логоFacebookTwitterYouTubeeMail


Надежта на Бога
Не грижете се (Мт. 6, 31). А како да се живее? Потребна е храна, потребно е пиење, облека. Но, Спасителот не вели: „ништо не работете“, туку не грижете се. Не замарајте се со грижаа која деноноќно ве јаде и не ви дава ни момент мир. Таквата грижа е - грев.


Душевниот мир
... Ако човекот се земе себеси во рацете и почне сам да управува со својот духовен живот, како награда ќе добие непоматлив душевен мир...
Духот Свети го избавува нашиот дух од устата на душевните и телесните страсти и населувајќи внатре спокојство, го држи во мир со Бога и со браќата.
... Вистинскиот мир не е надвор, туку внатре и за извор нема надворешни околности, туку добар внатрешен поредок. Кога ова ќе го има, надворешноста и сама ќе му се прилагоди.
Кој ова (мирот) ќе го постигне, не може да не се радува. Работникот кој така се труди, заслужува да вкуси и плод, а плодот е радост и блаженство.

Сеопростување
Зашто ако им ги простите на луѓето нивните согрешенија, ќе ви ги опрости и вам вашиот Отец Небесен. Ако пак  не им ги простите на луѓето нивните согрешенија, ни вашиот Отец нема да ви ги прости согрешенијата ваши (Мт. 6, 14-15). Каков едноставен и пристапен начин за спасение! Ти се простуваат гревовите, под услов ти на својот ближен да му ги простиш согрешенијата против тебе. Значи, сам си во свои раце. Прекрши и од несмирени чувства кон братот, премини на искрено смирени – и тоа е сè. Денот на простувањето – колку велик и небесен ден Божји! Кога сите би го искористиле како што треба, денешниот ден од христијанскитее заедници би направил рајски заедници и земјата би се сливала со небото.
Колку е кратко човечкото трпение! Применувајќи го Своето долготрпение  на нашите слабости, Господ одредил: не ти велам (да проштеваш) до седум пати, туку до седумдесет пати по седум (Мт. 18, 22). Тоа е исто што и да се каже: секогаш проштевај и  не помислувај да не проштеваш. Сепростувањето и ќе биде каректеристична црта на христијанскиот дух, зашто сепростувањето е – извор и постојана поддршка од Бога на нашиот живот во Господа. Постојаното простување сè на сите – тоа е облека на надворешната христијанска љубов која, според Апостолот, долго трпи, благотворна е, не раздразнува, сè носи (1. Кор. 13, 4-7). Таа е најсигурна гаранциија за опростувањеи на последниот Суд; зашто ако им ги простите на луѓето нивните согрешенија, и вам ќе ви ги прости вашиот Отец Небесен (Мт. 6, 14). Така значи, ако сакаш во  рај – простувај на сите, искрено, од срце, да не остане ни сенка непријателство.
... За нашето самољубие нема ништо потешко од простувањето. Некоја случајна непријатност, која што ни е причинета тајно, никој да не види, уште сме подготвени да опростими, но кога е во прашање нешто забележливо, па уште и предлуѓето, не ни прашувај: нема опростување. Се случува да сакаш – не сакаш, не можеш да го изразиш незадоволството и ќутиш: јазикот ќути, а срцето зборува и прави зли планови. Нека се подигне непријатноста за уште еден степен и – човекот повеќе не може да се совлада: ни страм, ни страв ни губитоци, ништо нема да го запре. Пробудениот егоизам го прави човекот речиси пореметен и оној кој ќе му подлегне почнува да прави глупости. На таа несреќа претежно се подложни не било какви луѓе, туку колку е некој поцивилизиран, толку е почувствителен на навреди и помалку простува. Понекогаш надворешните односи сепак остануваат израмнети, но внатре дошло до конечен раздор. Меѓутоа, Господ бара да простуваме од срце.

 

 



Видео содржини

Поуки од Светите Отци

dobrotoljubie

Духовност

Ноември 10, 2020

Се упокои во Господ Митрополитот Црногорско-приморски Амфилохиј (30.10.2020)

Митрополитот Амфилохиј е роден на Божик, 7 јануари 1938 година, во Бари Радовиќ, во Долна Морача. Завршил Богословија во Белград, а на Богословскиот факултет на СПЦ, во Белград, дипломирал во 1962 година. Покрај теолошките науки, студирал и класична…
Февруари 23, 2020
ih3387

Свети свештеномаченик Харалампиј

Секој човек со своето раѓање добива лично име по кое го препознаваат во текот на целиот живот. Името е наша сопствена карактеристика, но малкумина го знаат вистинското потекло на своето име и неговото вистинско значење. Секое православно име има своја суштина…

Живот во служба на Бога и на луѓето

Јан 29, 2020 Беседи 1113
3.angeli.so.truba
Неговите слова зрачат со силна нагласеност на светиклиментовиот образец и претставуваат…

Почитување на Пресветата Мајка Божја

Дек 09, 2019 Полезно и Потребно 1207
7.Vselenski.sobor
Таа е заштитничка и покров на христијанскиот род. Како Мајка на Синот Божји, таа има…

Митрополит Струмички Наум: ВОВЕДЕНСКИ РАЗМИСЛУВАЊА

Дек 05, 2019 Беседи 1107
7.Vselenski.sobor
Премногу размислуваме во категоријата Бог – човек, наместо во категоријата личносни…