логоFacebookTwitterYouTubeeMail

Еден старец рече:


„Молитвата е доверба во Бога. Кога во Бога имаме целосна доверба, не е потребно ни да се молите за нешто, оти Самиот Бог ќе го земе тоа врз Себе. Мора само трпеливо да се чека плодот да созрее и да падне од дрвото. Според тоа, родители, доверете ги своите деца на Бога. Вие сте ги создале само телесно, а Бог им ја дал душата. Според тоа, Бог е обврзан и да се грижи за нив“.

⌘ ⌘ ⌘

Еден старец рече:


На децата им е потребно многу раководење и многу љубов. Гледањето телевизија е најголема несреќа.

Dete.litt.jpg
Човекот на своето дете му дарува тело. Бог ја создава детската душа. Кога детето ќе порасне, родителот веќе не е одговорен за него. Бог му доделува ангел чувар на секој роден човек, за да му помага во текот на целиот живот. Оттука, зарем нема себеси да Му се довериме на Бога?

Ќе им помагате на своите деца до определен момент. Оттогаш па натаму ќе Му ги доверите на Бога. Нивниот ангел чувар е постојано покрај нив. Некој би можел да рече: „Ако човекот падне во искушение, ангелот чувар се оддалечува“. Меѓутоа, ангелот не се обесхрабрува, туку останува во близина. Дури и кога некој ќе застрани, Бог преку ангелот чувар му испраќа добри мисли.

Не би требало да се оддалечуваме од Бога, зашто тоа предизвикува душевна болка. Да помислиме дека ангелот чувар за време на целиот наш живот настојува во нас да внесе добра мисла, дека страда и дека чека, дека воздивнува кога човекот греши и кога на крајот со празни раце застанува пред Бога. Да размислиме за тоа! Тоа е доволно за во нас да предизвика голема болка! Тоа е доволна причина за човекот да не се оддалечи од присуството Божјо со тоа што ќе одбие да ја извршува Неговата волја. Некои ангели со малку напор, а некои без никаков напор на Бога Му ја претставуваат човечката душа. Меѓутоа, некои ангели со мноштво напор, страдање и болка доаѓаат пред Бога. Тоа е така болно!

Размислете! Да покажеме барем малку срдечност. Вреди да се бориме дури и само за да не го ожалостиме ангелот чувар! Постојат многу луѓе коишто го виделе својот ангел чувар. Кога само би можел да го види својот ангел чувар, човекот веќе ништо не би прашал. Кога и да забележиме дека малите деца се насмеани додека спијат, (да знаеме дека) тоа е затоа што го гледаат својот ангел чувар.


Мора да ги учите децата како да се молат, зашто Бог ќе ги услиши нивните молитви. Детскат молитва мора да дојде од нивнот срце. Никаква корист нема од молитвата доколку таа не доаѓа од длабочините на човечкото срце.

Обидете се на децата, додека се мали, да им помогнете со добрина, за да го сфатат подлабокот значење на животот. Секогаш со добрина!


⌘ ⌘ ⌘

Dete.krst.jpg

Еден опитен подвижни на посетителите им го упати следното „добро слово“ за одгледување на децата:


„Сѐ уште жалам поради постапката на мојот татко, бидејќи до 18 години не одев на исповед кај духовникот. Сѐ уште жалам поради тоа. Потребно е детето веќе на 6 или 7 години да има свој духовен отец. Така нека биде…

Значи, штом се вратите од Света Гора во вашите домови, обратете внимание на своите деца, учете ги и чувајте ги, особено со своите молитви. Молете се онака како што се молел патријархот Јаков за своите деца. Молете се на следниов начин: „Пресвета Богородице, заштити ги, помагај им и надгледувај ги моите деца“. Додека се молите, осенете се со крсниот знак и отпејте го кондакот на Пресвета Богородица. Нагледувајте ги. Бидете сигурни и знајте каде одат за време на ноќта, и со кого се дружат, зашто лошите разговори ги расипуваат добрите обичаи. Можно е вашите деца да се добри, но некој да влијае лошо врз нив. Тоа е мојот совет за сите оженети луѓе“.

Светогорски старечник

 

Извор:  http://koe.mk/slovo-za-odgleduvanje-na-decata/

 



Поуки од Светите Отци

dobrotoljubie

Духовност

Септември 03, 2021
Default Image

Беседа за Успение на Пресвета Богородица oд Викарниот Епископ Јаков Стобиски

Беседа за Успение на Пресвета Богородица изречена од Викарниот Епископ Јаков Стобиски во манастирот Успение на Пресвета Богородица - Берово
Јуни 30, 2021
3.to.Naoganje.glava.sv.Jovan.Krstitel

СКОК ПРЕКУ ЈАЖЕТО НА НЕСОГЛАСУВАЊЕТО

Затоа, секогаш кога можеш прескокни го јажето на несогласувањето и фати се за оној дел од приказната кој ветува радост, насмевки и љубов. Горчината плисни ја со бран од морето, измиј го отровот на искажаните зборови и погледни кон залезот на сонцето. Тоа ќе…

Се упокои во Господ Митрополитот Црногорско-приморски Амфилохиј (30.10.2020)

Митрополитот Амфилохиј е роден на Божик, 7 јануари 1938 година, во Бари Радовиќ, во Долна…

Свети свештеномаченик Харалампиј

Фев 23, 2020 Житија 3178
ih3387
Секој човек со своето раѓање добива лично име по кое го препознаваат во текот на целиот…

Живот во служба на Бога и на луѓето

Јан 29, 2020 Беседи 2507
3.angeli.so.truba
Неговите слова зрачат со силна нагласеност на светиклиментовиот образец и претставуваат…