Ние живееме од милосрдие. Финансиската состојба на манастирот е тешка, особено откако изгореа некои од конаците. Во моментов имаме долг од 300 илјади евра. Во март очекуваме да ни бидат исплатени пари од Министерството за култура, износ што од милион евра е намален на 600.000 евра отец Партение, игумен на Бигорскиот манастир
Манастирот „Свети Јован Бигорски“ се наоѓа во финансиска криза, со што се доведува во прашање неговото нормално функционирање, како и понатамошната изградба на Горниот палат. Загрижувачката состојба на манастирот веќе подолго време ја истакнуваат неговите монаси, кои на секој можен начин се трудат да го одржат манастирот во живот. Сегашниот долг на манастирот изнесува над 300.000 евра. Последен пат од Министерството за култура биле префрлени пари на сметка на „Бигорски“ во март минатата година.
Отец Партение, игуменот на манастирот, вели дека веднаш по пожарот пристигнале повеќе донации, кои во последно време затајуваат, иако акцијата за обнова на манастирот сé уште е активна.
- Ние живееме од милосрдие. Финансиската состојба на манастирот е тешка, особено откако изгореа некои од конаците. Во моментов имаме долг од 300 илјади евра. Во март очекуваме да ни бидат исплатени пари од Министерството за култура, износ што од милион евра е намален на 600 илјади евра. Се молиме за поголема солидарност на нашите браќа и сестри верници - објаснува отец Партение.
Во манастирот има триесет монаси, заедно со десетте монахињи од женскиот манастир во Рајчица. Во „Бигорски“ престојуваат триесет наркозависници, кои во монашкото братство го лекуваат порокот. Деновите ги минуваат во повеќечасовни богослужби и во извршување на работите во манастирот.
Предупредувањата за лошата финансиска состојба монасите неколкупати ги доставиле до Синодот на Македонската православна црква-ОА. Од МПЦ-ОА го премолчеа прашањето дали ќе има конкретни мерки за тешката состојба на „Бигорски“.
.jpg)
Според црковни извори, за помош на Бигорскиот манастир повардарската епархија донирала 25.000 евра, владиката Тимотеј дал 80.000 евра, струмичката епархија пет илјади евра, а владиката Климент, кој нема своја епархија и големи приходи, ја донирал месечната плата. Сто илјади евра биле собрани од верници, кои донирале на жиро-сметка или по телефонските линии.
На официјалната веб-страница на Бигорскиот манастир, побудени од извесни невистинити гласини, кои се однесуваат на финансиската помош за Бигорскиот манастир од македонската дијаспора во Австралија, САД и во Канада, монасите даваат прецизно известување за донациите што во изминатиот период пристигнале на адреса на „Бигорски“.
Преку владиката Петар, од австралиско-новозеландската епархија пристигнале вкупно 5.550 австралиски долари. Независно од управата на оваа епархија, пристигнале донации од Македонците во Австралија преку Ник Ристески, кој собрал 13.850 австралиски долари, храмот „Св. Димитриј Солунски“ од Волонгонг подарил 4.000 австралиски долари, а од градот Перт во Западна Австралија се принесени 8.690 австралиски долари.
Од Македонците во Австралија, пак, кои самоиницијативно се организирале да му помогнат на Бигорскиот манастир, биле собрани вкупно 26.540 австралиски долари.
Преку американско-канадската епархија на МПЦ-ОА, предводена од митрополит Методиј, за Бигорскиот манастир биле подарени 6.000 канадски долари и 5.250 американски долари. Независно од управата на оваа епархија, храмот „Св. Петар и Павле“ од Краунпоинт му подарил на Бигорскиот манастир 4.000 американски долари.
Отворените телефонски линии за донација на манастирот се: 070/075/078/ 143-444.
Автор: Радмила Заревска
Нова Македонија
Помош за Бигорскиот манастир (1.10.2009)
Сите што сакаат да се вклучат во возобновувањето на Бигорскиот манастир и да се вложат себеси како жив камен во живата Црква, можат да донираат на следните жиро-сметки:
денарска жиро-сметка:
500-000000-3835-65
Стопанска банка А.Д. Битола
девизна жиро-сметка:
МПЦ Дебарско-кичевска епархија
Бигорски манастир Свети Јован Крстител
IBAN MK07500701000133139
Депонент: Стопанска банка А.Д. Битола
SWIFT STBBMK22
Телефони за донација:
070 / 075 / 077 143 444
