логоFacebookTwitterYouTubeeMail


ГОНДВАНА
(или, можеби, ГОЛГОТА?)

Ruina.jpg

Во геоните што изминале – и во овој што е во ек – големите континентални плочи, управувани од природните сили, постојано се движеле и се движат, судирајќи се притоа на допирните рабови: освен по некој вулкан или земјотрес, судирите меѓу континенталните плочи изминувале – и изминуваат – без други видливи манифестации... или ги има, само што не се интересни за новинарите.
Во историоните што изминале, или во овој што трае, империите, царствата, државите и државичките, распослани по големите континенти, постојано се движеле и се движат: де се ширеле, де се собирале, судирајќи се на меѓусебните граници. Тука, пак, за новинарите сè е интересно: од кутнат меѓуграничен камен, до крвавите воени разрешници. Сè се снима, запишува, дигитализира, преведува во електронска или во некоја друга форма. Потоа новинарите ни го сервираат, и нам сè ни станува јасно.
Во антропоеоните што изминале, или во овој што трае, имало и има судири на светогледи, верогледи, моралогледи и други видови видогледи. Се судирале и се судираат гледишта што имаат нешто заедничко – заедничка површина, гранична линија или, барем, допирна точка. Резултатите од тие судири биле или се различни: сменета диоптрија, сменет радиус на видокругот... Новинарите со душа чекаат да ги отворат своите бленди на ваквите судири, макар што најчесто сопственото гледиште им е сосема дефокусирано.

Свеж пример.

Деновиве, на плоштадот „Тијен Мен“ во Скопје, се судрија две концепции. Граничната линија на судирот беше: „Е, ќе има црква“ и „Е на... што ќе има црква“. Или: „Може црква, ама погоре (или подолу)!“ и „Е, или тука, или никаде понатаму“. Така, барем, разбравме од катарактичните новинари. А за самите концепции, ништо не разбравме. Новинарите или не сакаат, или не знаат да ни ги пренесат.      
Судиров од плоштадот е комичен. Трагикомичен. Всушност, се работи за гротеска.

Црквата како земна градба е Храм Божји, во кој пребива Бог. И само Тој, и никој друг, ги има градежните дозволи за земните храмови. И само Тој може да ја избере локацијата на која ќе пребива, и да ја залепи маркицата на Својот Урбанистички план. Секој што мисли поинаку, е во невидена заблуда. 
Сè додека Бог не ја залепи маркицата на оваа микролокација, на овој микродел од дел од континентот (којшто сè уште не е географски именуван; предлагам да се вика – Гондвана), силите на темнината ќе се пенават по плоштади, по новински колумни и по универзитетски амфитеатри, убедувајќи нè дека Храм Божји и Рамстор се само архитектонски синоними, урбан елемент, пренапрегнат бетон...

Какво слабоумие! Каква слабомислие! Зарем е можно дека од толкава новинарска збирштина нема кој да напише два-три реда во кои ќе каже дека Храм Божји не е архитектура, не е архитектоника. Храм Божји е архаика. Всушност, праархаика. Не е градежна статика, туку архистатика. Вечност. Во Храмот Божји нема тектоника. Нема поместување – од местото коешто Бог ќе му го определи.
Зарем сè уште има такви (еј, XXI сме!!) умно недооформени коишто сметаат дека Бог чека толпа бедници да донесе одлука (со консензус!) на кое место ќе биде изграден Негов Храм?

Мајчице Геа, како не трипиш на своите истоштени, закоравени континентални плочи!


Михајловиќ д-р Драган

Посети: {moshits}



Видео содржини

Поуки од Светите Отци

dobrotoljubie

Наука и Култура

Јуни 10, 2021
38.machenici1

До 2050 година во океаните ќе има повеќе пластика отколку риби

Луѓето годишно користат повеќе од 1 милијарда пластични кеси, фрлаат 13 милиони тони пластика во океаните, трошат 17 милиони барели за изработка на пластика (еден барел има околу 159 литри) и убиваат повеќе од 100.000 животни со користење на…
Мај 17, 2021
38.machenici1

Елвира, наставничката која се покажа како штит...

Игнатијева на својот профил на Инстаграм обично објавуваше мотивациони пораки врз свои лични фотографии уживајќи во прошетки и ноќни излегувања. „Не е толку тешко да си го направиш животот среќен“, напиша таа на 1-ви февруари. Треба само да престанеш да…

Збирка раскази „Фауст го трча плебејскиот круг“ (Faustus Runs the Plebeian Circle)-Стефан Марковски

Апр 07, 2021 Литература 264
Aleksandar.N.sv.Haralampij
Збирката раскази по промотивна цена е дистрибуирана и на повеќе книжевни платформи, како…

Книгата може да им помогне на децата да си го изградат идентитетот

Апр 04, 2021 Литература 347
Aleksandar.N.sv.Haralampij
Секоја генерација на деца има свои проблеми и затоа треба авторите да ги следат денешните…

Соопштени европските награди за драмски превод за 2021 година, меѓу нив три на македонски јазик

Мар 22, 2021 Литература 309
Aleksandar.N.sv.Martinijan6
Исто така, меѓу најдобрите од два други јазични комитета се најдоа и преводите на две…