логоFacebookTwitterYouTubeeMail

 

Преку целиот наш живот заедно со нас е големата светиња – светата вода (на грчки „агиазма“).

Осветената вода е образ на Божјата благодат: таа ги очистува верниците од духовната нечистотија, ги осветува и ги поткрепува во подвигот на спасението во Бога.

Ние за првпат се потопуваме во неа при Крштението, кога при примањето на тоа Таинство трипати се потопуваме во купелот, наполнет со света вода. Светата вода во Светата Тајна Крштение го измива човекот од гревовната нечистотија, го обновува и го раѓа за нов живот во Христа.

spbda

Светата вода задолжително се употребува при осветување на храмовите и на сите црковни предмети, кои се употребуваат при богослужението, при осветување на христијанските домови, и сите предмети во домаќинствата. Нас нè попрскуваат со света вода за време на литиите, при молебните итн.

На празникот Богојавление православните христијани земаат од храмовите богојавленска вода и ја носат во своите домови, грижливо чувајќи ја како голема светиња, и со молитва се причестуваат со неа при разни болести и немоќи.

„Осветената вода, – како што пишува Свети Димитриј Херсонски, – има сила да ги освети душите и телата на сите, кои се причестуваат со неа“. Таа, ако се пие со вера и молитва, лекува од телесни болести. Преподобен Серафим Саровски после Светата Тајна Исповед, на поклониците кои доаѓале во неговиот манастир, секогаш им давал да вкусат чаша света богојавленска вода.

Преподобен Амвросиј Оптински на еден човек кој бил на смртна постела, му испратил шише со света вода – и наизлечливата болест, била излекувана.

Светиот старец, преподобниот Серафим Вирицки секогаш советувал да се попрскува храната со богојавленска вода, која, според неговите зборови, „самата сè осветува“. Кога некој тешко боледувал, светиот старец Серафим благословувал болниот  да употребува по една лажица осветена вода на секој час. Старецот говорел, дека посилно лекарство, од осветената вода и осветеното масло – нема.

Чинот на осветување на водата, кој се извршува на празникот Богојавление, се нарекува голем, според самата торжественост на обредот, кој се извршува во спомен на Крштението на Господа, во кој Црквата ја гледа не само тајната на измивање на гревовите, туку и вистинското осветување на самата природа на водата преку потопувањето во неа на Бога по тело.

Големиот водосвет се извршува двапати – на самиот празник Богојавление, и во денот пред Богојавление (на Водокрст). Некои православни верници погрешно веруваат, дека водата осветена во тие денови е различна. Всушност на Водокрст и на празникот Богојавление при осветување на водата се употребува истиот водосветен чин.

Свети Јован Златоуст говорел, дека светата богојавленска вода може да остане непроменета и пријатна за пиење на повеќе години, зачувувајќи ја својата свежина и чистота, како да била налеана во истиот момент од свеж извор. Еве тука може да се види чудото на благодатта Божја, кое и сега може да го види секој!

Според верувањето на Црквата, агиазмата – не е обична вода, со духовно значење, туку таа е ново битие, духовно-телесно битие, меѓусебна поврзаност на небото и земјата, благодат и материја, кои се многу блиски.

Затоа, светата агиазма според црковнте канони се смета како еден вид на светиња, помала од Светата Причест: во случај кога на верниците според направените тешки гревови им се налага епитимија, односно забрана да пристапат кон Светото Тело и Крв Христови, се практикува да се причестат со „света агиазма“.

Богојавленската вода – е светиња, која треба да ја има секое православно семејство. Таа грижливо треба да се чува покрај домашните икони.

Освен богојавленската вода, православните христијани често употребуваат вода, осветена на Мал водосвет, кој може да се извршува преку целата година. Задолжително, Малиот водосвет се извршува при изнесување на Чесниот и Животворен Крст Господов и на празникот Преполовение, кога си спомнуваме за најдлабоките, според содржината, зборови на Спасителот, изговорени кон жената самарјанка: А кој пие од водата, што ќе му ја дадам Јас, нема никогаш да ожедни; таа во него ќе стане извор на вода, што ќе тече во живот вечен (Јован 4, 14).

Светата богојавленска вода се употребува нагладно, заедно со парче антидор (нафора) после утринското молитвено правило, со посебна почит како кон голема светиња. „Кога човек употребува антидор (нафора) и света вода, – говори затворник Георгиј Задонски, – тогаш кон него не може да се доближе нечистиот дух, а душата и телото се осветуваат, мислите се просветлуваат, за да му угодуваат на Бога, и човекот добива благодат да пости и да се моли и да прави секакво добро дело“.

Молитва при употреба на антодор (нафора) и света вода

Господи Боже мој, да ми биде Твојот свет дар и Твојата света вода за просветлување на мојот ум, за поткрепа на моите душевни и телесни сили, за здравје на мојата душа и тело, за покорување на моите страсти и слабости, според Твојата бескрајна милост, по молитвите на Твојата Пречиста Мајка и на сите твои Свети. Амин.

Извор: http://www.pravoslavie.ru/28980.html

Превод: м-р Игор Ризановски



Видео содржини

Поуки од Светите Отци

dobrotoljubie

Духовност

Ноември 10, 2020

Се упокои во Господ Митрополитот Црногорско-приморски Амфилохиј (30.10.2020)

Митрополитот Амфилохиј е роден на Божик, 7 јануари 1938 година, во Бари Радовиќ, во Долна Морача. Завршил Богословија во Белград, а на Богословскиот факултет на СПЦ, во Белград, дипломирал во 1962 година. Покрај теолошките науки, студирал и класична…
Февруари 23, 2020
ih3387

Свети свештеномаченик Харалампиј

Секој човек со своето раѓање добива лично име по кое го препознаваат во текот на целиот живот. Името е наша сопствена карактеристика, но малкумина го знаат вистинското потекло на своето име и неговото вистинско значење. Секое православно име има своја суштина…

Живот во служба на Бога и на луѓето

Јан 29, 2020 Беседи 1263
3.angeli.so.truba
Неговите слова зрачат со силна нагласеност на светиклиментовиот образец и претставуваат…

Почитување на Пресветата Мајка Божја

Дек 09, 2019 Полезно и Потребно 1469
7.Vselenski.sobor
Таа е заштитничка и покров на христијанскиот род. Како Мајка на Синот Божји, таа има…

Митрополит Струмички Наум: ВОВЕДЕНСКИ РАЗМИСЛУВАЊА

Дек 05, 2019 Беседи 1339
7.Vselenski.sobor
Премногу размислуваме во категоријата Бог – човек, наместо во категоријата личносни…

Беседи

Митрополит Струмички Наум: Светилникот на нашето време (11.01.2021)

Митрополит Струмички Наум: Светилникот на нашето време (11.01.2021)

Се сеќавам, кога понекогаш ќе ми беше многу тешко и кога ќе отидев кај него на исповед, ќе ме сослушаше и без да ми даде никаков совет, само ќе одмавнеше...

Митрополит Струмички Наум: КОПНЕЖ – ДУХОВНО ДА СЕ ПРОГЛЕДА (10.01.2021)

Митрополит Струмички Наум: КОПНЕЖ – ДУХОВНО ДА СЕ ПРОГЛЕДА (10.01.2021)

Слепиот верува дека Господ Исус може да го исцели и затоа никој, и покрај забраните, не може да го спречи неговиот молитвен повик кон Него. Тоа е вистинска пројава на...

ВИСТИНСКИ БОЖИК - СТАРЕЦ ГЕОРГИЈ КАПСАНИС (06/01/2021)

ВИСТИНСКИ БОЖИК - СТАРЕЦ ГЕОРГИЈ КАПСАНИС (06/01/2021)

Смирената наша молитва од Света Гора е да се подвизуваме сите против нашето самољубие, со цел да дојди во нашите срца, во нашите семејства, во татковината ни и во светот...

РОЖДЕСТВО ХРИСТОВО – Архимандрит Георгиј Капсанис

РОЖДЕСТВО ХРИСТОВО – Архимандрит Георгиј Капсанис

Оваа тајна се извршува во Црквата, зашто ние кои живееме во Црквата стануваме учесници во Божјата предвечност, во вечниот живот, во вистинскиот живот на Пресвета Троица. Се разбира, сѐ уште...

Митрополит Струмички Наум: Секој се самооправдува; има ли некој – да се покае? (03.01.2021 16:57)

Митрополит Струмички Наум: Секој се самооправдува; има ли некој – да се покае? (03.01.2021 16:57)

 Вакво нешто се случува и со нас, посебно кога на некој прекор од нашиот духовен отец, наместо да ја препознаеме нашата слабост, да побараме прошка и да се поправиме, ние...

Митрополит Струмички Наум: СЕКОЈ САКА ДА Е НЕКОЈ, НИКОЈ НЕ САКА ДА РАСТЕ (02.01.2021)

Митрополит Струмички Наум: СЕКОЈ САКА ДА Е НЕКОЈ, НИКОЈ НЕ САКА ДА РАСТЕ (02.01.2021)

Не се моја тема толку промените во општеството, колку што се промените во Црквата. И не толку промените во Црквата, колку што е промената барем на еден човек во Црквата.Мислам...

БEСEДА за главнoтo прoрoштвo на прoрoкoт Исаија

БEСEДА за главнoтo прoрoштвo на прoрoкoт Исаија

Тoгаш Исаија прoрeкoл дeка нeпријатeлoт нeма да гo зазeмe Eрусалим. Глeдајќи дeка царoт нe му вeрува, тoј му рeкoл да бара знак, чудo, или oд нeбoтo или oд зeмјата. Нo...

Митрополит Струмички Наум: Како договорени (27.12.2020)

Митрополит Струмички Наум: Како договорени (27.12.2020)

Така и во нашиот случај, луѓе – странци меѓусебно, со различни гревовни навики и индоктринирани од различни колективни несвесни гревовни шеми, ги гледаме дека восогласено дејствуваат како под команда, кога...

Митрополит Струмички Наум: За лепрозниот Самарјанин (20.12.2020)

Митрополит Струмички Наум: За лепрозниот Самарјанин (20.12.2020)

Исто така, и повеќето христијани, на почетокот од духовниот живот, со помош на првата благодат, ја очистуваат енергијата на својот ум, но не успеваат да продолжат по патот на духовниот...

« »