Во посета на чудотворната икона од Сисеро, Илиноис
Во Саботата, 24 Март, 2012 год., раководството на руското училиште „Св.Јон Ханкоуски“ кое дејствува во рамките на Рускиот Покровски Катедрален Храм од Чикаго, организира посета на Антиохиската Православна Црква „Св.Георгиј“ во Сисеро. Главната цел беше да им се даде можност на дечињата да ја видат чудотворната икона на Пресветата Божја Мајка која проплакала во 1994 година.
Прекрасно беше да се гледаат најмладите како пристапуваат кон чудотворниот образ и со вера и љубов и се поклонуваат на Богородица, нивната верна закрилница. Пред иконата беше отслужен и Молебен кон Богомајката, при што се читаа имиња за здравје и добросостојба на присутните како и на нивните ближни.
За време на Молебенот, дечињата со радост И пееа на Богородица „Достојно јест, јако воистину, блажити Тја Богородицу…!“
Прекрасен есеј за историјата на оваа икона беше многу скоро објавен на Премин од нашиот брат во Христа, Дејан, кој и сам имаше прилика да ја види иконата. Вреди да се потсетиме на таа информативна и поучна објава:
http://preminportal.com.mk/content/view/9270/54/
Пресвета Богородице, спаси не!
За Преминпортал:
С.Л.