Скопје,24ти јануари 2021 год.- Соборен храм Св.Климент Охридски
На празникот на Преподобен Јоаникиј Ракотински
Преподобен Теодосиј Велики
Поука на денот: Старец Софрониј Сахаров
Понекогаш дејствувањето на молитвата ни се чини премногу споро, несразмерно со нашето кусотрајно постоење, и повикот јачи во градите: ’Побрзај!’ Се случува на нашиот повик да не ни возврати веднаш. Како плод на дрво, Бог нашата душа ја остава сонцето да ја пече, ледени и врели ветрови да ја бијат, да се мачи од жед и да трпи под порој на дождови. Но, ако истраеме и не го испуштаме од рацете крајчето од Неговата одежда, неизоставно ќе ги дочекаме и благотворните последици
„Не времето и околностите ги провозгласуваат светиите, туку благородството на совршената и нелицемерна љубов кон Бога Така запиша во синаксарот од богослужбата за Преподобниот Јоаникиј, химнографот на Великата Христова Црква, сепреподобниот јеромонах Атанасиј Симонопетрски."
На 24-ти септември 2017 година, од манастирската црква „ Св. Георгиј Победоносец“, во Криви Дол, со свечена литија беа донесени моштите на преподобeн Јоаникиј Ракотински во Соборниот храм „Св.Климент Охридски“, во Скопје, каде на Божествена Литургија беше впишан во списокот на светиите.
Преподобен Јоаникиј Ракотински.
Преподобен Јоаникиј се родил во Охрид, на 7 јануари 1847 година, а на крштението го добил името Јован. Монашки потстриг примил на 17 јануари 1873 година, во манастирот „Свети вмч. Пантелејмон“, Нерези, со името Јоаникиј. Година и половина по замонашувањето преминал во манастирот „Свети Илија“, село Бањани, а во 1874 година останал во братството на Марковиот манастир, за најпосле да се насели во селото Ракотинци и таму да го обнови манастирот „Свети Илија“. Како најобразован во тоа време, во 1896 година подигнал и основно училиште за деца. Живеел во исклучително тешко време, за време на турското владеење, Балканските и Првата светска војна, со тешки искушенија и притисоци, и сенародно страдание. Во 1913 година бил произведен во игумен, а во 1935 година во архимандрит. Се упокоил на 24 јануари 1940 година.
Св. маченик Јакинт; Свети Анатолиј, патријарх Цариградски; Преп. Александар; Св. Исаија Отшелник; 
