ЗА СВЕТАТА ТРОИЦА

П. Што е Света Троица?
О. Три Ипостаси или Три лица.

П. Кажи ми појасно?
О. Отецот, Синот и Светиот Дух: Отецот нероден; Синот роден од Отецот пред сите векови; Светиот Дух произлегува од Отецот пред сите векови - Света, Единосуштна и Неразделна Троица.

П. Не се ли тоа три богови?
О. Не три богови, туку Еден Бог, во три Ипоста- си - Лица на кои се поклонуваме.

П. Што е Ипостас?
О. Ипостас е грчки збор, којшто по руски значи лице, не лице телесно, туку духовно - во Бога, како во светлоста светлина.

П. Какво сфаќање треба да имаме за Бога?
О. Бог е Пресвета Троица: Отец, и Син, и Свети Дух. Творец на небото и земјата и на сè видливо и невидливо.

П. Што е тоа видливо и невидливо?
О. Видливо е тоа што го гледаат нешите телесни очи, т. е. небото, земјата, сонцето, месечината, ѕвездите и сета украсена вселена, а невидливо се ангелите Божји и душата човечка.

П. Синот Божји, Создател ли е ?
О. Создател.

П. Светиот Дух, Создател ли е ?
О. Создател.

П. Не се ли тројца Создатели?
О. Не тројца, туку Еден, зашто Еден е Бог, на кого во Троицата му се поклонуваме и го исповеду- ваме.

П. Како Бог го создал толку величественото создание на севидливо и невидливо?
О. Со збор Господов небесата се утврдија и со Духот на устата Негова, сета сила нивна, - вели Псалмопевцот

П. Колку природи исповедуваме во Бога?
О. Една природа.

П. Каква?
О. Божествена.

П. Колку суштества?
О. Едно бесконечно суштество.

П. Што е тоа бесконечно суштество?
О. Бесконечно суштество     е    битие   самобит-но, на кое не му треба друг за неговата битност.

П. Во колку лица го исповедуваме Бога?
О. Во едно лице, таков е Синот, таков е и Светиот Дух, т.е. Отецот е Светлост или Светлина, и Синот, исто така, е Светлост или Светлина, и Светиот Дух е, исто таква, Светлост или Светлина.

П. Колку волји има во Бога?
О. Една волја.

П. Колку Ипостаси исповедуваме во Бога?
О. Три Ипостаси - Отецот и Синот и Светиот Дух.

П. Бидејќи така ми кажуваш за Бога, кажи ми накратко: по што Бог е единствен, а по што троичен?
О. Единствен по Божеството, како што рековме порано, а троичен по Ипостасите.

П. Што е кај трите Божествени Ипостаси општо, а што е посебно?
О. Посебно кај Отецот е нераѓањето; кај Синот   раѓањето,   а   кај   Светиот   Дух   исходувањето; а општо кај нив е Божеството и Царството.

П. Од кого е роден Синот?
О. По Божеството од Оца, пред сите векови, како светлина од светлина, на духовен, а не на телесен начин или подобро речено - на неискажлив начин.

П. Светиот Дух од кого исходува?
О. Од Отецот, како што нè поучуваат Еван- гелието и Символот на Светата Вера.

П. Дали Бог е видлив или невидлив?
О. Невидлив, зашто Бог е Дух, Бог е Светлина, Бог е духовна природа, бесплотен, непојмлив, неопишлив, неискажан.

П. Ако Бог е бесплотен, според твоето ка- жување, зошто тогаш Псалмопевецот му припишува многу делови на телото: очи, уши, раце, рамена итн?
О. Така Псалмопевецот го опишува Бога за преку телесните видливи знаци да ја изрази дејствителната невидлива Божја сила, со којашто Тој го одржува и го упатува своето создание. Тој е сиот око, и сиот е уво, зашто сè гледа и сè слуша и ништо не може пред Него да биде сокриено; сè е голо и објавено пред Него, и не само делата и зборовите, туку и мислите на срцето; следствено на тоа и неговата рака е семоќна и сесилна и сè создава по Неговата семоќ.

П. А каде престојува Бог?
О. Со своето божество Тој е насекаде.

П. А дали е секаде со својата благодат?
О. Не насекаде, туку само на избрани места.

П. Што се тоа избрани места?
О. Храмот Божји кајшто почиваат свети мошти и кајшто се извршуваат св. тајни; особено избрано место за Него е Престолот Божји на небото.