логоFacebookTwitterYouTubeeMail



Здодевност прва

Во минатиот понеделник (или во вторникот) објавија дека во недела ќе се намалат температурите за 5-6 степени. Ќе дувнел ветер од север... Во саботата во 19.30 седнав на тераса, чекајќи го настанот. Почна да дува во 20.00. Што ти е метеорологија!
Станува здодевно... Не може ни ветре да те изненади. Однапред знаеш кога ќе дувне, кога ќе паднат првите капки дожд... А порано! Одиш на кино, времето тивко, ведро... Излегуваш од кино-салата по час и половина, а надвор – истура дожд. Стоиш под стреа додека не преврне, изненаден, а сепак – да видиш чудо – не ти е здодевно.

Здодевност втора

Поминаа Петровите пости. Посен кашкавал, посна паштета, посна урда... Има ли нешто мрсно во маркетите, човек со мерак да падне во искушение? Вака, сè можеш да јадеш и ништо (мрсно) не може да те изненади... Не е интересно. Не е искушенички. Постот станува здодевно посен.
Златни времиња кога за време на постот јадевме леб и мармалад....

Здодевност трета

Како студент, купував дневно по 4-5 цигари. Кибрит не купував. (Тогаш немаше запалки на плин, само на бензин.) Стојам на улица и чекам да помине некој со цигара во уста. „Ве молам, да запалам...“ Човекот ја вади цигарата од устата, јас припалувам, и се разделувам од ближниот исполнет со зачадена благодарност...
Годинава во Македонија донесоа од Благодатниот оган. Се рашири меѓу верниците со брзина на светлина. Сега малку-малку, па одам по комшии и пријатели. „Да не ви гори уште благодатниот оган? Ми изгасна кандилото.“ Каква негрижа! А, да не е од здодевност? Ни здодеал Благодатниот оган – не сме навикнале да внимаваме на светиња подолго од 24 часа...

Здодевност X-та (ова Х е икс, а не римско 10)

Слушам вести. Синот си го убил татка си (или беше обратно?) со секира. По некоја недела, слична вест... Станува тривијално. Барем да кажат дали отепаниот е отепан со тапата или со острата страна од секирата!
Па вести за некои педофилии, родосквернавења, инцести... А портпаролот на МВР рутински стручно објаснува кој-како-каде-зошто. Сум забележал дека двапати досега на такви вести сум се проѕевнал. Да не е од здодевност? Недај Боже...Па, за живот и смрт се известува!? Или, пак, животот и смртта веќе станале здодевни?

Здодевност С (ова С е Ц на латиница, само што не е Ц, туку е 100)

Веќе е здодевно да се зборува за светската рецесија. Затоа нема да ви здодевам со причините и со последиците на рецесијата. Само ќе напоменам две работи.
Како прво, зошто сме толку изненадени што доаѓа до рецесија во овој паднат свет? Треба да сме изненадени кога ни оди  добро!
Како второ, би сакал да истакнам еден проблем којшто е поврзан со рецесијата. Американската влада одобрила cca 1000 милијарди долари за излез од рецесијата. Без притоа да спомене како ќе се избројат тие силни пари. Ако се во апоени од 1000 долари, ќе треба да се избројат милијарда новчаници! Знам дека има автомати за броење, ама, сепак, нема ли да стане здодевно да изброиш една милијарда новчаници...
Добро е што нашата влада вели дека не сме во рецесија. Замислете – недај Боже – да сме во рецесија и владата да мора да одобри некоја милијарда долари за излез од кризата? Мислам дека во Народна банка имаме долари во апоени по 50, максимум по 100 долари. Тоа се десетина-дваесет милиони новчаници! Какви сме, ќе ни здодее броењето по првата десетилјадита новчаница....
Ништо интересно нема во рецесијата. Чист дестилат на здодевност.

Svetii..jpg

Здодевност n-та

За градиме-не градиме црква на плоштадот во Скопје, е веќе банално да се зборува. Никој веќе не го интересира самата црква, туку нејзината конкурентка – џамијата... (заборавив како ја викаа). А, згора на тоа, колку повеќе цркви имаме, толку е поголема опасноста да ни се обрати некој од ангелите на црквите и да нè искара. Затоа, да си седиме мадро, доста ни се и овие 5-6 цркви во градов...

Ја препрочитав внимателно Апокалипсата. Нешто не стекнав впечаток дека на луѓето во предапокалиптичното време им е здодевно. Добро е. Тоа е знак дека сме далеку од Апокалипсата. (Испаѓа – поарно во рецесија, одошто во апокалиптика.)

Не ме загрижува што ми е здодевно во овој паднат свет. Но, што ако ми здодее во Небесниот свет (седно дали во адот или во неговиот антипод)? Замислувам како му се обраќам на дежурниот во адот: „Може ли да земам слободен викенд. Ќе одам ден-два во Рајот“. А тој вели: „Што е, веќе ти здодеа?“

Просто човек да се запраша: Што е полошо – да располагаш со слободна волја, или со можноста да ти стане здодевно?

 

Автор: д-р Драган Михајловиќ

 

Посети: {moshits}



Видео содржини

Поуки од Светите Отци

dobrotoljubie

Наука и Култура

Јуни 10, 2021
38.machenici1

До 2050 година во океаните ќе има повеќе пластика отколку риби

Луѓето годишно користат повеќе од 1 милијарда пластични кеси, фрлаат 13 милиони тони пластика во океаните, трошат 17 милиони барели за изработка на пластика (еден барел има околу 159 литри) и убиваат повеќе од 100.000 животни со користење на…
Мај 17, 2021
38.machenici1

Елвира, наставничката која се покажа како штит...

Игнатијева на својот профил на Инстаграм обично објавуваше мотивациони пораки врз свои лични фотографии уживајќи во прошетки и ноќни излегувања. „Не е толку тешко да си го направиш животот среќен“, напиша таа на 1-ви февруари. Треба само да престанеш да…

Збирка раскази „Фауст го трча плебејскиот круг“ (Faustus Runs the Plebeian Circle)-Стефан Марковски

Апр 07, 2021 Литература 264
Aleksandar.N.sv.Haralampij
Збирката раскази по промотивна цена е дистрибуирана и на повеќе книжевни платформи, како…

Книгата може да им помогне на децата да си го изградат идентитетот

Апр 04, 2021 Литература 347
Aleksandar.N.sv.Haralampij
Секоја генерација на деца има свои проблеми и затоа треба авторите да ги следат денешните…

Соопштени европските награди за драмски превод за 2021 година, меѓу нив три на македонски јазик

Мар 22, 2021 Литература 309
Aleksandar.N.sv.Martinijan6
Исто така, меѓу најдобрите од два други јазични комитета се најдоа и преводите на две…