логоFacebook  Twitter  YouTube  eMail

Кожувчанка

 

Даглас Литл и јеромонах Јаков Симонопетриец

Света Гора за познатиот американски фотограф Даглас Литл (Douglas Alfred Demetrios Lyttle) не беше само место на вдахновение за неговото уметничко творештво. Беше ковчег на Православието каде што се вдлабочуваше во своите духовни потраги во текот на 45 години. Неговото обраќање во Православието, крштевањето со името Димитриј, педесетте илјади фотографии кои ги подари на Светогорската фототека на Манастирот Симонопетра и неговото монументално дело „Miracle on the Monastery Mountain“ (2002), сведочат за неговата длабока и долгогодишна врска со атонското жителство.

„Мајсторот на фотографијата“ – титула која ја доби од Сојузот на професионални фотографи на Америка во 1966 – се упокои пред неколку дена во Рочестер. Имаше 98 години.

Роден во градот Three Rivers во Мичиген, во 1919 година, дипломирал со почести на Универзитетот на Мичиген како хемичар, но ја напуштил кариерата во фармацевтското истражување во 1961, за да се занимава со фотографијата. Отворил свое студио, со специјализација за фотографирање портрети и архитектонски дела. Во 1969 прифатил место на Институтот за технологија во Рочестер, на Колеџот за графичка уметност и фотографија, од каде подоцна го добил звањето почесен професор.


„Неговите дела ја изразуваат духовната длабочина на манастирскиот живот“, велат светогорските монаси за фотографиите на Даглас Литл.

Прв пат допатувал во Грција во 1972. Тогаш започнала неговата врска со грчките манастирски заедници. Во текот на многуте патувања на Атос, од 1972 до 1998, ја отпечатил на педесет илјади слики блиската историја на светото место, овековечувајќи ги, помеѓу другото, како корифеј во уметноста на портретот, светогорските старци што со својот живот и дело го означија обновувањето на монаштвото во втората половина на дваесеттиот век. „Литл не фотографираше за да направи ‘уметност заради уметноста’“ нагласуваат Светогорците. „ Неговите дела ја изразуваат духовната длабочина на манастирскиот живот и од неговите портрети се објавува вистинскиот лик на Гората“.

Од неговото обраќање во Православие во 1997 година (порано припаѓаше на Реформаторската лутеранска црква), беше верен член на православната парохија на Светиот Дух во Рочестер, каде што пееше на богослужбите сè до последните две недели пред неговото успение.

Дарот за архивот на Светогорската фототека, една година пред неговата смрт, претставува печат на неговата вера и љубов кон Светоименитата Гора.

 

 

 

 Извор: Бигорски манастир

 



Поуки од Светите Отци

dobrotoljubie

Духовност

Септември 13, 2021

Јован Дебарски Архиепископ Охридски (30 август/12 септември)

Овој свет и богоносен отец наш Јован Дебранин, Архиепископ Охридски и прв ктитор на Бигорската Обител, засветлил како светлозарна ѕвезда на богопрославениот светителски небосклон на Црквата Христова, во првата половина на ΧΙ век. За неговото родословие,…
Септември 03, 2021
Default Image

Беседа за Успение на Пресвета Богородица oд Викарниот Епископ Јаков Стобиски

Беседа за Успение на Пресвета Богородица изречена од Викарниот Епископ Јаков Стобиски во манастирот Успение на Пресвета Богородица - Берово

Свети свештеномаченик Харалампиј

Фев 23, 2020 Житија 4481
ih3387
Секој човек со своето раѓање добива лично име по кое го препознаваат во текот на целиот…

Живот во служба на Бога и на луѓето

Јан 29, 2020 Беседи 4265
3.angeli.so.truba
Неговите слова зрачат со силна нагласеност на светиклиментовиот образец и претставуваат…

Почитување на Пресветата Мајка Божја

Дек 09, 2019 Полезно и Потребно 3749
7.Vselenski.sobor
Таа е заштитничка и покров на христијанскиот род. Како Мајка на Синот Божји, таа има…