Споменот на Богоносецот- Охрид

2 јануари 2021 година – храм Света Троица- Охрид

Каде прво да побрзаме, во Витлеем каде земјата Му подготвува пештера на Оној што доаѓа од Дева да се роди, или во Рим каде богоносецот телото на својот Христос како жртва благопријатна му го принесува?
Од која глетка повеќе да се насладуваме?

Во недела на светите Праотци кога се празнува споменот на Светиот свештеномаченик Игнатиј Богоносец и Свети праведен Јован Кронштатски, отец Александар Димоски отслужи Божествена Литургија, во велелепниот храм на Св. Троица.
Отец Александар не поучи со неговото боговдахновено слово: „ Времето пред Божик е благословено време. Да се подготвиме достојно за него, за да го пречекаме така, како што им доликува на Христијаните, да не тежнееме кон последните времиња и чекање на антихристот. Ние треба да го бараме Христа, а каде ако не на секоја света Литургија која е апокалиптичен настан бидејќи ни се открива целиот Христос, преку светата Причест.
Секоја Литургија го претставува животот, од создавањето до крајот и средбата со Бога!

Kаде што е љубовта, таму е и Божјата благодат, добрина, мир и изобилие.

Христијанинот е подготвен да претрпи сѐ само да не ја изгуби благодатта,

која за него е највозвишеното добро.
Свети Јован Кронштадски

За Преминпортал прилогот го подготви

Дејан Блажески

Јануари 2021 лето Господово