логоFacebookTwitterYouTubeeMail

 (Обновено)

13- ти август, лето Господово 2016

Утре

Утре ќе почне постот Богородичен.
Пост во чест на онаа
Која го Роди Бога,
На онаа која е поширока и од небесата,
На онаа чија што душа меч ја распара
Кога го виде Сина си на крстот
Како рацете ги рашири
За да нè прегрне сите нас
Кои што мана му најдовме
Што во саботи лечеше,
Што со грешници јадеше и пиеше,
Што бескрајно нè сакаше,
Што мани не ни забележуваше,
Што гревови не ни наоѓаше
Бидејќи знаеше дека сепак сме луѓе
Од гревот ранети,
Од страсти водени,
Од љубов повредени...
Мајката на Оној што сè ни прости,
Што прво неа ја научи на простување
За сè она што на Синот нејзин и го сториа,
Што ја научи на пост и молитва
Та преку тоа да собере сила за простување,
За љубов кон грешникот,
За мразење на гревот,
А не на грешникот,
За благодарење на Бога за искушенијата...
А преку неа
Нè научи и нас
Дека кога постиме
Треба да не јадеме месо,
Но и братот да не го јадеме....
И ете денес е денот
Кога треба секој со секого да се измири,
А утре
И следните две недели
Денови кога ќе се трудиме
Она што сме грешеле да не го повториме
Туку на злото со добро да вратиме,
Многу добри дела да направиме,
На оние што камен фрлиле на нас
Барем корка леб да им подадеме.
Кога на дело ќе ги покажеме зборовите
Дека лицемерно е да кажуваме
Дека Бога го љубиме
Кого не сме го виделе,
А братот кој секојдневно го гледаме
Го мразиме и повредуваме.
И ете,
Од утре
Нека дава сила
Синот на Пресветата
Да истраеме во подвигот
На постот и љубовта,
Та преку молитвите на онаа која Го роди,
Стократни плодови на покајанието да принесеме,
Та преку тој наш подвиг
Се прослави името
На Отецот,
Синот и
Светиот Дух.
Амин!

Митрополит Европски Пимен

 

 

 



Видео содржини

Поуки од Светите Отци

dobrotoljubie

Духовност

Ноември 10, 2020

Се упокои во Господ Митрополитот Црногорско-приморски Амфилохиј (30.10.2020)

Митрополитот Амфилохиј е роден на Божик, 7 јануари 1938 година, во Бари Радовиќ, во Долна Морача. Завршил Богословија во Белград, а на Богословскиот факултет на СПЦ, во Белград, дипломирал во 1962 година. Покрај теолошките науки, студирал и класична…
Февруари 23, 2020
ih3387

Свети свештеномаченик Харалампиј

Секој човек со своето раѓање добива лично име по кое го препознаваат во текот на целиот живот. Името е наша сопствена карактеристика, но малкумина го знаат вистинското потекло на своето име и неговото вистинско значење. Секое православно име има своја суштина…

Живот во служба на Бога и на луѓето

Јан 29, 2020 Беседи 1266
3.angeli.so.truba
Неговите слова зрачат со силна нагласеност на светиклиментовиот образец и претставуваат…

Почитување на Пресветата Мајка Божја

Дек 09, 2019 Полезно и Потребно 1477
7.Vselenski.sobor
Таа е заштитничка и покров на христијанскиот род. Како Мајка на Синот Божји, таа има…

Митрополит Струмички Наум: ВОВЕДЕНСКИ РАЗМИСЛУВАЊА

Дек 05, 2019 Беседи 1343
7.Vselenski.sobor
Премногу размислуваме во категоријата Бог – човек, наместо во категоријата личносни…