логоFacebookTwitterYouTubeeMail

 

7.Vselenski.sobor

Еднаш, си бил некој човек којшто го сметал Рождеството Христово за некаква измислица. Тој не бил лош, дури бил и многу добар, дарежлив кон семејството, чесен во своите односи со другите луѓе. Но тој не верувал во она што на Божик се кажувало во црквите. А бил премногу чесен за да се преправа дека верува.

          „Не сакам да те нажалам,“ ѝ рекол тој на својата жена, која била верничка и редовно одела во црква, „но јас едноставно не можам да го сфатам тоа дека Бог станал човек. За мене тоа е вистинска измислица.“

          На Божикната вечер неговата сопруга  пошла со своите деца на сеноќно бдение во црква. Човекот одбил да појде со нив. „Ќе се чувствувам како лицемер“, им објаснил тој, „подобро ќе останам дома и ќе ве чекам.“

          Набрзо откако заминале тие, започнало да врне снег. Тој се доближил до прозорецот и видел дека снегулките стануваат сѐ поголеми и поголеми. „Но, добро, кога веќе е Божик, редно е да биде снежен“.

          Се вратил на својата фотелја крај каминот и почнал да чита весник. По неколку минути го стаписал некаков тап удар. Потоа се слушнал уште еден. Па уште еден. Се зачудил кој би можел во тие доцни часови да фрла снежни топки во прозорецот.

          Кога ја отворил вратата за да види од каде доаѓаат звуците, тој забележал јато премрзнати птици. Веројатно тие, зафатени од невремето, удирале во стаклото обидувајќи се да се засолнат.

          „Не можам да им дозволам на кутрите птици да замрзнат“, се замислил тој. „Но како да им помогнам?“ Се сетил на шталата каде што ги чувал коњите. Тоа било навистина погодно место за птиците да се засолнат. Брзо го облекол дебелото палто и чизмите и се упатил низ длабокиот снег до шталата. Широко ја отворил вратата и го запалил светлото. Но птиците не влетале тука.

          „Треба да ги примамам со нешто“, си рекол тој. Брзо се вратил дома по леб, го раздробил и со трошките го посипал снегот во правец на шталата. За негова жал, птиците го игнорирале лебот и продолжиле да се борат со длабокиот снег.  Тој се обидел и да ги потера во правец на шталата одејќи, околу нив и мавтајќи со рацете. Птицате бегале на разни страни, само не во топлата, светла штала.

          „Веројатно им изгледам чуден и страшен“, си рекол тој, „Како да им покажам дека можат да ми веруваат? Да можев барем на неколку минути да станам птица, ќе можев да ги поведам кон безбедното засолниште.“ Во тој миг силно се огласиле црковните камбани.

 Тој застанал во место и се внел во звукот на камбаните, кои ја возвестувале благата вест на Рождеството. Поразен паднал на колена во снегот. „Сега сфаќам,“ прошепотел тој. „Сега знам зошто Ти си го направил тоа“.

Извор:

https://bigorski.org.mk/slova/pouchni/bozhikna-prikazna-chovekot-i-pticite/

 

29ти декември 2019 лето Господово

 

 

 

 

 

 



Поуки од Светите Отци

dobrotoljubie

Духовност

Септември 03, 2021
Default Image

Беседа за Успение на Пресвета Богородица oд Викарниот Епископ Јаков Стобиски

Беседа за Успение на Пресвета Богородица изречена од Викарниот Епископ Јаков Стобиски во манастирот Успение на Пресвета Богородица - Берово
Јуни 30, 2021
3.to.Naoganje.glava.sv.Jovan.Krstitel

СКОК ПРЕКУ ЈАЖЕТО НА НЕСОГЛАСУВАЊЕТО

Затоа, секогаш кога можеш прескокни го јажето на несогласувањето и фати се за оној дел од приказната кој ветува радост, насмевки и љубов. Горчината плисни ја со бран од морето, измиј го отровот на искажаните зборови и погледни кон залезот на сонцето. Тоа ќе…

Се упокои во Господ Митрополитот Црногорско-приморски Амфилохиј (30.10.2020)

Митрополитот Амфилохиј е роден на Божик, 7 јануари 1938 година, во Бари Радовиќ, во Долна…

Свети свештеномаченик Харалампиј

Фев 23, 2020 Житија 2743
ih3387
Секој човек со своето раѓање добива лично име по кое го препознаваат во текот на целиот…

Живот во служба на Бога и на луѓето

Јан 29, 2020 Беседи 1923
3.angeli.so.truba
Неговите слова зрачат со силна нагласеност на светиклиментовиот образец и претставуваат…