логоFacebookTwitterYouTubeeMail

 

Шиао Јанг, кинеска фотографка

    Пред да дојдам во Македонија, веќе имав посетено многу земји од поранешна Југославија, за фотографирање споменици. Македонија се наоѓаше на мојата листа веќе долго време. Мојата оригинална цел на фотографирање беа споменици во Македонија. „Македониумот“ е најимпресивен од сите, одличен и оригинален дизајн, вели Јанг

Фотографиите на кои се прикажани споменици, напуштени локалитети и заборавени градби во Македонија, но во сосема ново и надреално светло, ја занемеа македонската публика. Изминативе неколку недели, фотографиите на кинеската фотографка Шиао Јанг ги преплавија социјалните мрежи, а луѓето не престануваат да зборуваат за девојката што направи нашите заборавени и напуштени локалитети да изгледаат прекрасно, како сцени од научнофантастичен филм. Јанг, по потекло од Пекинг, сега живее и работи во Шпанија, е дел од кинеската компанија „Киер.ком“, едно од најголемите кинески онлајн-здруженија за патувања. Досега таа посетила повеќе од 40 земји во светот, а нејзините фотографии се објавени во многу магазини, весници и книги: „Фотографик травел магазин“, „Н-фото“, „Травелерс“, „Бејџинг ривју“ и други. Во фокусот на нејзиниот интерес најчесто се бруталистички објекти, а по посетата на Македонија, таа специјално за „Нова Македонија“ открива повеќе за својата работа.


Деновиве сте многу популарна во Македонија. Вашите фотографии од Крушево, Гевгелија, Прилеп и од Отешево се раширија низ македонските социјални мрежи…
– Пред да дојдам во Македонија, веќе имав посетено многу земји од поранешна Југославија, за фотографирање споменици. Македонија се наоѓаше на мојата листа веќе долго време. Мојата оригинална цел на фотографирање беа споменици во Македонија. „Македониумот“ е најимпресивен од сите, одличен и оригинален дизајн. Исто така го посетивме и напуштениот хотел „Европа“ во Отешево, додека престојувавме во Охрид. Ми се допаѓа Охрид, езерото е убаво, а храната е неверојатна. Но имаше премногу метеж и беше премногу туристичко место за мене. Тогаш заминавме за Отешево и го посетивме хотелот „Европа“. Неговата структура е вистински бисер. Го истражувавме хотелот прекуден и останавме таму до доцна во ноќта. А споменикот на Преспанскиот совет е веднаш во близината. Една недела пред да пристигнам во Македонија, го открив мермерното езеро во Прилеп, Беловодица. Сум била во неколку рудници досега, но никогаш не сум видела толку голем рудник со кристално сино езеро. Ноќниот поглед е прекрасен и целиот Млечен Пат виси над езерото. За патувањата низ Македонија морам да ја споменам и да ѝ се заблагодарам на мојата пријателка Ди Жоу, која се појавува како модел во моите фотографии. Таа е прекрасна девојка, со одлична смисла за хумор, донесе многу смеа на тоа патување и го направи незаборавно.

Како започна вашата приказна, кога започнавте да патувате и дали вашата страст за патување и фотографијата отсекогаш биле испреплетени?
– Мојата прва ДСЛР-камера ја купив кога имав 24 години додека бев во Камбоџа. Тоа беше и моето прво соло-патувачко искуство, затоа мислам дека мојата страст за фотографија и патувањата отсекогаш биле испреплетени. Моето прво успешно искуство со сликање со светлина во напуштен локалитет беше за време на престојот во Бугарија, во 2012 година. Мојот план беше да го посетам напуштениот комунистички споменик „Бузлуджа“, место што денес е многу популарно, но тогаш не постоеја многу информации за него на интернет. Затоа контактирав со британскиот фотограф Марк О’Нил, кој претходно бил на тоа место, за да добијам повеќе информации. Марк е одличен фотограф, со големо искуство во сликање со светлина и урбано истражување. На крајот станавме пријатели и почнавме да патуваме заедно. Ова патување во Бугарија претставуваше отворање голема порта кон сосема нов свет. Оттогаш, со Марк патувавме во многу различни држави, особено во балканскиот регион, па многу од моите фотографии се соработка со него. Инаку, фотографијата што се користи со техниката на сликање со светлина користи долга експозитура, отворена бленда и извор на светлина, кој се манипулира рачно и со кој се „слика“ во простор.

Што е она што ве мотивира, што сакате да кажете преку надреалниот начин на кој ги претставувате нештата околу вас?
– Одредени тематики значително ме интересираат: напуштени локалитети, бруталистичка архитектура, или споменици од масивен бетон и многу други урбани структури, како кули, бункери, подземни тунели. За мене, овие локалитети и структури се како скриени светски чуда, уживам да ги ловам и собирам овие богатства и да го повторувам тоа искуство. Tие се како љубов на прв поглед, во срцепарателна но романтична форма. Создадени од човекот во минатото, а напуштени од човекот во денешнината. На нив гледам како на градби што во моментот кога биле издигнати престанале да му припаѓаат на човекот и имаат свој живот. Не сум ги видела овие локалитети во нивните добри години, ниту пак имам контрола врз нивната иднина, дали ќе бидат напуштени, реновирани или демолирани. Единствено нешто што можам да го сторам е да ги ценам во моментот кога ги посетувам и да го трансформирам тој конкретен момент во нешто што ни припаѓа нам. Вечноста е нешто кон кое сите луѓе целат, а никогаш не ја добиваат во вистинскиот живот. Честопати кога сум на овие места и ги фотографирам ноќе, чувствувам дека градам врска помеѓу себе и нив, чувствувам колку неважни и осамени сме ние луѓето наспроти вечноста. Ако треба да го кажам во зборови она што сакам да го прикажам преку моите фотографии, тогаш „романтиката на вечноста“ е мојот одговор.


Што е она во овие места што ве привлекува толку многу?
– Тешко е да се одговори на ова прашање. Не можам да ја откријам вистинската причина. Единствено нешто што знам е дека кога сум на овие места, покрај возбуда и љубопитност, ме обзема и чувство на припаѓање. Ги чувствувам мирот и романтиката што ги барам. За сите овие години ги посетувам одново и одново. Тоа не е нешто што инсистирам да го правам, туку нешто што не можам да престанам да го правам. Чиста опсесија.

Како се одлучувате за вашите патувачки дестинации, дали патувате до одредена локација за да направите фотографија, или, пак, тие се случуваат спонтано додека патувате?
– Најчесто станува збор за приватни патувања, неповрзани со мојата работа, но морам да ѝ се заблагодарам на мојата компанија, која секогаш ги поддржува вработените да патуваат. Локациите ги избирам сама, истражувам и подготвувам план на фотографирање пред да стигнам на локацијата. Најчесто фотографирам додека патувам, но речиси секој ден го користам за истражување нови локации. Некогаш е тешко да се лоцираат овие места на мапа, па самата ги барам користејќи го сателитскиот приказ на Гугл мапс.

Се чини дека сте особено фасцинирана од ноќната фотографија и играта со светлина. Зошто е тоа така?
– Пред да научам „сликање со светлина“, веќе бев заинтересирана за ноќна фотографија, од моментот кога го видов целиот Млечен Пат од шпанскиот остров Менорка. Пораснав во Пекинг, каде што поради воздухот и осветлувањето не можев да уживам во чисто ноќно небо. Исто така, Марк О’Нил и фотографи од здружението за сликање со светлина ми помогнаа да научам голем број техники што ги користам во моите фотографии. За разлика од типичната урбекс-фотографија (урбано истражување), сликањето со светлина ми дава можност да креирам различен приказ на фотографираниот објект. Со контролирање на светлината и на бојата, можам да изберам кој аспект од објектот сакам да го презентирам. Ги трансформирам во моите фотографии и генерирам приказни што ми припаѓаат само мене.

Ви кажуваат ли луѓето дека вашите фотографии успеале да ги направат горди на нивната земја?
– Честопати слушам од луѓето дека им се допаѓаат моите фотографии, но ова е првпат да ми кажуваат дека тие ги прават горди на нивната земја. Тоа ми ласка премногу, особено како странски патник. Македонија има прекрасни места и луѓето што ги запознав за време на ова патување беа премногу фини. Чувствувам огромна благодарност што ме примивте во вашиот убав дом, ова е прекрасна земја на која треба да сте горди!

Дали постојат и други видови проекти на кои би сакале да работите?
– Темата на која работам сега, верувам дека е игра што се игра цел живот. Има премногу локации што допрва треба да ги откријам и осветлам ноќе, додека сум сѐ уште способна да фотографирам и истражувам, како физички, така и ментално. Се надевам дека во иднина сѐ уште ќе имам енергија да продолжам, како слоганот на мојата компанија „Патот никогаш не завршува“.

 

Извор:

 https://www.novamakedonija.com.mk/prilozi/lik/%d0%bd%d0%b8-%d1%98%d0%b0-%d0%bf%d1%80%d0%b8%d0%ba%d0%b0%d0%b6%d0%b0-%d0%bc%d0%b0%d0%ba%d0%b5%d0%b4%d0%be%d0%bd%d0%b8%d1%98%d0%b0-%d0%ba%d0%b0%d0%ba%d0%b2%d0%b0-%d1%88%d1%82%d0%be-%d0%bd%d0%b5-%d0%bc/

 

 



Видео содржини

Поуки од Светите Отци

dobrotoljubie

Наука и Култура

Октомври 23, 2020
3.angeli.so.truba

Галебот Џонатан Ливингстон- Ричард Бах

После еден месец од враќањето се случува преседан. Еден галеб од Јатото бара да учи да лета. Така, Теренс Ловел станува осмиот ученик на Џонатан. А наредната ноќ им се придружува и Кирк Мејнард, галебот со дефектно лево крило, кој во крик и бодрен од Џонатан…
Октомври 21, 2020
TVITer8

По патот на Македонската историjа

„Ние за Гоце“, авторот Стефанов пишува дека „Гоце Делчев беше самостоен и назависен во борбата; не бараше туѓа поткрепа, не допушташе туѓо мешање од кое толку многу страда и губи македонското ослободително движење, искористувано за туѓи цели и задачи“.За…

“Богородичен Покров“ со филмови кои ја збогатуваат душата и носат силни пораки

Сеп 22, 2020 Филм, Театар 163
3.angeli.so.truba
“2020 година ќе се памети по неочекуваните предизвици и искушенија со кои мораше да се…

Информација за победниците на конкурсите за млад и зрел уметник

Авг 27, 2020 Ликовна уметност 194
TVITer21
Процесот на селекција се одвиваше по принцип на оценување на предложените апликации од…

Емануел Рембер: Читањето е убава мрзеливост и вистински лек

Мај 10, 2020 Интервју 714
3.angeli.so.truba
-Чудно е тоа што изолацијата ја доживувам како миг во кој сè е замрзнато. Секако дека сè…

Беседи

 Митрополит Струмички Наум: Куќа без темели (21.10.2020)

Митрополит Струмички Наум: Куќа без темели (21.10.2020)

   Така е кога човек има световно знаење, но нема духовно знаење. Тој може да има знаење и вештини од разни области како бизнис, економија, политика, што јас знам, градежништво,...

 Митрополит Струмички Наум: Секташко однесување во Црквата (17.10.2020)

Митрополит Струмички Наум: Секташко однесување во Црквата (17.10.2020)

 Богочовекот Исус Христос е единствената Глава на Црквата. Епископот на локалната Црква е икона Христова, седи на место Христово и претставува обличје Негово. Тој не е Самиот Христос, туку е...

Митрополит Струмички Наум: За самооправдувањето (11.10.2020)

Митрополит Струмички Наум: За самооправдувањето (11.10.2020)

Самооправдувањето е болест која е пораширена, понезабележлива и потешка од судењето и осудувањето. Самооправдувањето и осудувањето се две страни на една гревовна состојба – гордоста.Пораширена – затоа што, најчесто, дури...

  Јане Илиев: СЕДУМНАЕСЕТТА НЕДЕЛА ПО ПЕДЕСЕТНИЦА

Јане Илиев: СЕДУМНАЕСЕТТА НЕДЕЛА ПО ПЕДЕСЕТНИЦА

 Современиот човек брза по светските суети, бега од скромниот живот и во празните и лажни авантури бара да ја заборави душевната горчина, која му ја создава свеста за безбожните дела....

Стефан, Архиепископ Охридски и Македонски: БЕСЕДА

Стефан, Архиепископ Охридски и Македонски: БЕСЕДА

 Траат светиите, зашто е вечен Изворот на нивната светост! Зар ќе ја спомнувавме првопокрстената Лидија или Светите Ахилеј Лариски, Еразмо Охридски, Петанесетте Тивериополски свештеномаченици, рамно¬апостолните Кирил и Методиј и нивните...

Митрополит Струмички Наум:  За судењето и осудувањето на другите (03.10.2020)

Митрополит Струмички Наум: За судењето и осудувањето на другите (03.10.2020)

Да те прашам, човеку, зошто ти е помило да му судиш и да го осудуваш некого врз основа на озборување, кога веќе ти се достапни и познати неговите дела и...

СВЕТА СОФИЈА И НЕЈЗИНИТЕ ЌЕРКИ,МАЧЕНИЧКИТЕ ВЕРА, НАДЕЖ И ЉУБОВ

СВЕТА СОФИЈА И НЕЈЗИНИТЕ ЌЕРКИ,МАЧЕНИЧКИТЕ ВЕРА, НАДЕЖ И ЉУБОВ

Откако сите четири бестрашни маченички биле изведени пред царот, смирено и одлучно ја исповедале верата во Христа Господа и одбиле да принесат жртва пред идолската божица Артемида. Пред страдањата, Софија...

Отец Александар Шмеман: Воздвижение на Чесниот Крст

Отец Александар Шмеман: Воздвижение на Чесниот Крст

Тоа бил празникот на христијанското царство, кое се родило под закрилата на Крстот, во денот кога царот Константин го видел Крстот над кој пишувало:: „Со ова ќе победиш…” Тоа е...

Ретроспектива (2005-2020): „Митрополит Струмички Наум - Го сведочиме ли Крстот Христов или само својот крст? (6)

Ретроспектива (2005-2020): „Митрополит Струмички Наум - Го сведочиме ли Крстот Христов или само својот крст? (6)

 Сите имаме свој крст, но прашањето е: дали нашето страдање Бог го прима како учество во Крстот Христов или тоа е само обично, очајно и бесмислено човечко страдање? Односно, дали...

« »