логоFacebookTwitterYouTubeeMail

 

Прва молитва кон светите Методиј и Кирил
Светите Методиј и Кирил

О, преславни учители и просветители на словенските народи, свети рамноапостолни Методиј и Кирил. Кон вас, како чеда кон своите отци, со светлината на учењата и од буквите ваши просветени и во верата Христова поучени, сега усрдно прибегнуваме и со скрушени срца се молиме. Ако вашите завети, како непослушни чеда, не ги запазивме и за угодувањето на Бога, како што нè учевте, не се грижевме, и од едномислието и љубовта, коишто на словените, како на браќа по вера и по плот, за добро им ги заповедавте, отпаднавме, но, како што некогаш во вашите житија не ги остававте без добрина неблагодарните и недостојните, туку со добро на злото возвраќавте, така и сега не ја отфрлајте молитвата на вашите грешни и недостојни чеда, туку, бидејќи имате голема смелост пред Господа, умилно молете Го, да нè поучи и упати на патот кон спасението, расправиите, пак, и раздорите, кои се појавуваат помеѓу едноверните браќа, да ги смири, отпаднатите пак во едномислие да ги приведе и сите нас во единство со дух и љубов во едната, Света, Соборна и Апостолска Црква да нè соедини. Бидејќи знаеме, дека многу може да направи молитвата на праведникот пред Милосрдниот Владика, дури и кога за грешни луѓе е принесувана. Не нè оставајте нас, очајните и недостојни ваши чеда, заради чиишто гревови вашата паства, од вас собрана, со непријателство е разделена и од соблазните на иноверните соблазнувана, се намали, нејзините, пак, овци словесни расеани, од духовните волци се грабнувани, по вашите молитви дадете ни ревност, та од неа разгорувани, отечките преданија добро да ги сочуваме, правилата и обичаите црковни верно да ги запазиме, од секакви лажни и туѓински учења да се оддалечиме, и така, во богоугоден живот на земјата да пребиваме, да се удостоиме со рајски живот на небесата, и таму со вас заедно, Владиката на сите, во Троица Едниот Бог да Го прославиме во вечните векови. Амин!

Превод од руски јазик:

ѓакон Јани Мулев

Молитва втора кон светите Методиј и Кирил

О, сефални и рамноапостолни Методиј и Кирил, поклонувајќи се пред вашата чесна икона, срдечно ве молиме: погледнете милостиво на нас, коишто со вашиот труд бевме просветени, и оградете нè нас со вашата недремлива заштита од злобните демонски замки! Погледнете на ова лозје, што го насадивте, и не го оставајте на дивите свињи да го раскинуваат. Сочувајте ја, свети угодници Божји, нашата Македонска Православна Црква, којашто вие ја изградивте врз камен-темелникот, Христос, та да биде непоместлива, и од овој камен да се растураат брановите на секое маловерие. Укрепете ги нашите пастири во сите добродетели и во подвигот на проповедање, вразумете ги верниците, за да го слушаат нивниот глас. Сочувајте ги сите словенски земји од секое лишување, од оган и од меч, од смртоносни болести и од секакво зло. Слушнете го и секој човек, кој со вера ви пристапува и кој изискува благодатна помош од вас. Во страшниот, пак, час на смртта бидете ни на сите нас благи застапници и прогонувачи на темните демонски сили, та во мир и покајание да го завршиме земскиот мегдан, да стигнеме до насладување со вечните богатства и заедно со вас да Ја прославуваме Пресвета Троица – Отецот и Синот и Светиот Дух. Амин!

 

https://crkvaveles.wordpress.com/2012/05/23/molitvi-kon-sv-metodij-i-kiril/?fbclid=IwAR3Fw_XMLEHjnKjkL8kIhfkHnDKdgGinLOYzy1amEHA1o16u7DjdtU8l8Is

24ти мај 2019 лето Господово

 



Видео содржини

Поуки од Светите Отци

dobrotoljubie

Духовност

Јуни 30, 2021
3.to.Naoganje.glava.sv.Jovan.Krstitel

СКОК ПРЕКУ ЈАЖЕТО НА НЕСОГЛАСУВАЊЕТО

Затоа, секогаш кога можеш прескокни го јажето на несогласувањето и фати се за оној дел од приказната кој ветува радост, насмевки и љубов. Горчината плисни ја со бран од морето, измиј го отровот на искажаните зборови и погледни кон залезот на сонцето. Тоа ќе…
Ноември 10, 2020

Се упокои во Господ Митрополитот Црногорско-приморски Амфилохиј (30.10.2020)

Митрополитот Амфилохиј е роден на Божик, 7 јануари 1938 година, во Бари Радовиќ, во Долна Морача. Завршил Богословија во Белград, а на Богословскиот факултет на СПЦ, во Белград, дипломирал во 1962 година. Покрај теолошките науки, студирал и класична…

Свети свештеномаченик Харалампиј

Фев 23, 2020 Житија 2502
ih3387
Секој човек со своето раѓање добива лично име по кое го препознаваат во текот на целиот…

Живот во служба на Бога и на луѓето

Јан 29, 2020 Беседи 1683
3.angeli.so.truba
Неговите слова зрачат со силна нагласеност на светиклиментовиот образец и претставуваат…

Почитување на Пресветата Мајка Божја

Дек 09, 2019 Полезно и Потребно 2165
7.Vselenski.sobor
Таа е заштитничка и покров на христијанскиот род. Како Мајка на Синот Божји, таа има…