Скопје, 28ми март 2021 год.-храм на Свети Три Јерарси (во о.Центар)
На 28ми март 2021 година, во нашата света, соборна и апостолска Цркви молитвено се прослави споменот на :
- Светиот маченик Агапиј и седумтемина со него:
Публиј, Тимолај, Ромил, двајца Александри и двајца Дионисии
- Евангелие според Марко зачало 7мо
Марко 2,1-12
На 28ти март 2021 година, кога МПЦ-ОА молитвено го прoслави споменот на Светиот маченик Агапиј и седумтемина со него: Публиј, Тимолај, Ромил, двајца Александри и двајца Дионисии, отец Николај Киранџиќ отслужи Божествена Литургија во храмот на Светите Три Јерарси. На Литургија, верниот народ се причести со Светите Христови Тајни.На крајот на Литургијата отецот произнесе беседа.
„Не случајно, драги браќа и сестри, светата православна Црква одредила ова Евангелие да се чита на денешната втора великопосна недела. Во него ни се истакнуваат многу добродетели. Пред се тоа ни покажува како треба да им помагаме на нашите ближни, како што и во евангелскиот пример четворицата луѓе му помогнале на фатениот да дојде при Христа. Потоа ни покажува каква треба да е нашата вера во Бога, онаква каква што имал фатениот човек цврста и непоколеблива. Ни покажува дека постојано треба да се надеваме во милоста Божја, т.е. секогаш да се трудиме и да твориме со надеж во Божјата милост. И на крајот, не потсетува дека гревот е причинителот на секоја наша немоќ и болест, па затоа да го засилиме нашето покајание. Да не дозволуваме времето да ни поминува залудно, туку благоугодно да го исползуваме за покајание и за духовно искачување кон совршенството – кон Бога. Зашто ризницата на Божјото милосрдие секогаш е отворена за секого од нас и нејзе не можат да ја победат гревовите, а ние можеме да бидеме соучесници во неа само, ако искрено се покаеме.“- (Повеќе)
Преминпортал (к.т.)
Друго:
недела, 14 март 2021
Освет на храмот
Свети Три Јерарси во Центар
-
-
На 14.03.2021 година, на празникот Прочка – Велики поклади, Неговото Блаженство, Архиепископот Охридски и Македонски г. г. Стефан, го освети храмот „Свети Три Јерарси„ во Центар.
По Осветот беше отслужена Златоустова литургија.
Верниот народ се причести со светите Христови тајни.
- пп
- Март 2021 лето Господово
Св. маченик Јакинт; Свети Анатолиј, патријарх Цариградски; Преп. Александар; Св. Исаија Отшелник; 
