Разговор по повод првата годишнина од канонизацијата на Св.Кипријан Слепченски

Со Воскресна радост и голема почит, Ве покануваме на 30-ти април (понеделник) да бидете наши гости во Демирхисарско Слепче, во Манастирот Св.Јован Претеча, на одбележувањето на првата годишнина од канонизацијата на Св. Кипријан Слепченски, нашиот сеправославен Светител и голем застапник пред Бога, кој веќе година дена го полни Манастирот со поклоници од сите краишта на нашата татковина и пошироко.

Свечената Литургија по повод годишнината, ќе започне во 08:45 часот, а моштите на Светителот ќе бидат изложени од 07:30 часот пред кои ќе може да се поклони верниот народ и сите добронамерници што во понеделник на 30-ти април, ќе го посетат Манастирот. Свечената програма што ќе се одржи во дворот на Манастирската црква, ќе започне во 11 часот, со обраќањата на Митрополитот Преспанско-пелагониски г.Петар и градоначалникот на општина Демир Хисар, Марјанче Стојановски. Рециталот “Св.Кипријан” и пригодната музичка програма, дополнително ќе го збогатат настанот кој е од големо значење за нашиот православен народ. Славењето на Светителите, е Слава на Бога.

Дојдете заедно да му оддадеме почит на Св.Кипријан и да понесете благодат Божја во Вашите домови.

[youtube height="350" width="650" align="none"]https://www.youtube.com/watch?v=81VghBhTZBE[/youtube]

***

Светиот свештеномаченик Кипријан бил игумен на Слепченскиот манастир повеќе од триесет години во XVIII век. Тој бил добар познавач на словенското писмо и мудар и верен економ на манастирот. На Велики четвртoк, за време на еден голем пустош во манастирот од група арамии албански муслимани бил брутално тепан и горен на оган во манастирскиот двор, жртвувајќи се за доверената обител и братството се здоби со маченички венец на ден на Воскресение Христово на 17/30 април 1780 година.

***