логоFacebookTwitterYouTubeeMail

 

За љубовта, пак, можеме да кажеме дека е најмоќната сила на човечката душа, затоа човекот треба исто толку да внимава да ја активира на правилен, бестрасен и свет начин. Ако душевната сила на љубовта се активира на страстен начин, тогаш постои опасност човекот да ги претвори во идол различните нешта што ги сака: идеологии, философии итн., и потполно да им се предаде, бидејќи карактеристика на љубовта е да се предадеш на тоа што го сакаш. Тогаш објектот на твојата љубов се претвора во идол. Тоа може да биде твојата сопруга, децата, твојата идеологија, учење, твојот ум, положбата, науката, мудроста, богатството, младоста – сето тоа станува идол, зашто сами по себе тие нешта се поврзани. Ако човек се обраќа кон другиот со острастена љубов, тогаш со сигурност ќе се појават проблеми во нивните односи. Причината е што тој уште не се очистил од страстите и веднаш штом во него се јавува љубовта кон некого, како последица се појавува и ова плотско привлекување. Ако умот не преземе контрола, тогаш човекот со сигурност ќе падне во гревови, страсти и искушенија и ќе мора да се бори за да се откине од тие нешта и повторно да стане слободен – без оковите и бестрастен пред различните објекти или субјекти кон кои ја насочува својата љубов.

Љубовта е голема, но и многу опасна сила. Таа може да те издигне до Божјиот трон, но може и да те урне, ако не внимаваш. Затоа Отците велат дека љубовта е најголема добродетел, но само доколку е проследена со добродетелта на расудливоста, која ја раководи и ја насочува љубовта на правилен начин. Недостатокот на расудливост може да го доведе човекот до големи проблеми и ризици, кои на почетокот не изгледале опасни, оти се започнало со добра намера, но потоа работите се влошуваат. Ќе ви дадам пример за тоа.

Воден од љубов, некој оди да му помогне на друг човек кој има некаков проблем – личен, професионален, семеен, каков и да било. Сепак, нема расудливост, прво, за да разбере дека не е бестрастен и постои ризик да изгуби контрола над љубовта и да се заплетка. И второ, нема расудливост да разбере дека и другиот човек не е бестрастен. Ти можеш да речеш: „Ништо нема тука! Не чувствувам ништо!“ Да, ти не чувствуваш ништо, но другиот? Знаеш ли што чувствува тој? Можеш ли да ги разбереш силите, издржливоста и движењата на другиот? Е бидејќи си нерасудливо мотивиран од љубов, одиш да го поткрепиш, да му помогнеш, да станеш добар слушател на неговата болка и искушенија и да го понесеш неговиот крст. Но, потоа работите се заплеткуваат и се развива друг вид на љубов.

Пример за таква нерасудлива љубов често пати е љубовта на родителите кон нивните деца, зашто неретко родителите ги расипуваат децата од љубов. Нивната преголема љубов прави да не пројават расудливост и како последица на тоа не ги воспитуваат правилно и не поставуваат граници пред нив. Да му поставиш граница на едно дете е болно и за детето и за родителот. Обично на детето не му се допаѓаат границите – мало е, сака да си игра, да трча надвор, не сака да чита, не сака да прави едно, да прави друго, не сака да се лиши од ништо, плаче и протестира. Границите се болна работа за едно дете. Додека е мало, неговиот ум не може да сфати многу работи. Но, поставувањето на граници е болно и за родителот, бидејќи за него не е лесно да гледа како детето плаче и водени од љубов, родителите ги тргаат границите: „Добро, ајде не плачи, ќе ти го купам тоа! Не плачи, ќе го направам тоа!“ И каков е резултатот? Детето разбира дека веднаш штом ќе заплаче малку, мама отстапува и прави како што сакам! Детето ќе посака нешто, мајка му ќе постави некаква граница, но тоа ќе заплаче и границите се уриваат. Да, тоа е љубов, навистина љубовта сите нас нѐ тера многу пати да кажеме: „Како што сакаш ти!“ Умираш за да живее другиот. Стануваш чергиче за да те газат, и сакаш да го правиш тоа што му е пријатно на другиот: „Што сакаш? Кажи ми и ќе го направам. Сѐ што сакаш ќе ти дадам!“

(Продолжува…)

Извор: Бигорски манастир

 

 



Видео содржини

Поуки од Светите Отци

dobrotoljubie

Духовност

Февруари 23, 2020
ih3387

Свети свештеномаченик Харалампиј

Секој човек со своето раѓање добива лично име по кое го препознаваат во текот на целиот живот. Името е наша сопствена карактеристика, но малкумина го знаат вистинското потекло на своето име и неговото вистинско значење. Секое православно име има своја суштина…
Јануари 29, 2020
3.angeli.so.truba

Живот во служба на Бога и на луѓето

Неговите слова зрачат со силна нагласеност на светиклиментовиот образец и претставуваат целосно легитимирање на македонското црковно и духовно наследство. Дедо Стефан е ревносен борец за македонскиот јазик што неизмерно го сака и постојано го збогатува. Еве…

Почитување на Пресветата Мајка Божја

Дек 09, 2019 Полезно и Потребно 1117
7.Vselenski.sobor
Таа е заштитничка и покров на христијанскиот род. Како Мајка на Синот Божји, таа има…

Митрополит Струмички Наум: ВОВЕДЕНСКИ РАЗМИСЛУВАЊА

Дек 05, 2019 Беседи 1055
7.Vselenski.sobor
Премногу размислуваме во категоријата Бог – човек, наместо во категоријата личносни…

Свети Антониј Велики: Кој е ѓаволот и кога напаѓа...?

А кога ќе се всели Божјиот Дух, Он ги успокојува, им дава да го вкусуваат спокојот во…