·
           Ангелска молитва, од само осум збора, која што спасува во секоја опасност!

           Една од главните молитви на верниците, која заштитува во сите сложени ситуации е ангелската песна или Трисвето: “Святый Боже, Святый Крепкий, Святый Бессмертный, помилуй нас” (“Свети Боже, Свети Крепки, Свети Бесмртни, помилуј нè”).
Во оваа молитва нема конкретни молби, но има едновремено обраќање кон трите Лица на Света Троица како кон едно – необјасниво, прекрасно и величествено. И тоа е таа чудесна особеност на дадената молитва.
“Свети Боже” – тоа е израз на нашето поклонување на Творецот како на еден Бог, ние вака се обраќаме кон првото Лице на Света Троица – на Бог Отецот; “Свети Крепки” – најсилниот, најмоќниот – го нарекуваме Бог Син, Кој ја победил смртта; “Свети Бесмртни” – кој никогаш не умира, вечен – го величаме Бог Духот Свети, кој вдахнува живот во секое живо суштество, нашиот бесконечен вдахновител.
              Молитвата се чита трипати во чест на трите Лица на Света Троица.
Оваа молитва ја нарекуваат Ангелска песна бидејќи неа на Небото при престолот Божји ја пеат Ангелите.
Христијаните дознале за оваа молитва и почнале да ја користат по 400 години по Раѓањето Христово. Во Цариград се случил силен земјотрес, се рушеле домови, цели градови, и села. Народот, кој се уплашил од ваквата пропаст, заедно со царот Теодосиј со солзи го молел Бога за помош, да престане оваа несреќа.
               За време на заедничката молитва, одеднаш, пред очите на сите, невидлива сила, подигнала едно момче и го однела на Небото, а потоа неповредено го спуштила на земјата.
Откако се вратило момчето после таквото чудесно патување раскажало дека, слушнало. како Ангелите на Небото пееле: “Святый Боже, Святый Крепкий, Святый Бессмертный”.
             Луѓето, кои сето ова го виделе и слушнале, почнале со трепет да ги повторуваат зборовите на молитвата, додавајќи: “Помилуй нас”. И земјотресот во тој час престанал.
Да се надеваме на безграничната милост Божја, постојано славејќи ја Пресветата Троица – нашиот единствен Бог, кој ни подари живот.
Овде на земјата, смело да им се придружиме на Ангелите во пеењето, прославувајќи го Создателот на земниот и небесниот хор. На светот нема попрекрасни зборови од овие ангелски воскликнувања: "Святый Боже, Святый Крепкий, Святый Бессмертный, помилуй нас”.

Митрополит Антониј (Паканич).

 Животот е борба
Snezana Todorova ·

• 10 цитати на митрополит Антониј (Паканич) за Бог, верата, Црквата и слободата