Скопје,16ти ноември 2023 г.- храм на св.вмч. Георгиј
На 16ти ноември 2023 година, кога МПЦ-ОА молитвено го прослави споменот на Обновувањето на храмот на светиот великомаченик Георгиј Победоносец во Лида, свештеникот презвитерот Александар Божиновски отслужи Златоустова Литургија во манастирот на свети Георгиј во скопската населба Кисела Вода. Во текот на Литургијата отецот го протолкува Светото евангелие на денот според светиот апостол Лука 11:47-54;12:1
На Литургија, верниот народ се причести со Светите Христови Тајни.
Поука на денот: Авва Макариј Александриски
Кога ќе ја увидиш помошта во своето срце, знај дека не се јавила однадвор, туку дека проработила благодатта која таинствено ти била дадена на Крштението. Таа подејствувала во мерата во којашто си ја замразил помислата и си се одвоил од неа... Избавувајќи нe (со благодатта на Крштението) од секое насилие, Христос Господ не забранил помислите да се прикрадуваат во нашето срце, за да може едните како омразени на срцето веднаш да бидат истребени, а другите, како омилени, да останат.
Со тоа се покажува и благодатта Христова и волјата човекова, т.е. неговата љубов – или кон подвигот заради благодатта или кон помислите заради самоугодување...
Preminportal (k.t.)
Тропар, глас 4.
Со добар подвиг и со вера се подвизуваше, Христов страдалецу, и нечестивоста на мачителот ја изобличи и, како жртва благопријатна, Му се принесе на Бога. Затоа прими венец на победа, и со твоите молитви, светителу, на сите им даваш прошка на гревовите.
Св. свештеномаченик Акепсим, епископ Наесонски ; +Св. великомаченик Георгиј – Ѓурѓиц; Преподобен Илија Египетски; 
