На 25 април 2017 во соборната црква Свети Климент Охридски беше отворена изложба на икони од современи романски иконописци од Факултетот за црковна уметност при Букурешкиот православен богословски факултет „Патријарх Јустинијан“. На отворањето свечени говори одржаа Архиепископот охридски и македонски г.г. Стефан, деканот на Богословскиот факултет „Свети Климент Охридски“, д-р Ѓоко Ѓорѓевски, и ректорот на Букурешкиот православен богословски факултет, протопрезвитер д-р Стефан Бучиу. На изложбата која беше збогатена со учеството на црковниот хор „Света Злата Мегленска“. присуствуваше и Неговото високопреосвештенство Митрополитот преспанско пелагониски г. Петар, како и голем број на свештеници, теолози и студенти.
Подготви: Даниел Јовановски, Скопска епархија
25-ти април лето Господово 2017
Св. великомаченик Мина; Св. маченик Стефан Дечански, крал српски; Св. маченици Виктор и Стефанида; Св. маченик Викентиј ѓакон; Преп. Теодор Студит; 
