логоFacebookTwitterYouTubeeMail

 

Со Божјата милост и благодат и оваа година славната Бигорска Обител беше средиште на едно големо молитвено собрание во чест на сечесното Рождество на нејзиниот небесен Застапник, великиот Пророк, Претеча и Крстител Господов Јован. Голема и недостижна е тајната на овој празник, затоа што мошне таинствен е денешниот Славеник. И навистина, кога треба да се говори за благословениот плод на молитвата од достојните за восхит Захарија и Елисавета, човечкиот јазик се чини немоќен да ја исполни својата работа. Зашто, како би можело со човечко слово достојно да се опише и пофали оној којшто лично од Словото Божјо понесе најголема пофалба? „Споменот на праведникот е во пофалбите, а тебе ќе ти биде доволно сведоштвото од Господа, Претечо…“ – му пееме секојдневно во нашата Обител на најголемиот меѓу родените од жена, како што го опиша уста Христова. Сепак, љубовта и благодарноста што горат во нашите срца кон преславниот Крстител, нѐ гонат да ја отвориме и ние нашата уста, придружувајќи се кон хорот на оние што незамолчиво ја слават и величаат Божјата добрината, пројавена кон родот човечки преку личноста Јованова. Тој е, како што пишува преподобниот Теодор Студитски, „цветот што го украси влегувањето на Христос во светот“. „Изгреа денес мисловната ѕвезда, предвестувајќи го изгревот на Сонцето на правдата. Истрча напред војникот, јавувајќи го доаѓањето на Царот на сето создание. Дојде стројникот на Невестата – Цркавата Христова, возвестувајќи за претстојното присуство на Женихот – Христос“.


Со светла радост и благодарствено пение беше исполнет празникот на Претечевото раѓање во неговото илјадалетно Светилиште. Најнапред, неговата небесна слава и величие беа воспеани на сеноќното бдение, на кое молитвено претстоеше некогашниот бигорски собрат и соборец на нашиот Старец Архимандрит Партениј, Неговото Високопреосвештенство, Митрополитот Брегалнички г. Иларион. Торжественото ликување продолжи утрово со Божествената Евхаристија, со којашто чиноначалствуваше нашиот почитуван архипастир, Митрополитот Дебарско-кичевски г. Тимотеј, во сослужение со Митрополитот Иларион, Неговото Преосвештенство, Епископот Хераклејски г. Климент, браќата јеромонаси, јереи и ѓакони. Обилната благодат која ги брануваше срцата на верните во храмот на Крстителот, беше повеќе од сведоштво за неговото присуство меѓу нас, за неговиот душеспасителен благослов.

Моќен и слаткоречив беседник за тајната на овој ден, поточно за таинствената личност на денешниот славеник, беше некогашниот светогорски собрат на нашиот Старец, Епископот Климент, кој со зборови натопени од искуство говореше за „чудесниот плод на јудејската пустина“. Притоа, игуменот зрзески го круниса своето вдахновено слово со чудотворството на Свети Јован во Македонија, карактеризирајќи ја Бигорската Обител како негов плод.

Посебен украс на убавината на денешното славје додаде и нашиот реномиран ансамбл „Македонија“, кој по завршетокот на богослужението настапи со традиционални песни и ора, посветени токму на Свети Јован Крстител. Во продолжение, во манастирската галерија беше отворена и изложбата на древни традиционални носии од дебарското-реканската етнографска целина, организирана од уметничкиот менаџер на „Македонија“, проф. д-р Владимир Јаневски. Изложбата ќе остане во Бигорски во текот на јули и август.

 

 

 

 

 

 

 

 

 

 

 

 

 

 

 

 

Повеќе:

https://bigorski.org.mk/vesti/bogosluzhbi/rozhdestvoto-na-sveti-jovan-krstitel-torzhestvo-za-bigorski/

 

 

 

 

 



Видео содржини

Поуки од Светите Отци

dobrotoljubie

Беседи

 Митрополит Струмички Наум: Куќа без темели (21.10.2020)

Митрополит Струмички Наум: Куќа без темели (21.10.2020)

   Така е кога човек има световно знаење, но нема духовно знаење. Тој може да има знаење и вештини од разни области како бизнис, економија, политика, што јас знам, градежништво,...

 Митрополит Струмички Наум: Секташко однесување во Црквата (17.10.2020)

Митрополит Струмички Наум: Секташко однесување во Црквата (17.10.2020)

 Богочовекот Исус Христос е единствената Глава на Црквата. Епископот на локалната Црква е икона Христова, седи на место Христово и претставува обличје Негово. Тој не е Самиот Христос, туку е...

Митрополит Струмички Наум: За самооправдувањето (11.10.2020)

Митрополит Струмички Наум: За самооправдувањето (11.10.2020)

Самооправдувањето е болест која е пораширена, понезабележлива и потешка од судењето и осудувањето. Самооправдувањето и осудувањето се две страни на една гревовна состојба – гордоста.Пораширена – затоа што, најчесто, дури...

  Јане Илиев: СЕДУМНАЕСЕТТА НЕДЕЛА ПО ПЕДЕСЕТНИЦА

Јане Илиев: СЕДУМНАЕСЕТТА НЕДЕЛА ПО ПЕДЕСЕТНИЦА

 Современиот човек брза по светските суети, бега од скромниот живот и во празните и лажни авантури бара да ја заборави душевната горчина, која му ја создава свеста за безбожните дела....

Стефан, Архиепископ Охридски и Македонски: БЕСЕДА

Стефан, Архиепископ Охридски и Македонски: БЕСЕДА

 Траат светиите, зашто е вечен Изворот на нивната светост! Зар ќе ја спомнувавме првопокрстената Лидија или Светите Ахилеј Лариски, Еразмо Охридски, Петанесетте Тивериополски свештеномаченици, рамно¬апостолните Кирил и Методиј и нивните...

Митрополит Струмички Наум:  За судењето и осудувањето на другите (03.10.2020)

Митрополит Струмички Наум: За судењето и осудувањето на другите (03.10.2020)

Да те прашам, човеку, зошто ти е помило да му судиш и да го осудуваш некого врз основа на озборување, кога веќе ти се достапни и познати неговите дела и...

СВЕТА СОФИЈА И НЕЈЗИНИТЕ ЌЕРКИ,МАЧЕНИЧКИТЕ ВЕРА, НАДЕЖ И ЉУБОВ

СВЕТА СОФИЈА И НЕЈЗИНИТЕ ЌЕРКИ,МАЧЕНИЧКИТЕ ВЕРА, НАДЕЖ И ЉУБОВ

Откако сите четири бестрашни маченички биле изведени пред царот, смирено и одлучно ја исповедале верата во Христа Господа и одбиле да принесат жртва пред идолската божица Артемида. Пред страдањата, Софија...

Отец Александар Шмеман: Воздвижение на Чесниот Крст

Отец Александар Шмеман: Воздвижение на Чесниот Крст

Тоа бил празникот на христијанското царство, кое се родило под закрилата на Крстот, во денот кога царот Константин го видел Крстот над кој пишувало:: „Со ова ќе победиш…” Тоа е...

Ретроспектива (2005-2020): „Митрополит Струмички Наум - Го сведочиме ли Крстот Христов или само својот крст? (6)

Ретроспектива (2005-2020): „Митрополит Струмички Наум - Го сведочиме ли Крстот Христов или само својот крст? (6)

 Сите имаме свој крст, но прашањето е: дали нашето страдање Бог го прима како учество во Крстот Христов или тоа е само обично, очајно и бесмислено човечко страдање? Односно, дали...

« »