АКАТИСТ КОН ПРЕСВЕТА БОГОРОДИЦА

КОНДАК 1:

Тебе, Богородице, поборнице - војвотко, ние слугите твои, откако од зло се избавивме, песна пофална Ти воспеваме: како Онаа, Која има сила непобедлива, од секоја опасност ослободи не, за да Ти повжуваме: Радувај се, Невесто Неневестна!

ИКОС 1:

Ангел претстател од небесата беше испратен на Богородица да и рече:
Радувај се! И со глас бесплотен, гледајќи Те како се воплотуваш, Господи, во ужас стоеше воскликнувајќи и:
Радувај се, низ Тебе радоста заблеска;
Радувај се, низ Тебе клетвата исчезна;
Радувај се, на паднатиот Адам исправување;
Радувај се, на Ева од солзите избавување;
Радувај се, висино, и за помислите човечки недостижна;
Радувај се, длабочино, ни за очите ангелски несогледива;
Радувај се, зашто царски престол Си;
Радувај се, зашто Го носиш Носителот на се;
Радувај се, ѕвездо Која Сонцето Го објавува;
Радувај се утробо на Божественото воплотување;
Радувај се, низ Тебе тварта се обновува;
Радувај се, низ Тебе на Творецот Му се поклонуваме;
Радувај се Невесто Неневестна!

К0НДАК 2:

Гледајќи се, Светата, Себеси во чистота, смело на Гавриила му прозборе: преславниот твој глас неразбирлив е за душава моја: зашто за рождество низ бессемено зачнување зборуваш, воскликнувајќи: Алилуја!

ИКОС 2:

Сакајќи да го разбере недостижното за разумот, Дева кон Тајнослужителот повика: кажи ми како е можно, Син од чиста утроба да се роди? А тој со страв одговори, ова велејќи и го:
Радувај се, на советот неискажлив Тајнице;
Радувај се, на оние молчание што бараат Веропазителке;
Радувај се, на чудата Христови Началнице;
Радувај се, на повеленијата Негови втемелителке;
Радувај се, лествицо небесна, по Која Бог слезе;
Радувај се, мосту што земните на небо ги возведуваш;
Радувај се, чудо многусловено од ангелите;
Радувај се, многуоплакан поразу на демоните;
Радувај се, Светлоста надумна Си Ја родила;
Радувај се, начинот никому не Си му го открила;
Радувај се, Ти Која мудрите со разум ги надминуваш;
Радувај се, Ти Која верните со смисла ги просветлуваш;
Радувај се, Невесто неневестна!

КОНДАК З:

Силата на Севшпниот за зачнување ја осени Неискусобрачната, и плодната утроба Нејзина нива беспрекорна стана, за оние, што спасение сакаат да жнеат, пеејќи непрестано: Алилуја!

ИКОС З:

Имајќи Дева утроба Богоисполнета, при Елисавета поита: а младенецот Елисаветин, познавајќи го поздравот нејзин се зарадува, и со игра како низ песна на Богородица и воскликна:
Радувај се, лозо со Ластар несовенлив;
Радувај се, на плод бесмртен стекнување;
Радувај се, Сотворителке на Творецот човекољубив;
Радувај се, Ти, Која Насадителот на нашиот живот го роди;
Радувај се, ниво Која обилниот плод на штедроста Го раснеш;
Радувај се, трпезо Која обилно очистување носиш;
Радувај се, зашто рајската сладост ја расцутуваш;
Радувај се, на душите пристан им приготвуваш;
Радувај се, преслатко молитвено кадење;
Радувај се, на сиот свет очистување;
Радувај се, кон смртните Божјо благоволение;
Радувај се, на смртните кон Бога дерзновение;
Радувај се, Невесто неневестна!

Посети:{moshits}