Скопје, 07.06.2020 г.- Соборен храм на св.Климент Охридски (во неделата на каратинот поради вирусот Ковид19)
На 07.06.2020 година, во Неделата на светата Педесетница
„Вака вели Господ: Ќе ве земам од кај народите, ќе ве соберам од сите страни и ќе ве доведам во вашата земја. Ќе ве поросам со чиста вода и вие ќе се очистите од сите ваши осквернувања, и од сите ваши идоли ќе ве очистам. Ќе ви дадам ново срце, и нов дух ќе ви дадам; ќе го земам од вашето тело каменото срце и ќе ви дадам срце од месо. Ќе го внесам во вас Мојот дух и ќе направам да одите по заповедите Мои и да ги пазите и да ги исполнувате наредбите Мои. И ќе живеете во земјата, која им ја дадов на татковците ваши, и ќе бидете Мој народ и Јас ќе бидам ваш Бог.“
На 7ми јуни 2020 година, кога Македонската православна црква- Охридска архиепископија молитвено го прослави споменот на слегување на Светиот Дух врз апостолите - Педесетница, Архиепископот Охридски и македонски г.г. Стефан во сослужение на свештеници од Скопската епархија отслужи Божествена Литургија.Откако заврши Литургијата започна Вечерна богослужба на која свештенослужителите и верниците коленоприклонети испросија молитви за слегување и облагодарување на нивните души од Светиот Дух.
Тропар
Благословен си, Христе Боже наш, Кој рибарите ги направи премудри ловци, испраќајќи им Го Светиот Дух, и преку нив ја улови вселената. Човекољупче, слава Ти.
Кондак
Кога Севишниот слезе и ги измеша јазиците, тогаш ги раздели народите; а кога ги разделуваше огнените јазици, сите луѓе ги повика на единство, и сите заедно Го славиме Сесветиот Дух.
[youtube height="450" width="750" align="none"]https://www.youtube.com/watch?v=itZHPzQHX_w[/youtube]
Хорот при Соборниот храм Св.Климент Охридски во Скопје,7ми јуни 2020 г.
[youtube height="450" width="750" align="none"]https://www.youtube.com/watch?v=ZdGbj54Poxo[/youtube]
Призив на Светиот Дух
Дојди, Светлино вистинска.
Дојди, Животу Вечен.
Дојди, тајно сокриена.
Дојди, ризницо безимена.
Дојди, неизречен.
Дојди, Лице недостапно.
Дојди, непрестајно радување.
Дојди, светлино невечерна.
Дојди, вистинска надеждо на сите што сакаат да се спасат.
Дојди, подигнување на легнатите....
Преминпортал (к.т.)
7ми јуни 2020 лето Господово
Друго.
† НЕДЕЛА НА СВ. ПЕДЕСЕТНИЦА - ДУХОВДЕН
Духовден – Света Архиерејска Литургија во храмот „Света Великомаченица Недела“ – Битола
Педесетница - Духовден
