекнеме  добро име. Христос беше распнат како разбојник. Од Безгрешниот се возмутуваа, па зарем нема да бидат возмутени и од нас? Тие говореа против Христа и Пресвета Богородица, па зарем нема да говорат против тебе?


Прашањето не е што мисли светот за тебе. Ти гледај да бидеш ‘’вистинит’’ во животот, да имаш чиста совест дека не си погрешил, не си повредил, не си осудил, не си мразел, не си изневерувал, не си клеветел, не си се одмаздувал , не си понижувал, не си се исмевал, не си злоупотребувал (а ако си го направил сето ова, си плачел и си се покајал ); си понудил поткрепа, си излегол од својата удобност заради другиот, слушаше, прегрна, прости, услужи, жртвуваше, љубеше.
Светот нека зборува. Ти сакај ги луѓето дури и ако тие (т.е. светот) сакаат да зборуваат за тебе. Луѓето секогаш судат строго, не затоа што се праведни, а ти си грешен,но затоа што светот секогаш бара жртва, секогаш бара луѓе за да ги обвини за да го задоволи својот беден егоцентризам. И тоа е веројатно најголемата болест, најголемиот духовен рак во целиот свет.


Оној што се занимава со животите на другите покажува дека нема сила, храброст и мажевност да се справи со своите грешки, рани и темнини. Затоа тој постојано бара нови жртви за да ги коментира и осуди,мамејќи го на тој начин сопственото ‘’кукавичкото јас’’, дека наводно е подобар од другите, дека е „посвет“ од нив, повеќе морален и подостоен. Затоа  и се меша во животот на другите, бидејќи неговиот живот е исполнет со здодевност и беда, со комплекси и несигурност.
Но,ти не паѓај на оваа стапица. Не подражавај нешто толку деструктивно. Погледни на својот живот со искреност и интегритет.Види кој си без да се обидуваш да се скриеш зад туѓите грешки, зад животот на познатите и непознатите.
Не паѓај во замката да го губиш времето анализирајќи ги животите на другите луѓе.Ти си одговорен за соствениот живот, ќе бидеш среќен, ако го поправиш сопствениот живот, ќе имаш мир ако прифатиш кој си за другите,и кои се другите за тебе.
Луѓето секогаш со леснотија ќе зборуваат но ти со леснотија молчи, проштевај и љуби. Не зборувај но живеј. Живеј го овој Божји дар, живеј го со дух на благодарност, полн со љубов кон животот. Ништо помалку од тоа.


Оние што коментираат толку лесно со злоба и страст се претежно луѓе кои се декларирале како судии на Универзумот, наоѓајќи смисла не во животот, туку во смртта, наоѓајќи радост не во љубовта, туку во зависта.
Ако знаеш кој си, тогаш никакви зборови не можат да влијаат врз тебе. Што и да каже другиот, нема да влезе во твоето срце; затоа што знаеш кој си,си ја видел најпрво својата темнина, но и светлината што ја имаш во себе. Не се плашиш од сопственото јас, си го запознал. Затоа е важно да научиш кој си и да го прифатиш она кое што си. Ова е претпазливост. Да ги знаеш своите  добри и лоши страни. Тогаш, човечките зборови нема да влијаат врз тебе.

Ако познаваш личност која е опседната со животите на другите и е склона кон љубопитност, осуда, клевета и гнев, која лесно озборува и ги понижува животите на луѓето, одалечи се  подалеку од него и моли се за него бидејќи тој е лукав, а не Божји човек.


arh.Pavel.Papadopulos
архим. Павел Пападопулос

 

3.to.Naoganje.glava.sv.Jovan.Krstitel
За Преминпортал Симеон Стефковски


Богоносци.бгѕ

 

 

 

 

 



Поуки од Светите Отци

dobrotoljubie

Духовност

Септември 03, 2021
Default Image

Беседа за Успение на Пресвета Богородица oд Викарниот Епископ Јаков Стобиски

Беседа за Успение на Пресвета Богородица изречена од Викарниот Епископ Јаков Стобиски во манастирот Успение на Пресвета Богородица - Берово
Февруари 23, 2020
ih3387

Свети свештеномаченик Харалампиј

Секој човек со своето раѓање добива лично име по кое го препознаваат во текот на целиот живот. Името е наша сопствена карактеристика, но малкумина го знаат вистинското потекло на своето име и неговото вистинско значење. Секое православно име има своја суштина…

Живот во служба на Бога и на луѓето

Јан 29, 2020 Беседи 3196
3.angeli.so.truba
Неговите слова зрачат со силна нагласеност на светиклиментовиот образец и претставуваат…

Почитување на Пресветата Мајка Божја

Дек 09, 2019 Полезно и Потребно 3033
7.Vselenski.sobor
Таа е заштитничка и покров на христијанскиот род. Како Мајка на Синот Божји, таа има…

Свети Антониј Велики: Кој е ѓаволот и кога напаѓа...?

А кога ќе се всели Божјиот Дух, Он ги успокојува, им дава да го вкусуваат спокојот во…