логоFacebookTwitterYouTubeeMail

 2.svetiteli

Викарен Епископ Јаков Стобиски

2.svetiteli


Божик е празник на богочовечка радост. Предвечниот Бог, од преголема љубов кон човекот станува еден од нас и ја преминува непреодната бездна помеѓу созданието и Создателот. Бог станува човек, и му дава на човекот можност да стане бог. На Божик, одново и одново, ни се открива Христос, Кој на земјата донесе мир и меѓу луѓето блага волја. Во ближниот свој сега можеме да Го видиме Бог, и Бог станува наш брат и пријател.

Дојдете сите вие што велите дека сте Христови, а сакате да владеете над луѓето, и видете Го Христос, Кој доаѓа смирено како слуга, бидејќи не дојде да господари над нас, туку да послужи за нашето спасение. Дојдете сите, кои дрско ја наметнувате својата „вистина“ и ја повредувате слободата на ближниот, и видете го раѓањето на апсолутната Вистина, безгласно, безболно и нечујно во темна пештера. Ве преколнувам дојдете, браќа и сестри, излезете од вашите топли домови и богати семејни вечери, налик на витлеемските – таму не е Богомладенецот Христос, и тоа не е христијанство. Тој седи гладен и премрзнат со оние што собираат картон и пластичен отпад за да се стоплат.

Во Него ни е дадено целиот свет да го чувствуваме како свое семејство. Тоа е Црквата, и тоа е христијанство. Дојдете да ја видите оваа чудесна прегратка Божја, која го прегрнува сето човештво во лицето на тројцата мудреци, и навестува уште поголема и жртвена прегратка, раширена и прикована на Крст, која од смрт избавува.

Можеме да се наречеме христијани, само ако останеме Христови. Не е Христос околу огновите, далеку од Црквата, покрај ракија и мрсни јадења. Христос е во Црквата, и Црквата е во Него.

7.Otroci

Не смееме и не можеме да празнуваме Рождество Христово – без Христос.

Оваа необична и преславна тајна на Раѓањето Христово, како што вели свети Јован Дамаскин, нѐ воведува во уште подлабока и надумна тајна, која се остварува на личен и љубовен план помеѓу Бог и човекот, а тоа е кога човековото срце станува сместувалиште на Несместливиот, налик на утробата на Богородица и налик на витлеемската пештера.

Бог, по Својата милост и по молитвите на Богородица, да ни подари таков Божик на сите нас.

Христос се роди!

 2.svetiteli

 6/7 јануари 2020 лето Господово

Избор од фб профил на

Константин Вучковски

 

 

 



Видео содржини

Поуки од Светите Отци

dobrotoljubie

Духовност

Септември 03, 2021
Default Image

Беседа за Успение на Пресвета Богородица oд Викарниот Епископ Јаков Стобиски

Беседа за Успение на Пресвета Богородица изречена од Викарниот Епископ Јаков Стобиски во манастирот Успение на Пресвета Богородица - Берово
Февруари 23, 2020
ih3387

Свети свештеномаченик Харалампиј

Секој човек со своето раѓање добива лично име по кое го препознаваат во текот на целиот живот. Името е наша сопствена карактеристика, но малкумина го знаат вистинското потекло на своето име и неговото вистинско значење. Секое православно име има своја суштина…

Живот во служба на Бога и на луѓето

Јан 29, 2020 Беседи 2627
3.angeli.so.truba
Неговите слова зрачат со силна нагласеност на светиклиментовиот образец и претставуваат…

Почитување на Пресветата Мајка Божја

Дек 09, 2019 Полезно и Потребно 2427
7.Vselenski.sobor
Таа е заштитничка и покров на христијанскиот род. Како Мајка на Синот Божји, таа има…

Свети Антониј Велики: Кој е ѓаволот и кога напаѓа...?

А кога ќе се всели Божјиот Дух, Он ги успокојува, им дава да го вкусуваат спокојот во…