логоFacebookTwitterYouTubeeMail

 

Почитувани читатели,

Започнуваме со објавување на една серија раскази со православна тематика, oд збирката „Емигрант“ (2014), дело на познатиот бугарски автор Мартин Ралчевски, а преведени на македонски јазик од филологот Ирена Кепеска.

Мартин Ралчевски е роден во Софија во 1974 г. Дипломирал на Софискиот универзитет „Свети Климент Охридски“, со специјалности Богословие и Географија. Оженет е и има две деца. Од 2009 г. живее во Екситер, Англија. Автор е на шест романи („Бескрајна ноќ“, „Шумски дух“, „Полубожица“, „30 фунти“, „Измама“ и „Антихрист“), на збирката раскази „Емигрант“, како и на многу статии и есеи објавувани во различни весници, списанија и сајтови. Наскоро ќе биде издадена најновата негова збирка раскази „Душа“.



Еден прекрасен знак пред крајот

Решив да ја споделам оваа кратка вистинска приказна, зашто во денешно време вакви случки се реткост. Но и не само заради тоа. Ами затоа што ако човек умее да чита и меѓу редови, како што се вели, ќе најде тука огромна надеж. А денес секој има потреба од надеж.

Мајка ми деновиве седела на една клупа во централната софиска градина и си читала нешто. Времето било меко за сезоната и таа, трчајќи по обврските, решила да скршне од патот и да здивне малку.

До неа „случајно“ седнала нејзина позната, која незнајно од каде се појавила во тој момент во истата градина. Мајка ми ја поздравила и продолжила да си чита. Таа е таква – ако чита нешто, секогаш потонува во напишаното. Жената, која била возрасна, но помлада од мајка ми, што значи дека може имала околу 60 години или малку повеќе, наеднаш ја прекинала.

-Марија, извини, сакам да споделам нешто со тебе.

Мајка ми љубопитно ја погледнала.

-Знаеш… – изустила притеснето жената. -Јас… јас… чувствувам таква љубов во душата, што… ги сакам сите луѓе. На никого не се лутам. Никого за ништо не обвинувам. И… на сите им простувам.

Овие зборови ја зачудиле мајка ми. Таа ја оставила книгата настрана и ја погледнала в очи.

-Па… тоа е прекрасно – одговорила бавно. – Се радувам за тебе.

Истиот ден вечерта мајка ми се изненадила кога разбрала дека таа жена, само еден час откако се разделила со неа, добила удар, паднала на тротоарот и починала.

Утредента мајка ми му го кажала она што се случило на свештеникот во црквата во која се црквува.

-Слава на Бога. Таа е кај Христа – одговорил отецот и се прекрстил, – ѝ било откриено дека наскоро ќе почине и таа се простила со светот. Треба да се радуваме за неа.

Каков пример на љубов е ова, си мислам. На Божјата љубов кон оваа жена, но и нејзина љубов кон сите луѓе.

Во еден миг времето завршува за сите. И… настапува судот. Дај Боже да сме смирени и да знаеме дека таму, на оној страшен праг, треба да имаме љубов во срцата. Љубов, љубов и пак љубов. За да нè помилува Христос. Инаку, може да настапи бескраен мрак. Навистина бескраен мрак. Да нè дочува Бог.

 

Извор: Бигорски манастир

12.02.2018 год.

 

 



Видео содржини

Поуки од Светите Отци

dobrotoljubie

Духовност

Ноември 10, 2020

Се упокои во Господ Митрополитот Црногорско-приморски Амфилохиј (30.10.2020)

Митрополитот Амфилохиј е роден на Божик, 7 јануари 1938 година, во Бари Радовиќ, во Долна Морача. Завршил Богословија во Белград, а на Богословскиот факултет на СПЦ, во Белград, дипломирал во 1962 година. Покрај теолошките науки, студирал и класична…
Февруари 23, 2020
ih3387

Свети свештеномаченик Харалампиј

Секој човек со своето раѓање добива лично име по кое го препознаваат во текот на целиот живот. Името е наша сопствена карактеристика, но малкумина го знаат вистинското потекло на своето име и неговото вистинско значење. Секое православно име има своја суштина…

Живот во служба на Бога и на луѓето

Јан 29, 2020 Беседи 1262
3.angeli.so.truba
Неговите слова зрачат со силна нагласеност на светиклиментовиот образец и претставуваат…

Почитување на Пресветата Мајка Божја

Дек 09, 2019 Полезно и Потребно 1461
7.Vselenski.sobor
Таа е заштитничка и покров на христијанскиот род. Како Мајка на Синот Божји, таа има…

Митрополит Струмички Наум: ВОВЕДЕНСКИ РАЗМИСЛУВАЊА

Дек 05, 2019 Беседи 1329
7.Vselenski.sobor
Премногу размислуваме во категоријата Бог – човек, наместо во категоријата личносни…