Во Руската Катедрална Црква Покров на Пресвета Богородица во Дес Плеинс, Илиноис, верниците се почестени со ретка прилика во текот на неколку недели на Великиот Пост (од 14 Март до 8 Април) да бидат поткрепени преку благодатта од присуството на Курско Корената икона на Божјата Мајка. Иконата е присутна скоро на сите Богослужби (кои во овој храм се доста чести, посебно во Великопосниот период), освен кога не заминува во посета и на други Цркви од околните градови.
Така и во Саботата, на Бдението отслужено во чест на Неделниот ден – Крстопоклоната Недела , како и Празникот на Светите 40 Маченици, присуството на Богомајката зрачеше преку нејзината чудотворна икона, на која и се поклонуваа и ја молеа за помош огромен број на верници од разни националности, меѓу кои се вбројуваа и наши Македонци.
Инаку, пред две години кога оваа прекрасна чудотворна икона престојуваше на неколку недели во истиот овој Руски Катердален Храм, многу верници беа удостоени и со Нејзината посета во нивните домови. Храмовите Свештеници неуморно одеа во многу христијански домови, водејќи ја со себе Небесната Царица, служејќи пред Неа Молебен за здравје на посетените и носејќи благодат и радост во секој посетен дом. Со неизмерна благодарност кон Бога и Божјата Мајка, како и кон нашата сестринска Руска Црква, сакам да ја споделам радоста што ја почувствувавме и во нашиот дом кога и ние бевме удостоени со една таква посета – кога и нас не посети Курско Коренската икона – истата онаа пред која се молел Светиот Јован Шангајски, онаа која на чудесен начин исцелила мнозина, меѓу кои и Светиот Серафим Саровски! Пресвета Владичице Богородице, спаси не грешните!
Слава Му на Бога за се!
Известува: С.Л. (МПЦ Св. Петка – Чикаго).
Светите маченици Акиндин, Пигасиј, Анемподист, Автониј, Елпидифор и другите со нив; Преподобен Маркијан Кирски; Светиот свештеномаченик Викторин, епископ Патавски;
