логоFacebook  Twitter  YouTube  eMail


Hristos.pantokrator.jpgНиту едно смртно суштество на овој свет не може живо да застане пред Бесмртниот Бог, а притоа да не се растопи или исчезне од неапсорбливата Негова Божествена Слава;
„Бога никој никогаш не Го видел; Единородниот Син, кој е во крилото на Отецот - Он Го објави" (Јн. 1, 18).

Кој смртен човек може да погледне во Божјото Лице а остане жив? Може ли некој прецизно да одреди колку е силна светлината на сонцето, колкава е големината на ѕвезденото небо, од каде доаѓа разбеснетоста на океанските бури, колкава е јачината на ветровите и временските непогоди или пак колкава е величественоста на планините? А сето тоа се божји созданија кои се ограничени од својата милнивост. Тогаш има ли граница, односно може ли некој да ја измери или детерминира неограничената и неизмерлива Божествена Сила и Слава? Никој - вели Св. Ап. Јован. Зашто страшнотаинствено е да се види самиот ангелски лик, а камо ли Божјиот Лик. Па тогаш како Бог како предвечсн промислител и создател на се им се покажувал на своите чеда - луѓето за да им покаже и докаже дека се грижи за нив, а тие без него дека не можат? На разни форми разбирливи на човековата можност за спознавање.

Меѓутоа Он како преблаг, предобар и многумилостив не не оставил нас луѓето сами на себе да се снаоѓаме во овој несовршен свет како знаеме и умееме, но постојано ни се дава и ни става на знаење дека, во нашите животи секогаш можеме и треба да се потпиреме и надеваме на Него, зашто Тој едноставно е насекаде околу нас. Токму поради тоа постојано не гледа и следи според својата непроменлива Божествена промисла, во однос на нашето богоуподобување во Него, т. е. дали напредуваме, отстапуваме или стоиме во место. Освен Бог, лично нас не набљудуваат и безбројните ангелски и светителски сили, надевајќи се во Славата Божја дека и ние ќе го прифатиме и следиме нивниот пат. Водена и осветена од Духот Божји целата Света (Православна) Црква на земјата, страшнотаинствената и милосна вистина за Божествената секадеприсутност им ја претставува на своите верници во божји храмови, преку иконите, фрески и останатите свети твари.

Токму поради тоа, за нас христијаните, но и за сето останато човештво неопислива е и неискажлива таа Божествена секадеприсутност. „Зашто, каде се двајца или тројца собрани во Мое име, таму сум и Јас посреде нив" (Мт. 18, 20). Он беше присутен пред Адам во рајот, со Ное во коработ, пред Мојсеј на планината, со Аврам пред жртвеникот, преку Христос меѓу Израилот и со Апостолите помеѓу сите луѓе низ целата земја и вселена. За нас кои сме ограничени од времето и просторот, понекогаш можеби и несватливо е сето тоа, но притоа да не заборавиме дека човечкиот ум и разум најчесто размислува рационално (а таа рационалност не може во себе да го восприеми Бога) и секогаш да имаме предвид дака за Него секогаш се е можно, токму затоа што Он е вистински БОГ!

Бидејќи како Бог нам христијаните ни покажа пат како да се избавимеод смртта, портите на пеколот и канџите на ѓаволот, дарувајќи ни можност за спасение   и   живот   вечен,   овој   пат   свесни   за   неговата   Божествена   и страшнотаинствена секадеприсутност, се поздравуваме со братскиот поздрав:
ХРИСТОС ПОМЕЃУ НАС - Е И ЌЕ БИДЕ!

М-р И. О.

Посети:{moshits} 



Поуки од Светите Отци

dobrotoljubie

Духовност

Септември 03, 2021
Default Image

Беседа за Успение на Пресвета Богородица oд Викарниот Епископ Јаков Стобиски

Беседа за Успение на Пресвета Богородица изречена од Викарниот Епископ Јаков Стобиски во манастирот Успение на Пресвета Богородица - Берово
Февруари 23, 2020
ih3387

Свети свештеномаченик Харалампиј

Секој човек со своето раѓање добива лично име по кое го препознаваат во текот на целиот живот. Името е наша сопствена карактеристика, но малкумина го знаат вистинското потекло на своето име и неговото вистинско значење. Секое православно име има своја суштина…

Живот во служба на Бога и на луѓето

Јан 29, 2020 Беседи 3196
3.angeli.so.truba
Неговите слова зрачат со силна нагласеност на светиклиментовиот образец и претставуваат…

Почитување на Пресветата Мајка Божја

Дек 09, 2019 Полезно и Потребно 3033
7.Vselenski.sobor
Таа е заштитничка и покров на христијанскиот род. Како Мајка на Синот Божји, таа има…

Свети Антониј Велики: Кој е ѓаволот и кога напаѓа...?

А кога ќе се всели Божјиот Дух, Он ги успокојува, им дава да го вкусуваат спокојот во…